ເປີດກອງປະຊຸມລັດຖະມົນຕີສະຫວັດດີການສັງຄົມ ແລະພັດທະນາອາຊຽນຄັ້ງທີ 10

   ກອງປະຊຸມລັດຖະມົນຕີສະຫວັດດີການສັງຄົມ ແລະການພັດທະນາອາຊຽນຄັ້ງທີ 10 ແລະກອງປະຊຸມກ່ຽວຂ້ອງໄດ້ເປີດຂຶ້ນໃນວັນທີ 21 ພະຈິກ 2019 ທີ່ນະ ຄອນຫຼວງວຽງຈັນ ໃຫ້ກຽດກ່າວເປີດໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີີ, ລັດຖະມົນຕີກະຊວງການເງິນ, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະສະຫວັດດີການສັງຄົມມີບັນດາລັດຖະມົນຕີສະຫວັດດີການສັງຄົມ ແລະການພັດທະນາອາຊຽນເຂົ້າຮ່ວມ.

 ທ່ານ ຄຳແພງ ໄຊສົມແພງໄດ້ລາຍງານກ່ຽວກັບວຽກງານສະຫວັດດີການສັງຄົມ ແລະ ພັດທະນາອາຊຽນໂດຍສະເພາະວຽກງານປົກປ້ອງສິດຜົນປະໂຫຍດຂອງແມ່ຍິງແລະເດັກນ້ອຍ, ການເບິ່ງແຍງດູແລຜູ້ສູງອາຍຸ, ການຊ່ວຍເຫຼືອເປັນຕົ້ນແມ່ນການເພີ່ມທະວີການຮ່ວມມື, ຊ່ວຍເຫຼືອ ແລະການແລກປ່ຽນບົດຮຽນກ່ຽວກັບການພັດທະ ນາກຸ່ມຄົນດ້ອຍໂອກາດ ໂດຍສະເພາະເດັກໃຫ້ຫຼາຍຂຶ້ນກວ່າເກົ່າ,ປະສານສົມທົບບັນດາຂະແໜງການ ແລະ ອົງການຕ່າງໆທີ່ກ່ຽວຂ້ອງໃນອາຊຽນ ເພື່ອວາງແຜນການໂຄງຮ່າງຈັດຕັ້ງປະຕິບັດວຽກສະຫວັດດີການສັງຄົມ ແລະ ການພັດທະນາໂດຍສະເພາະການປົກປ້ອງສັງຄົມສຳລັບເດັກດ້ອຍໂອກາດອາຊຽນໃຫ້ເປັນຮູບປະທຳດີຂຶ້ນກວ່າເກົ່າ, ຂະຫຍາຍການຮ່ວມມືບັນດາປະເທດຄູ່ເຈລະຈາອາຊຽນບວກສາມ, ບັນດາອົງການຈັດຕັ້ງສາກົນ, ອົງການພາກພື້ນ, ຂະແໜງການພາກລັດ ແລະ ເອກະຊົນທີ່ ກ່ຽວຂ້ອງລະດົມແຫຼ່ງທຶນເຕັກນິກວິຊາການນຳໃຊ້ເຂົ້າໃນການຈັດຕັ້ງປະຕິບັດວຽກສະຫວັດດີການສັງຄົມ ແລະການພັດທະນາອາຊຽນມີຜົນສຳເລັດຫຼາຍຂຶ້ນ.

ສະໜັບສະໜຸນໂດຍ: HONDA

  ຫຼັງຈາກນັ້ນ ທ່ານ ສົມດີ ດວງດີ ກໍໄດ້ສະແດງຄວາມຊົມເຊີຍຕໍ່ຜົນງານກໍຄືບົດບາດອັນສຳຄັນຂອງບັນດາລັດຖະມົນຕີປະເທດສະມາຊິກອາຊຽນທີ່ໄດ້ປະກອບສ່ວນເຂົ້າໃນການສ້າງປະຊາຄົມອາຊຽນ 2025 ໂດຍສະເພາະການສ້າງປະຊາຄົມອາຊຽນໃນໄລຍະຜ່ານມາ ພ້ອມທັງເນັ້ນ ກອງປະຊຸມລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນຄັ້ງທີ 10 ແລະກອງປະຊຸມກ່ຽວຂ້ອງຄັ້ງນີ້ຈັດຂຶ້ນພາຍໃຕ້ຫົວຂໍ້ ການສ້າງຄວາມເຂັ້ມແຂງວຽກງານປົກປ້ອງສັງຄົມສຳລັບເດັກນ້ອຍດ້ອຍໂອກາດ ໂດຍເລັ່ງໃສ່ 3 ບັນຫາຄື: (1) ຮັດແໜ້ນວຽກງານປົກປ້ອງສັງຄົມໃຫ້ມີລັກສະນະກວມລວມເທົ່າທຽມກັນ ແລະຮັບປະກັນສ່ວນຮ່ວມໄດ້ຮັບຜົນປະໂຫຍດຂອງທຸກພາກ ສ່ວນໃນສັງຄົມ, (2) ຍົກສູງການເຂົ້າເຖິງການບໍລິການ ແລະປັກປ້ອງສັງຄົມໃຫ້ມີຄວາມສະດວກ, ວ່ອງໄວມີຄວາມກຽມພ້ອມຄົງວົງຈອນ ແລະຍືນຍົງ ແລະ(3) ເພີ່ມທະວີພົວພັນການຮ່ວມມື ແລະລະດົມຂົນຂວາຍທຶນຮອນ, ເຕັກນິກວິຊາການຈາກຄູ່ເຈລະຈາອາຊຽນ, ຄູ່ຮ່ວມມືພາຍນອກ, ອົງການຈັດຕັ້ງສາກົນລວມທັງອົງການຈັດ ຕັ້ງບໍ່ສັງກັດລັດຖະບານ.

 ນອກນັ້ນທ່ານຮອງນາຍົກຍັງໄດ້ສະເໜີໃຫ້ບັນດາລັດຖະມົນຕີອາຊຽນສືບຕໍ່ຊຸກຍູ້ໃຫ້ຂະແໜງການກ່ຽວຂ້ອງປະຕິບັດແຜນວຽກ 2016-2020 ໃຫ້ປະສິດຕິພາບເກົ່າໂດຍສະເພາະການທົບທວນກາງສະໄໝການຈັດຕັ້ງປະຕິບັດແຜນແມ່ບົດການສ້າງປະຊາຄົມວັດທະນະທຳ-ສັງຄົມອາຊຽນ 2025 ແລະໃຫ້ຄົ້ນຄວ້າລະອຽດໃນການກຳ ນົດເອົາບູລິມະສິດສຳຄັນຕ່າງໆເຂົ້າໃນຮ່າງແຜນວຽກໃໝ່ 2021-2025, ສືບຕໍ່ນໍາເອົາແຜນເສີມສ້າງ2020-2025 ທີ່ໄດ້ຮັບຮອງເອົາໃນກອງປະຊຸມສຸດຍອດອາຊຽນ ສປຊ ຄັ້ງທີ 10 ຜ່ານມາທີ່ບາງກອກນຳໄປປະຕິບັດໃຫ້ປະກົດຜົນເປັນຈິງ.

__________

ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

  • ໂທ: 021 313645, 316511
  • App: 020 58707444

แชร์