ວັດຈອມເຂົາມະນີຣັດ ວັດທີ່ມີຄວາມເກົ່າແກ່ແລະສັກສິດ

  ແຂວງບໍ່ແກ້ວເປັນແຂວງທີ່ມີຊື່ສຽງທາງດ້ານອັນຍະມະນີ ແລະ ຍັງຢູ່ໃນເຂດສາມຫຼ່ຽມຄໍາອີກດ້ວຍ, ນອກນັ້ນເຂດນີ້ເຄີຍມີບົດບາດອັນສຳຄັນອັນຍິ່ງໃຫຍ່ທາງດ້ານປະ ຫວັດສາດໃນສະໄໝສະຕະວັດທີ 20 ມີຮ່ອງຮອຍຄວາມຈະເລີນຮຸ່ງເຮືອງທາງດ້ານສາສະໜາ, ການປົກຄອງ, ກະສັດ, ປະຫວັດດ້ານສົງຄາມຄ້າໃນສະໄໝກ່ອນ,ພ້ອມທັງປູຊະນີຍະສະຖານ, ອະຣິຍະທຳອັນລໍ້າຄ່າ, ສະຖາປັດຕະຍະກຳອັນເປັນເອກະລັກ ແລະວັດວາອາຮາມທີ່ເກົ່າແກ່ທີ່ໜ້າສົນໃຈຫຼາຍບໍ່ວ່າຈະເປັນທາງທໍາມະຊາດ, ປະ ຫວັດສາດ ແລະວັດທະນາທໍາ.

  ວັດຈອມເຂົາ ມະນີຣັດ ເປັນວັດທີ່ມີຄວາມເກົ່າແກ່ ແລະສັກສິດທັງເປັນສະຖານທີ່ທ່ອງທ່ຽວທີ່ມີຊື່ສຽງໂດ່ງດັງອີກແຫ່ງໜຶ່ງຂອງແຂວງບໍ່ແກ້ວຊຶ່ງຕັ້ງຢູ່ເຂດບ້ານໃຫຍ່ຫ້ວຍຊາຍໃຕ້ເມືອງຫ້ວຍຊາຍ, ແຂວງບໍ່ແກ້ວ, ຖືກສ້າງຂຶ້ນໃນສະໄໝລາຊະການພະເຈົ້າຟ້າຂຸນຈິງຊຶ່ງເປັນຜູ້ທີ່ມາສ້າງບ້ານຫ້ວຍຊາຍທໍາອິດໃນປີ ຄສ  1880. ວັດດັ່ງກ່າວເຮັດດ້ວຍໄມ້ສັກ, ເປັນບ່ອນສັກກະລະບູຊາຂອງຊາວເມືອງ ແລະນັກທ່ອງທ່ຽວ, ຍັງເປັນຕົ້ນກໍາເນີດຂອງເຮືອນຕັ້ງເສົາຢອງຫີນໃນກາງສະຕະວັດທີ 15 (ປະຈຸບັນໄດ້ຖືກໄຟໄໝ້ແລ້ວ), ພາຍໃນສິມມີຮູບທີ່ເລົ່າເຖິງປະຫວັດຂອງພະພຸດທະເຈົ້າ, ບານປະຕູແກະສະຫຼັກດ້ວຍຮູບພາບປະຫວັດຂອງທ້າວ ສີທົນ ແລະນາງມະໂນລາທີ່ສວຍສົດງົດງາມ ແລະມີເຕົ່າຫີນເພື່ອໃຊ້ສໍາລັບການສ່ຽງທວາຍ.

__________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์