ເທເລີ ສະວິບ ມີຊື່ເຂົ້າຊີງລາງວັນແກຣມມີ່ ເຖິງ 3 ສາຂາ

  ລາຍຊື່ຜູ້ເຂົ້າຊີງລາງວັນ ແກຣມມີ່ ອະວອດປະຈຳປີ 2020 ອອກມາເປັນທີ່ຮຽບຮ້ອຍແລ້ວໃນວັນທີ 20 ພະຈິກທີ່ຜ່ານມາ ຊຶ່ງ ເທເລີ ສະວິບນັກຮ້ອງຍິງຄົນດັງກໍມີຊື່ເຂົ້າຊີງລາງວັນເຖິງ 3 ສາຂາ ປະກອບມີ: ເພງແຫ່ງປີ, ການ ສະແດງຄອນເສີດແນວປ໊ອບແຫ່ງ ປີ ແລະອາລະບໍ້າແນວປ໊ອບແຫ່ງປີ.

ຖ້າຈະບອກວ່ານີ້ເປັນການກັບມາສູ່ຄວາມຍິ່ງໃຫຍ່ຂອງສະວິບ ກໍບໍ່ຜິດເພາະປີກ່ອນລາວມີຊື່ເຂົ້າຊີງລາງວັນພຽງສາຂາດຽວເທົ່ານັ້ນຊຶ່ງການທີ່ລາວໄດ້ເຂົ້າຊີງລາງວັນ 3 ສາຂາໃນປີນີ້ມັນກໍມີໂອກາດ ທີ່ຈະເຮັດໃຫ້ລາວເພີ່ມລາງວັນ ແກຣມມີ ຫຼັງຈາກຕອນນີ້ກໍໄດ້ລາງ ວັນແກຣມມີ່ໄປແລ້ວເຖິງ 10 ເທື່ອ, ທັງນີ້ ອະລິເຊຍ ຄີສ ຈະຍັງເປັນພິ ທີກອນຕົ້ນຕໍຂອງງານມອບລາງ ວັນໃນປີນີ້ເຮັດໃຫ້ລາວເປັນພິທີ ກອນ ແກຣມມີ່ ອະວອດ ເປັນປີທີ່ 2 ຕິດຕໍ່ກັນ ແລະສົ່ງຜົນໃຫ້ລາວ ເປັນສີລະປິນຍິງຄົນທຳອິດທີ່ເປັນພິ ທີກອນງານນີ້ເຖິງ 2 ເທື່ອ, ຂະນະດຽວກັນໃນງານ ແກຣມມີ່ ອະວອດປະຈຳປີ 2020 ຊຶ່ງເປັນຄັ້ງ ທີ 62 ແກຣມມີ່ອະວອດ ນັ້ນຈະ ເປັນຄັ້ງສຸດທ້າຍທີ່ ເຄນ ເອລິດ ເປັນຄົນຄຸມວຽກງານອີກດ້ວຍ ໂດຍຫຼັງຈາກນີ້ມັນຈະເປັນໜ້າທີ່ ຂອງເບນ ວິນຕັນ.

------------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์