ຈະຈັດສະແດງເສດຖະກິດເຕັກເນັກນິກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ

  ໃນວັນທີ 21 ພະຈິກ 2019 ທີ່ ສຄອຊ  ໄດ້ຈັດພິທີຖະແຫຼ່ງຂ່າວງານວາງສະແດງເສດຖະກິດເຕັກນິກການຮ່ວມມືຂອງແມ່ນໍ້າລ້ານຊ້າງ-ແມ່ນໍ້າຂອງປີ 2019 ຊຶ່ງຈະໄດ້ຈັດຂຶ້ນໃນວັນທີ 25- 28 ພະຈິກ ທີ່ສູນການຄ້າລາວ-ໄອເຕັກ (ຕຶກເກົ່າ) ໂດຍການເປັນປະທານຂອງ ທ່ານ ໄຊສົມເພັດ ຫົວໜ້າກົມສົ່ງເສີມການຄ້າກະຊວງອຸດສາຫະກໍາ ແລະການຄ້າ, ທ່ານນາງ ຈັນທະຈອນ ວົງໄຊ ຮອງປະທານ ສຄອຊ, ທ່ານ ຫຼິວ ປິ່ນ (Liu Bin) ຫົວໜ້າພະແນກ,ສະພາສົ່ງເສີມການຄ້າສາກົນ ສປ ຈີນ, ມີບັນດາຕາງໜ້າຈາກກະຊວງ, ສະມາຄົມ, ກຸ່ມທຸລະກິດພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

  ໃນການຈັດພິທີຖະແຫຼງຂ່າວໃນຄັ້ງນີ້ເປັນອີກງານໜຶ່ງທີ່ມີຄວາມໝາຍຄວາມສໍາຄັນໃນການສົ່ງເສີມການຮ່ວມມືເພື່ອພັດທະນາເສດຖະກິດຂອງ ສປປ ລາວ ແລະ ສປ ຈີນ ກໍ່ຄືພາກພື້ນແມ່ນໍ້າຂອງແມ່ ນໍ້າລ້ານຊ້າງ ໃຫ້ນັບມື້ນັບຂະຫຍາຍຕົວ ແລະມີປະສິດທິຜົນດີຂຶ້ນເລື້ອຍໆ. ນອກ ນັ້ນພາຍໃນງານດັ່ງກ່າວຍັງໄດ້ຈັດກອງປະຊຸມພົບປະນັກທຸລະກິດລາວ-ຈີນ ເພື່ອສ້າງເວທີປຶກສາໃຫ້ແກ່ນັກທຸລະກິດທັງ 2 ຝ່າຍໃຫ້ໄດ້ມີໂອກາດພົບພໍ້ກັນ, ສ້າງ ເຄືອຂ່າຍຮ່ວມກັນ ແລະປຶກສາຫາລືແລກປ່ຽນບົດຮຽນຊຶ່ງກັນ ແລະກັນພ້ອມທັງຊອກຫາຊ່ອງທາງໃນການຮ່ວມມືກັນທາງດ້ານການຄ້າ ແລະການລົງທຶນໃຫ້ປະກົດຜົນເປັນຈິງ ແລະມີປະສິດທິຜົນ.

 ງານວາງສະແດງໃນຄັ້ງນີ້ແມ່ນມາຈາກຫຼາຍຂະແໜງການ ແລະບັນດາບໍລິສັດທີ່ມີປະສົບການ ແລະມີຊື່ສຽງທັງພາຍໃນ ແລະຕ່າງປະເທດບໍ່ວ່າຈະເປັນຂະແໜງພະ ລັງງານໄຟຟ້າ, ຄົມມະນາຄົມ, ກໍ່ສ້າງ, ໄອຊີທີ, ອຸປະກອນກົນຈັກ, ຍານພາຫະນະ, ເຟີນີເຈີ, ອຸປະກອນກະສິກໍາ, ການຄ້າ ແລະອື່ນໆ.

__________

ຂຽນໂດຍ: ວົງມະນີ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์