ປະຊາຊົນກຸ່ມ 6 ວາປີຮັບຮູ້ກ່ຽວກັບຄຳສັ່ງ ແລະກົດໝາຍ

 ໃນວັນທີ 20 ພະຈິກ 2019 ນີ້ທ່ານ ວັງປະເສີດ ບຸນເອື້ອວົງສາ ຫົວໜ້າກອງກວດກາປ່າໄມ້ແຂວງສາລະວັນ, ພ້ອມຄະນະໄດ້ລົງເຜີຍແຜ່ຄຳສັ່ງ ແລະ ກົດໝາຍຕ່າງໆ ທີ່ກ່ຽວຂ້ອງກັບວຽກງານຂອງຕົນຢູ່ທີ່ຫ້ອງການບ້ານນາລັນກຸ່ມ 6 ເມືອງວາປີ, ເປັນກຽດເຂົ້າຮ່ວມໂດຍທ່ານ ເຄນຄຳ ວົງພູມີ ຮອງ ປະທານກຸ່ມ 6, ພ້ອມດ້ວຍນາຍ ບ້ານ, ປກສ-ປກຊ ບ້ານ ແລະ ພໍ່ແມ່ປະຊາຊົນພາຍໃນ 3 ບ້ານຄື: ບ້ານກອງລືໃຫຍ່, ນາລັນ ແລະ ບ້ານນາຕະປຽງ.

ສະໜັບສະໜຸນໂດຍ: HONDA

  ທ່ານ ວັງປະເສີດ ບຸນເອື້ອວົງສາ ຫົວໜ້າກອງກວດກາປ່າໄມ້ແຂວງສາລະວັນກໍ່ໄດ້ຜ່ານເອກະສານຄຳສັ່ງຂອງນາຍົກລັດຖະມົນຕີເລກທີ 15/ນຍ ລົງວັນທີ 13 ພຶດ ສະພາ ປີ 2016 ວ່າດ້ວຍ ການເພີ່ມທະວີຄວາມເຂັ້ມງວດໃນການຄຸ້ມຄອງ ແລະກວດກາ ການຂຸດຄົ້ນໄມ້, ເຄື່ອນຍ້າຍໄມ້ ແລະທຸລະກິດໄມ້, ຈາກນັ້ນຜູ້ເຂົ້າ ຮ່ວມກໍ່ໄດ້ຮັບຟັງກົດໝາຍວ່າດ້ວຍສັດນຳ-ສັດປ່າສະບັບເລກທີ 07/ ສພຊ ລົງວັນທີ 24 ທັນວາ 2007, ກົດໝາຍປ່າໄມ້ສະບັບ ເລກທີ 06/ສພຊ ລົງວັນທີ 4 ທັນວາ 200 7 ແລະຄໍາສັ່ງຂອງນາຍົກລັດຖະມົນຕີເລກທີ 05/ນຍ ລົງວັນທີ 8 ພຶດສະພາ ປີ 2018 ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະກວດກາສັດປ່າ ແລະ ພືດປ່າປະເພດຫຼວງຫ້າມ.

 ຈຸດປະສົງໃນການລົງເຜີຍແຜ່ຄັ້ງນີ້ກໍ່ເພື່ອຢາກໃຫ້ປະຊາຊົນໄດ້ຮັບຮູ້ກ່ຽວກັບກາປົກປັກຮັກສາປ່າໄມ້ ແລະປະເພດຂອງປ່າຄື: ປ່າຜະລິດ,ປ່າປ້ອງກັນ ແລະປ່າສະຫງວນ, ພ້ອມທັງຢາກໃຫ້ປະຊາຊົນໄດ້ຮັບຮູ້ ແລະມີສ່ວນຮ່ວມໃນການອະນຸລັກສັດນໍ້າ-ສັດປ່າ ປະເພດຕ່າງໆເປັນຕົ້ນກໍ່ແມ່ນສັດທີ່ໃກ້ຈະສູດພັນ, ປະຊາຊົນທັງ 3 ບ້ານໃນກຸ່ມ 6 ວາປີມີຈຳນວນຫຼັງ ຄາເຮືອນ ທັງໝົດ 249 ຫຼັງຄ້າ ເຮືອນ, ມີ 290 ຄອບຄົວ, ມີພົນລະເມືອງ 1,336 ຄົນ, ຍິງ 686 ຄົນ, ປະກອບມີ 2 ຊົນ ເຜົ່າຄື: ເຜົ່າກະຕາງກວມ 90% ແລະເຜົ່າລາວລຸ່ມ 10% ອາຊີບ ສ່ວນໃຫຍ່ແມ່ນເຮັດນາ ແລະລ້ຽງສັດ.

__________

ຂຽນໂດຍ: ສິດຕາ ເພັດວົງສາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์