ນຳສະເໜີປະຕິທິນທະນາຄານຮ່ວມພັດທະນາ ປະຈຳປີ 2020

  ໃນຕອນບ່າຍຂອງວັນທີ່ 21 ພະຈິກ 2019 ທີ່ສໍານັກງານໃຫຍ່ທະນາຄານຮ່ວມພັດທະນານະຄອນຫຼວງວຽງຈັນ ໄດ້ມີພິທີເປີດໂຕປະຕິທິນປະຈຳປີ 2020 ຂຶ້ນຢ່າງເປັນທາງການເຂົ້າຮ່ວມໂດຍມີທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ, ມີທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດທະນາ ແລະຜູ້ບໍລິຫານລະດັບສູງຕະຫຼອດຮອດພະນັກງານວິຊາການຂອງທະນາຄານຮ່ວມພັດທະນາເຂົ້າຮ່ວມຢ່າງພ້ອມພຽງໃນພິທີໄດ້ເລີ່ມຕົ້ນດ້ວຍການຍ່າງສະແດງຂອງນ້ອງນາງສາວລາວທີ່ເປັນນາງສາວປະຕິທິນສົກປີ 2020 ແລະກໍ່ໄດ້ມອບປະຕິທິນປີ 2020 ໃຫ້ຜູ້ບໍລິຫານລະດັບສູງຂອງທະນາຄານຮ່ວມພັດທະນາ.

ສະໜັບສະໜຸນໂດຍ: HONDA

  ເນື່ອງໃນໂອກາດຕ້ອນຮັບວັນສ້າງຕັ້ງທະນາຄານຮ່ວມພັດທະນາຄົບຮອບ 30 ປີ (1989-2019) ໂດຍສະເພາະປີນີ້ໄດ້ເອົານາງສາວລາວປີ 2018 MISS UNI VERSE LAOS, MISS IN TERNATIONNAL LAO 2019 ມາຖ່າຍແບບປະຕິທິນ ໂດຍໃສ່ຊຸດຕາມນະວະນິຍາຍຊຸດກິນນະລີ, ກິນນະລອນ, ເພື່ອແຈກຍາຍໃຫ້ລູກຄ້າ ແລະ ປະຊາຊົນເພື່ອເປັນການໂຄສະນາປະຊາສຳພັນໃຫ້ສັງຄົມຮູ້ຈັກທະນາຄານຮ່ວມພັດທະນາ ແລະ ຮູ້ຜະລິດຕະພັນຂອງ JDB ຫຼາຍຂຶ້ນ, ຈາກນັ້ນຕາງໜ້ານາງສາວລາວກໍ່ໄດ້ມີ ຄໍາເຫັນສະແດງຄວາມຂອບໃຈມາຍັງຜູ້ບໍ ລິຫານທະນາຄານຮ່ວມພັດທະນາ ທີ່ໄດ້ ໃຫ້ການສະໜັບສະໜູນງານປະກວດ ນາງສາວລາວ ແລະມີຄວາມດີໃຈທີ່ໄດ້ມີໂອກາດເປັນສ່ວນຮ່ວມໃນການຖ່າຍທໍາປະຕິທິນໃນຄັ້ງນີ້ໄດ້ອວຍພອນໃຫ້ຜູ້ບໍລິຫານທະນາຄານຮ່ວມພັດທະນາມີສຸຂະພາບແຂງແຮງໃຫ້ທຸລະກິດຂອງທະນາຄານຮ່ວມພັດທະນາມີການຂະຫຍາຍຕົວຢ່າງບໍ່ຢຸດຢັ້ງ.

 ທະນາຄານຮ່ວມພັດທະນາເປັນທະນາຄານທີ່ໝັ້ນຄົງຂະຫຍາຍຕົວໄວ, ປະຈຸບັນມີໜ່ວຍບໍລິການທັງໝົດ 60 ໜ່ວຍບໍລິການໃນຂອບເຂດທົ່ວປະເທດ, ເພື່ອເປັນຊ່ອງທາງໃຫ້ປະຊາຊົນບັນດາເຜົ່າໄດ້ເຂົ້າເຖິງແຫຼ່ງທຶນສິນເຊື່ອເພື່ອເສີມສ້າງເສດຖະກິດຄອບຄົວ ແລະທຸລະກິດຂະໜາດນ້ອຍ ແລະກາງ (SME) ໂຄງການກໍ່ສ້າງໂຄງລ່າງຂອງລັດຖະບານພ້ອມກັນນັ້ນກໍ່ໄດ້ພັດທະນາປັບປຸງລະບົບເຕັກໂນໂລຊີທີ່ທັນສະໄໝເພື່ອຕອບສະໜອງການບໍລິການລູກຄ້າຂອງຕົນ ແລະສ້າງຜົນປະໂຫຍດຕອບແທນຊຶ່ງກັນ ແລະກັນໃຫ້ຫຼາຍຂຶ້ນໂດຍປະຕິບັດຕາມຄໍາຂວັນຂອງທະນາຄານຮ່ວມພັດທະນາທີ່ວ່າ: “ເຕີບໃຫ່ຍໄປພ້ອມກັນ”.

__________

ຂຽນໂດຍ: ຄໍາຕົ້ນ ວໍລະຈັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์