ກອງປະຊຸມໃຫຍ່ຄັ້ງທີ XII ຂອງຜູ້ແທນອົງຄະນະພັກເມືອງແບງ

 ກອງປະຊຸມໃຫ່ຍຄັ້ງທີ XII ຂອງຜູ້ແທນອົງຄະນະພັກເມືອງແບງແຂວງອຸດົມໄຊໄດ້ໄຂຂຶ້ນວັນ ທີ 21 ພະຈິກຜ່ານມາທີ່ສະໂມສອນຂອງເມືອງໂດຍການເປັນປະທານຂອງສະຫາຍ ບຸນເທີມ ເຕີຍມະນີ ເລຂາພັກ ເມືອງເຈົ້າເມືອງ ເມືອງແບງ, ເຂົ້າຮ່ວມມີສະຫາຍ ຄຳພັນ ເຜີຍຍະວົງ ເລຂາພັກແຂວງເຈົ້າແຂວງອຸດົມໄຊ, ມີຄະນະປະຈຳພັກແຂວງ, ກຳມະການພັກແຂວງ, ອະດີດການນຳເມືອງ, ພະນັກງານປະຕິວັດອາວຸໂສ, ຜູ້ຊົງຄຸນວຸດທິ, ພ້ອມດ້ວຍແຂກຖືກເຊີນຈາກຂັ້ນແຂວງ, ເມືອງໃກ້ຄຽງ ແລະ ບັນດາສະຫາຍຜູ້ແທນສົມບູນ.

ສະຫາຍ ບຸນເທີມ ເຕີຍມະນີ ໄດ້ກ່າວເປີດກອງປະຊຸມຢ່າງເປັນທາງການພ້ອມຜ່ານຮ່າງລາຍງານການເມືອງຂອງຄະນະບໍລິຫານງານພັກເມືອງ ຊຸດທີ XI ຂອງເມືອງ, ພາຍໃຕ້ການຊີ້ນໍາໆພາຂອງອົງຄະນະພັກເມືອງໄດ້ເຮັດໃຫ້ທົ່ວເມືອງແບງສາມາດຮັກສາໄດ້ສະຖຽນລະພາບທາງດ້ານການເມືອງສັງຄົມມີຄວາມສະຫງົບ ແລະ ເປັນລະ ບຽບຮຽບຮ້ອຍ, ເສດຖະກິດ-ສັງຄົມໄດ້ຮັບການພັດທະນາຢ່າງຕໍ່ເນື່ອງ, ພື້ນຖານໂຄງລ່າງຂອງເມືອງກໍໄດ້ຮັບການປັບປຸງ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການປັບປຸງ ແລະ ດີຂຶ້ນກວ່າເກົ່າສະແດງອອກຕະຫຼອດໄລຍະ 5 ປີຜ່ານມາມູນຄ່າລວມຜົນຜະລິດ ແລະລາຍຮັບໃນປີ 2019 ສາມາດບັນລຸ 407,19 ຕື້ກີບ ໃນນີ້ຂະແໜງກະສິກໍາ-ປ່າ ໄມ້ ແລະ ການປະມົງ 305.51 ຕື້ ກີບ, ຂະແໜງອຸດສາຫະກໍາ 28,27 ຕຶ້ກີບ, ຂະແໜງບໍລິການ 73,38 ຕື້ກີບ, ທຽບໃສ່ 5 ປີຜ່ານມາເພີ່ມ ຂຶ້ນ 22,57%, ສະເລ່ຍ 4,51% ຕໍ່ປີ, ສະເລ່ຍລາຍຮັບຕໍ່ຄົນໄດ້ 9 ລ້ານກ່ວາກີບ ຫຼື ເທົ່າກັບ 1.163 ໂດລາສະຫະລັດຕໍ່ຄົນຕໍ່ປີ.

ສະໜັບສະໜຸນໂດຍ: HONDA

ໃນກອງປະຊຸມຜູ້ແທນທີ່ເຂົ້າຮ່ວມໄດ້ພ້ອມກັນຄົ້ນຄວ້າ, ປະກອບຄໍາເຫັນໃສ່ຮ່າງບົດລາຍງານການເມືອງ, ແຜນພັດທະນາເສດຖະກິດ-ສັງຄົມ 5 ປີ, ທິດທາງລວມ ແລະ ຄາດໝາຍສູ້ຊົນຕົ້ນຕໍ, ວຽກງານຈຸດສຸມແຕ່ລະດ້ານ ແລະ ບົດສໍາຫຼວດການນໍາພາລວມຂອງຄະນະບໍລິຫານງານພັກເມືອງຊຸດທີ XI, ຕີລາຄາດ້ານດີ, ດ້ານອ່ອນ, ຂໍ້ຄົງ ຄ້າງ, ສາເຫດ ແລະ ບົດຮຽນໃນການຊີ້ນໍາໆພາ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງ ທີ XI, ທີ່ສຳຄັນໃນກອງປະຊຸມໄດ້ມີການປ່ອນບັດຄັດເລືອກເອົາຄະນະບໍລິຫານງານພັກເມືອງແບງຊຸດໃໝ່, ປ່ອນບັດຄັດເລືອກເອົາຄະນະປະຈຳພັກເມືອງ, ເລຂາ, ຮອງ ເລຂາພັກເມືອງ, ປະທານ, ຮອງປະທານກວດກາພັກຊຸດໃໝ່ເພື່ອສືບຕໍ່ບໍລິຫານວຽກງານຂອງອົງຄະນະພັກເມືອງແບງໃນຕໍ່ໜ້າ.

----------------

ຂຽນໂດຍ: ສີຈັນ ເກດວົງສາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์