ເຊັນບົດບັນທຶກຄວາມເຂົ້າໃຈຮ່ວມກັນ ພັດທະນາບຸກຄະລາກອນ

  ພິທີເຊັນບົດບັນທຶກຄວາມ ເຂົ້າໃຈເພື່ອພັດທະນາບຸກຄະລາກອນແລກປ່ຽນບົດຮຽນດ້ານວິຊາການ ແລະວັດທະນະທໍາລະຫວ່າງໂຮງຮຽນເຕັກນິກ-ວິຊາຊີບ ແບບປະສົມແຂວງຊຽງຂວາງ ກັບມະຫາວິທະຍາໄລລາດຊະມົງ ຄົນອີ່ສານ ວິທະຍາເຂດຂອນແກ່ນ (ລາຊະອານາຈັກໄທ) ຈັດຂຶ້ນເມື່ອບໍ່ດົນມນີ້ ທີ່ສະໂມສອນໂຮງຮຽນ ເຕັກນິກ-ວິຊາຊີບແບບປະສົມ ແຂວງຊຽງຂວາງ, ຝ່າຍມະຫາວິ ທະຍາໄລລາດຊະມົງຄົນອີ່ສານ ໃຫ້ກຽດໂດຍຜູ້ຊ່ວຍອາດາໄລພະທຸຣະພົງຮອງອະທິການບໍດີ, ຝ່າຍໂຮງຮຽນເຕັກນິກ-ວິຊາຊີບແຂວງຊຽງ ຂວາງ ນໍາໂດຍທ່ານ ທອງສະ ຫວັນ  ວິຣະຈິດ ຮອງຜູ້ອໍານວຍ ການໂຮງຮຽນພ້ອມດ້ວຍພາກ ສ່ວນທີ່ກ່ຽວຂ້ອງທັງສອງຝ່າຍ ເຂົ້າຮ່ວມ.

ໃນພິທີທ່ານ ທອງສະຫວັນ ວິຣະຈິດ ໄດ້ໃຫ້ກຽດຂຶ້ນກ່າວຕ້ອນຮັບຄະນະທີມງານຈາກມະຫາວິທະຍາໄລລາດຊະມົງຄົນອີ່ສານ ວິທະຍາເຂດຂອນແກ່ນ (ລາຊະອານາ ຈັກໄທ) ທ່ານມີຄວາມດີໃຈທີ່ໄດ້ຕ້ອນຮັບຄະນະທີມງານພ້ອມທັງ ຂອບໃຈເປັນຢ່າງສູງທີ່ບັນດາທ່ານ ໄດ້ສະຫຼະເວລາອັນມີຄຸນຄ່າເດີນ ທາງອັນຍາວໄກມາຢ້ຽມຢາມ ແລະເຄື່ອນໄຫວເຮັດວຽກຢູ່ໂຮງຮຽນ ເຕັກນິກ-ວິຊາຊີບແບບປະສົມ ແຂວງຊຽງຂວາງຄັ້ງນີ້, ພ້ອມທັງ ຍັງໄດ້ນໍາເອົາເຄື່ອງຜະລິດໄຟຟ້າ ແສງສະຫວ່າງໂຊລ່າແຊວຈໍານວນໜຶ່ງມາຕິດຕັ້ງໃຫ້ໂຮງຮຽນພວກ ເຮົາຢູ່ທີ່ຟາມສວນບ້ານຍວນ ເພື່ອ ນໍາໃຊ້ເຂົ້າໃນການໂປ້ມນໍ້າຈາກບໍ່ບາດານຫົດສວນຫຍ້າອາຫານສັດຍາມລະດູແລ້ງເພື່ອອໍານວຍ ຄວາມສະດວກຮອບດ້ານພ້ອມທັງ ມີຄວາມພ້ອມໃນການສະໜອງ ຫຍ້າໃຫ້ແກ່ສັດ, ຂະນະດຽວກັນທັງສອງຝ່າຍຍັງໄດ້ຄົ້ນຄ້ວາປຶກ ສາຫາລື ແລະພ້ອມກັນວາງແຜນ ການຮ່ວມມືເຊັນບົດບັນທຶກຄວາມເຂົ້າໃຈໃນການກໍ່ສ້າງບຸກຄະລາກອນໃຫ້ແກ່ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງບາງດ້ານດັ່ງນີ້:ນຳສົ່ງຄູ-ອາຈານ ໂຮງຮຽນເຕັກນິກ-ວິຊາຊີບແຂວງ ຊຽງຂວາງ ໄປຝຶກອົບຮົມໄລຍະສັ້ນ ແລະໄລຍະຍາວຢູ່ລາຊະອານາຈັກ ໄທຕາມຄວາມເໝາະສົມ, ຂໍຄູຜູ້ ຊ່ຽວຊານຈາກມະຫາວິທະຍາໄລ ຂອງໄທມາຈັດຝຶກອົບຮົມສົ່ງຄວາມ ຮູ້ດ້ານເຕັກນິກໃຫ້ແກ່ຄູ-ນັກຮຽນໂຮງຮຽນເຕັກນິກ-ວິຊາຊີບແຂວງ ຊຽງຂວາງ ໃນສາຂາ-ວິຊາຮຽນທີ່ ເຫັນວ່າມີຄວາມຈໍາເປັນ ແລະອື່ນໆ                                                   ຕື່ມອີກ.

ການເຊັນບົດບັນທຶກການຮ່ວມມືຄວາມເຂົ້າໃຈຂອງສອງຝ່າຍຄັ້ງ ນີ້ເປັນການຢັ້ງຢືນເຖິງສາຍພົວພັນຄວາມສາມັກຄີອັນແໜ້ນແຟ້ນຂອງສອງສະຖາບັນໃນຖານບ້ານໃກ້ ເຮືອນຄຽງ,ເປັນການປະກອບສ່ວນພັດທະນາວຽກງານທາງ ດ້ານວິຊາການ ແລະທາງດ້ານບຸກຄະລາກອນໃຫ້ແກ່ໂຮງຮຽນເຕັກນິກ-ວິຊາຊີບແບບປະສົມແຂວງ ຊຽງຂວາງໃຫ້ມີຄວາມເຂັ້ມແຂງ ແລະກ້າວໄປສູ່ຄຸນນະພາບ.

------------------

ໜັງສືພິມເສດຖະກິດ-ສັງຄົມ

แชร์