ລະບົບເງິນເທິງມືຖືຈະຊ່ວຍໃຫ້ຊີວິດທ່ານສະດວກຂຶ້ນ

  ເມື່ອວັນທີ 18 ພະຈິກ 2019 ກະຊວງໄປຊະນີ, ໂທລະຄົມມະນາຄົມ ແລະ ການສື່ສານຮ່ວມກັບແຂວງສະຫວັນນະເຂດ ໄດ້ຈັດກອງປະຊຸມນໍາສະເໜີລະບົບເງິນເທິງມືຖື ຫຼື M-Money ຢູ່ທີ່ ຫ້ອງປະຊຸມຂອງຫ້ອງວ່າການປົກຄອງແຂວງສະຫວັນນະເຂດ, ໃຫ້ກຽດເປັນປະທານໂດຍ ທ່ານ ບຸນ ສະເຫຼີມໄຊ ເຄນນາວົງ ຮອງລັດ ຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ມີບັນດາຕົວແທນຈາກພະ ແນກການອ້ອມຂ້າງແຂວງ, ແຂກທີ່ຖືກເຊີນ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ບຸນສະເຫຼີມໄຊ ເຄນນາວົງ ໄດ້ກ່າວເຖິງຄວາມສໍາຄັນຂອງລະບົບເທິງມືຖື (M-Mon ey) ວ່າ: ປະຈຸບັນ, ເຕັກໂນໂລຊີການສື່ສານຂໍ້ມູນຂ່າວສານ (ICT) ມີການພັດທະນາຢ່າງວ່ອງໄວ ແລະ ເປັນກະແຈທີ່ສຳຄັນໃນການກະຕຸ້ນທຸກຂະແໜງການໃຫ້ມີການພັດທະນາຢ່າງກ້າວກະໂດດ, (M- Money) ຫຍໍ້ມາຈາກ Mobile Money ຈະຊ່ວຍໃຫ້ການຊໍາລະເງິນງ່າຍຂຶ້ນເນື່ອງຈາກຈະມີການເຊື່ອມໂຍງກັບທຸກສະຖາບັນການເງິນເປັນຕົ້ນແມ່ນທະນາຄານ, ເງິນຝາກຈຸລະພາກ, ຮ້ານສະດວກຊື້ ແລະອື່ນໆຈັບຍົກມາໄວ້ໃນມື້ຖື ທັງໝົດ ຊຶ່ງທ່າແຮງໃນການພັດ ທະນາມີຢູ່ຫຼາຍດ້ານເຊັ່ນ: ປະເທດ  ເຮົາມີຊາຍແດນຕິດກັບຫຼາຍປະເທດທີ່ກຳລັງມີການພັດທະນາສູງທາງດ້ານເສດຖະກິດດີຈີຕອລ ແລະອຸດສາຫະກຳ 4.0 ໂດຍສະເພາະ ສປ ຈີນ, ສສ ຫວຽດນາມ ແລະຣາຊະອານາຈັກໄທ.

ສະໜັບສະໜຸນໂດຍ: HONDA

  ດ້ານພື້ນຖານໂຄງລ່າງໂທລະຄົມມະນາຄົມ ແລະອິນເຕີເນັດ ຊຶ່ງ ປີ 2018 ເຄືອຂ່າຍມືຖື 2G  ກວມ 95%, 3G  ກວມ 81% ແລະ 4G ກວມ 53% ຂອງຈຳນວນບ້ານທົ່ວປະເທດ, ປະຈຸບັນມີຜູ້ຊົມໃຊ້ອິນເຕີເນັດຜ່ານໂທລະສັບມືຖື 47% ໃນທົ່ວປະເທດ ແລະຈະຍັງສືບຕໍ່ຂະຫຍາຍຕົວຂຶ້ນເລື້ອຍໆ,  ມີປະຊາກອນໜຸ່ມນ້ອຍທີ່ເຕີບໃຫຍ່ມາພ້ອມກັບຍຸກ ICT ຊຶ່ງນັບຈາກເກນອາຍຸສະເລ່ຍ 15-64 ປີ ກວມ 61,40% ເຫັນວ່າກວມປະຊາກ່ອນສ່ວນຫຼາຍທີ່ກຳລັງຊື້ ແລະນຳໃຊ້ຕົວຈິງໃນປະ ເທດເຮົາ,  ມີຫຼາຍບໍລິສັດຢູ່ພາຍໃນປະເທດມີຄວາມພ້ອມໃນການພັດທະນາລະບົບການເງິນໃນມືຖືເປັນຕົ້ນແມ່ນ, ບໍລິສັດລາວໂທລະຄົມມະນາຄົມມະຫາຊົນ (ລລທ), ຊຶ່ງມີຄວາມພ້ອມທາງດ້ານພື້ນຖານໂຄງລ່າງໂທລະຄົມ, ງົບປະມານ, ເຕັກນິກວິຊາການ ແລະອື່ນໆ.

-------------

ໜັງສືພີມເສດຖະກິດ-ສັງຄົມ

แชร์