ສຶກສາຊຽງຂວາງ ຝຶກອົບຮົມໃຫ້ກຸ່ມບ້ານເປົ້າໝາຍ

 ວັນທີ 20 ພະຈິກຜ່ານມາໄດ້ມີພິທີປິດຝຶກອົບຮົມກ່ຽວກັບກອງປະຊຸມຝຶກອົບຮົມຄວາມຮູ້ຜົນກະທົບຂອງສານເຄມີໃນຄົວເຮືອນ-ທາງການກະເສດ ແລະຊີວະນາໆ ພັນໃຫ້ແກ່ຊຸມຊົນກຸ່ມບ້ານເປົ້າໝາຍເມືອງຄໍາໂດຍໃຫ້ກຽດເປັນປະທານກ່າວປິດຂອງທ່ານ ບຸນຄົງ ລັດຕະນະວິໄລ ຮອງຫົວໜ້າພະແນກ(ສກຂ), ມີທ່ານ ນາງ ຂັນທອງ ພົມມະວັນຮອງຫົວໜ້າຂະແໜງການສຶກສານອກໂຮງຮຽນ (ກສນ) ພະແນກ ສກຂ ພ້ອມຄະນະ, ມີໜ່ວຍງານທີ່ກ່ຽວຂ້ອງຈາກ ຫ້ອງການສຶກສາທິການ ແລະກີລາ ເມືອງຄໍາ, ຄູຝຶກ ແລະຊຸມຊົນ 9 ບ້ານເປົ້າໝາຍເຂົ້າຮ່ວມ.

ທ່ານ ນາງ ຂັນທອງ ພົມມະວັນໄດ້ຂຶ້ນຜ່ານບົດສະຫຼຸບເພື່ອຕີລາ ຄືນຜົນໄດ້ຮັບຂອງສໍາມະນາກອນໃນບັ້ນຝຶກອົບຮົມໃນ 3 ວັນ, ໂດຍ ລວມແລ້ວຖືວ່າສໍາມະນາກອນມີຄວາມຮູ້ຄວາມເຂົ້າໃຈເຖິງ 92% ສໍາລັບພາກທິດສະດີ ແລະພາກປະຕິບັດຕົວຈິງ 95%, ເປັນຕົ້ນຮັບຮູ້ເຂົ້າໃຈເຖິງຜົນກະທົບຂອງສານ ເຄມີໃນຄົວເຮືອນທີ່ມີຕໍ່ການດໍາລົງຊີວິດປະຈໍາວັນຂອງພໍ່ແມ່ປະຊາຊົນອັນເນື່ອງມາຈາກການນໍາໃຊ້ເຄື່ອງປຸງແຕ່ງສໍາເລັດຮູບບາງປະເພດເຂົ້າໃນການປຸງແຕ່ງອາ ຫານເຊັ່ນວ່າ: ແປ້ງນົວ ແລະອື່ນໆ ລວມທັງການອຸປະໂພກ-ບໍລິໂພກ ເຄື່ອງດື່ມສໍາເລັດຮູບບາງປະເພດກໍມີສານເຄມີເຈືອປົນເຊັ່ນດຽວກັນ,ນອກນັ້ນຍັງໄດ້ຮັບຮູ້ເຂົ້າໃຈເຖິງຜົນຮ້າຍຂອງສານເຄມີທີ່ນໍາໃຊ້ເຂົ້າໃນການຜະລິດການກະເສດເປັນຕົ້ນການນໍາໃຊ້ຢາຂ້າຫຍ້າ, ຢາປາບສັດຕູພືດ ແລະປຸ໋ຍເຄມີ ຕ່າງໆ ອັນສົ່ງຜົນກະທົບຮ້າຍແຮງຕໍ່ຮ່າງກາຍຄົນເຮົາສັດ ແລະລະບົບນິເວດຊີວະນາໆພັນທີ່ອາໄສຢູ່ເຮັດໃຫ້ເກີດພະຍາດຕ່າງໆ ຢ່າງຮ້າຍແຮງ ແລະເຖິງຂັ້ນເສຍຊີວິດຢ່າງກະທັນຫັນບາງກໍລະນີ, ພິເສດສໍາມະນາກອນຍັງໄດ້ລົງເລິກພາກປະຕິບັດຕົວຈິງກ່ຽວກັບການຜະລິດນໍ້າຢາລ້າງຈານແບບທໍາມະຊາດ, ການຜະລິດຝຸ່ນຊີວະພາບຈາກທໍາມະຊາດ ແລະການຮັກສາອະນຸລັກ ຊີວະນາໆພັນແບບວົງຈອນເພື່ອໃຊ້ຊຸມຊົນສາມາດນໍາເອົາຄວາມຮູ້ໄປປະຕິບັດຕົວຈິງຢູ່ພື້ນຖານທ້ອຖິ່ນໄດ້, ສໍາລັບຊຸມຊົນ 9 ບ້ານເປົ້າ ໝາຍເຂົ້າຮ່ວມປະກອບມີ: ບ້ານພູ ເມືອງ, ບ້ານມ່ວງໄຊ, ບ້ານຊາມ, ບ້ານກ້ວຍໝໍ້, ບ້ານດຸ່ງຄໍາ, ບ້ານ ຈອມສີ, ບ້ານນາທອງ, ບ້ານຊາງ ແລະບ້ານນາເມືອງ ເນື່ອງຈາກກຸ່ມ ບ້ານດັ່ງກ່າວຍັງມີຄວາມສ່ຽງໃນ ການນໍາໃຊ້ຜະລິດຕະພັນທາງສານ ເຄມີເຂົ້າໃນການຜະລິດການກະ  ເສດແນໃສ່ເຮັດໃຫ້ເຂົາເຈົ້າຫຼີກເວັ້ນຈາກການນໍາໃຊ້ສານເຄມີເຫຼົ່ານັ້ນ ໃຫ້ໝົດໄປໂດຍສິ້ນເຊີງ.

-------------------

​ໜັງສືພິມເສດຸະກິດ-ສັງຄົມ

แชร์