ຟູດແພນດ້າ ເປີດບໍລິການຢູ່ລາວພ້ອມສົ່ງອາຫານເຖີງທີ່

  ຟູດແພນດ້າ (foodpanda) ແມ່ນການບໍລິການສັ່ງ ແລະຈັດສົ່ງອາຫານທີ່ງ່າຍດາຍຜ່ານທາງແອັບເທິງມືຖືທັງໃນລະບົບປະຕິບັດການ iOS ແລະ Android ທີ່ຊ່ວຍໃຫ້ລູກຄ້າສາມາດຄົ້ນເບິ່ງຮ້ານອາຫານໃນເຄືອຂ່າຍທຸລະກິດໃຫຍ່ໆ ລວມທັງຮ້ານອາຫານໃນທ້ອງຖິ່ນທີ່ເປັນທີ່ນິຍົມຫຼາກຫຼາຍຮ້ານ, ໂດຍມີພິທີເປີດໂຕຢ່າງເປັນທາ ງການໃນວັນທີ 22 ພະຈິກ 2019ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນ ຕີກະຊວງໄປສະນີໂທລະຄົມມະນາຄົມ ແລະການສື່ສານ.

 

 ທ່ານ ເຈຄັອບເຊບັດສະຕຽນແອັງ ເຈເລ ປະທານຜູ້ບໍລິຫານຟູດແພນດ້າປະຈຳພາກພື້ນອາຊີ-ປາຊິຟິກ ກ່າວວ່າ: “ຟູດ ແພນດ້າແມ່ນຊ່ອງທາງໃຫ້ບໍລິການທີ່ເປັນມິດຕໍ່ຜູ້ໃຊ້ງານທີ່ຊ່ວຍໃຫ້ລູກຄ້າ ສາມາດເພີດເພີນໄປກັບການຮັບປະທານ ອາຫານໄດ້ຢ່າງງ່າຍດາຍບໍ່ວ່າພວກ ເຂົາຈະຢູ່ໃສກໍ່ຕາມ”, ຊຶ່ງຟູດແພນດ້າ ມຸ່ງໝັ້ນທີ່ຈະນຳເອົາອາຫານຍອດນິຍົມ ຈາກຮ້ານອາຫານໃນທ້ອງຖິ່ນໄປສູ່ຜູ້ຄົນ ທີ່ມັກຮັບປະທານອາຫານໃນທົ່ວໂລກ, ນັບແຕ່ສ້າງຕັ້ງບໍລິສັດເປັນຕົ້ນມາ ຄືໃນ ປີ 2017 ການໃຫ້ບໍລິການຈັດສົ່ງອາ ຫານຕາມຄວາມຕ້ອງການໄດ້ຂະຫຍາຍ ຕົວຈົນມີຮ້ານອາຫານທີ່ເປັນຄູ່ຮ່ວມຫຼາຍ ກວ່າ 30 ພັນຮ້ານໃນ 11 ປະເທດຂອງ ທະວີບອາຊີ ແລະເອີຣົບ.

 ຟູດແພນດ້າໃຫ້ບໍລິການຢູ່ຮົງກົງ, ສິງກະໂປ, ໄທ, ມາເລເຊຍ, ປາກີສະຖານ, ໄຕ້ຫວັນ, ຟິລິບປິນ, ບັງກະລາເທດ, ລາວ, ໂຣມານີ ແລະ ບູນກາຣີພາຍໃຕ້ການບໍລິ ຫານຂອງບໍລິສັດ ເດລິເວີຣີ້ຮີໂຣ້ ຊຶ່ງເປັນບໍລິສັດຊັ້ນນຳລະດັບໂລກໃນອຸດສາຫະກຳໃຫ້ບໍລິການຈັດສົ່ງອາຫານ; ສໍາລັບລາວເປັນປະເທດທີ 9 ທີ່ເຂົ້າມາເປັນສ່ວນໜຶ່ງຂອງຄອບຄົວຟູດແພນດ້າຊຶ່ງບໍລິສັດມີຈຸດປະສົງຢາກໃຫ້ບໍລິການທັງຮ້ານອາຫານ ແລະລູກຄ້າພາຍໃນເຂດນະຄອນຫຼວງວຽງຈັນໃຫ້ມີຊ່ອງທາງໃໝ່ໆເພື່ອຂາຍອາຫານ ແລະເພີດເພີນໄປກັບການຮັບປະທານອາຫານທີ່ແຊບບໍ່ວ່າພວກເຂົາຈະຢູ່ໃສກໍ່ຕາມ.

ສະໜັບສະໜຸນໂດຍ: HONDA

  ທ່ານນາງ ທັນຍາລັດ ຈະເລີນສຸກ ຜູ້ອຳນວຍການຟູດແພນດ້າລາວກ່າວວ່າ: ຟູດແພນດ້າແມ່ນການບໍລິການສັ່ງ ແລະ ຈັດສົ່ງອາຫານທີ່ງ່າຍດາຍຜ່ານທາງແອັບເທິງມືຖືທັງໃນລະບົບປະຕິບັດການ iOS ແລະ Android ທີ່ຊ່ວຍໃຫ້ລູກຄ້າສາມາດຄົ້ນເບິ່ງຮ້ານອາຫານໃນເຄືອຂ່າຍທຸລະກິດໃຫຍ່ໆ ລວມທັງຮ້ານອາຫານໃນທ້ອງຖິ່ນທີ່ເປັນທີ່ນິຍົມຫຼາກຫຼາຍຮ້ານເພື່ອຊອກຫາລາຍການອາຫານ,ດ້ວຍຄວາມສາມາດໃນການຕິດຕາມລາຍການອາຫານທີ່ສັ່ງ,ການຄົ້ນຫາຕົວເລືອກຮ້ານອາຫານໃໝ່ໆ ແລະການຊອກຫາຂໍ້ສະເໜີພິເສດຕ່າງໆທີ່ຕ້ອງການ, ນອກຈາກນີ້, ລູກຄ້າຍັງສາມາດຊອກຫາເມນູອາຫານທີ່ຂາຍດີທີ່ສຸດຂອງແຕ່ລະຮ້ານພ້ອມທັງອ່ານຄຳຕິຊົມຈາກລູກຄ້າຄົນອື່ນໆເພື່ອຊ່ວຍໃນການຕັດສິນໃຈ.

 ປະຈຸບັນ ຟູດແພນດ້າໄດ້ລວບລວມເອົາຮ້ານອາຫານໄວ້ຫຼາຍກວ່າ 300 ຮ້ານພາຍໃນເຂດນະຄອນຫຼວງວຽງຈັນ ເພື່ອເປັນທາງເລືອກໃຫ້ລູກຄ້າພ້ອມເປີດໃຫ້ບໍລິການທຸກມື້ແຕ່ເວລາ 07:00-23:00 ໂມງ, ຊຶ່ງທ່ານສາມາດດາວໂຫຼດແອັບໄດ້ ຫຼືເຂົ້າໄປທີ່https://www.foodpanda.la

__________

ຂຽນໂດຍ:  ກິ່ງລັດຕະນະ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์