ປານີພອນ ຕົວແທນເດັກລາວໃນເວທີສະຫະປະຊາຊາດ

  ໃນວັນທີ 20 ພະຈິກ 2019 ທີ່ນິວຢອກ ປະເທດສະຫະລັດອາເມລິກາ, ນາງ ປານີພອນ ວົງມາລາ ອາຍຸ 15 ປີ ຈາກໂຮງຮຽນມັດທະຍົມສົມບູນວຽງຈັນໄດ້ຖືກຄັດ ເລືອກເປັນຕົວແທນເດັກນ້ອຍລາວຂຶ້ນກ່າວຄຳຄິດເຫັນກ່ຽວກັບການສຶກສາທີ່ກອງປະຊຸມລະດັບສູງຂອງສະມັດຊາໃຫຍ່ອົງການສະຫະປະຊາຊາດເນື່ອງໃນໂອກາດວັນສະເຫຼີມສະຫຼອງວັນເດັກນ້ອຍໂລກ ແລະວັນຄົບຮອບ 30 ປີ ຂອງການຮັບຮອງເອົາສົນທິສັນຍາວ່າດ້ວຍສິດທິເດັກ.

  ນາງ ປານີພອນ ວົງມາລາ ໄດ້ໃຫ້ທັດສະນະວ່າ: ຢາກໃຫ້ເດັກນ້ອຍລາວທຸກຄົນມີໂອກາດໄດ້ຮຽນຈົບຊັ້ນປະຖົມ ແລະມັດທະຍົມພາຍໃນປີ 2030 ໃນເຂດຊົນນະບົດຫ່າງໄກສອກຫຼີກຂອງ ສປປ ລາວ ຍັງມີເດັກນ້ອຍຈຳນວນຫຼາຍທີ່ອອກໂຮງໂຮຽນກ່ອນຈົບຊັ້ນມັດທະຍົມໂດຍສະເພາະໃນກຸ່ມເດັກຍິງລາວ, ຊຶ່ງພວກເຮົາຈະຊ່ວຍກັນດຳ ເນີນການແນວໃດເພື່ອຮັບປະກັນໃຫ້ຊາວໜຸ່ມ ແລະເດັກນ້ອຍລາວທຸກຄົນກາຍເປັນກຳລັງ ແຮງຂອງປະເທດຊາດ “ຂໍຮຽກ ຮ້ອງໃຫ້ທຸກໆທ່ານໃນກອງປະຊຸມຊ່ວຍຄິດຄົ້ນຫາວິທີເພື່ອໃຫ້ເດັກນ້ອຍໄດ້ຮັບການສຶກສາທີ່ມີຄຸນນະພາບ, ຢາກໃຫ້ເດັກນ້ອຍທຸກຄົນເຂົ້າເຖິງການສຶກສາທີ່ນໍາໃຊ້ເຕັກໂນໂລຢີທີ່ທັນສະໄໝເພື່ອມີຄວາມຮູ້ຄວາມສາ ມາດປະກອບສ່ວນເຂົ້າໃນການປົກປັກຮັກສາສ້າງສາ ແລະພັດທະນາປະເທດ,ໃນ ສປປ ລາວ ການເຂົ້າເຖິງອິນເຕີເນັດຢູ່ໃນເຂດຊົນນະບົດແມ່ນຍັງມີຈຳກັດໂດຍສະເພາະເຂດຫ່າງໄກສອກຫຼີກ,ຊຶ່ງຢາກໃຫ້ການສິດສອນໃນໂຮງຮຽນມີການນໍາໃຊ້ຄອມພິວເຕີ ແລະລະບົບອິນເຕີເນັດເພື່ອສ້າງທັກສະທີ່ຈໍາເປັນໃຫ້ແກ່ເດັກ.

ສະໜັບສະໜຸນໂດຍ: HONDA

  ໃນປີນີ້ນາງ ປານີພອນ ວົງມາລາ ໄດ້ເຂົ້າຮ່ວມກອງປະຊຸມປຶກສາຫາລືບັນຫາສິດທິເດັກກັບຊາວໜຸ່ມທີ່ມາຈາກທົ່ວປະເທດຊຶ່ງມີຄວາມດີໃຈທີ່ລັດຖະບານລາວຄະນະກຳ ມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແມ່ ແລະ ເດັກໄດ້ເປີດກອງປະຊຸມປຶກສາຫາລືດັ່ງກ່າວຜ່ານການປຶກສາຫາລືພວກເຮົາໄດ້ເຫັນວ່າ ສປປ ລາວ ໄດ້ມີຄວາມຄືບໜ້າຫຼາຍຂຶ້ນໃນການປະຕິບັດສິດທິເດັກນ້ອຍລາວໄດ້ມີໂອກາດໄປໂຮງຮຽນ ແລະ ເຂົ້າເຖິງການສຶກສາທີ່ເໝາະສົມແຕ່ເຖິງແນວໃດກໍ່ຕາມເຫັນວ່າຍັງມີສິ່ງທ້າ ທາຍຢ່າງທີ່ຕ້ອງໄດ້ຮັບການແກ້ໄຂ.

------------

ໜັງສືພິມເສດຖະກິດ-ສັງຄຸົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์