ເມືອງລະຄອນເພັງ ດຳເນີນຊີວິດການເມືອງທ້າຍສະໄໝທີ VII

  ເມືອງລະຄອນເພັງ ແຂວງສາລະວັນ ໄດ້ເປີດບັ້ນດຳເນີນຊີວິດການເມືອງພາຍໃນຄະນະບໍລິຫານງານພັກເມືອງທ້າຍສະໄໝທີ VII ຂຶ້ນໃນວັນທີ 18 ພະຈິກ ທີ່ສະ ໂມສອນໃຫຍ່ຂອງເມືອງໂດຍກາເປັນປະທານຂອງ ສະຫາຍ ສົມໃຈ ອຸ່ນຈິດ ເລຂາພັກ-ເຈົ້າ ເມືອງໆ ລະຄອນເພັງ, ເປັນກຽດເຂົ້າຮ່ວມຂອງສະຫາຍ ຄຳຈັນ ແຈ່ມສະ ໝອນ ປະທານກວດກາພັກລັດ ແຂວງ, ມີສະຫາຍ ອ໋ອດສຸລິ ເດດ ໄຊສີທອນ ຮອງຫົວໜ້າກົມກວດກາພັກທ້ອງຖິ່ນຄະນະກວດກາສູນກາງພັກມີບັນດາຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານບ້ານເຂົ້າຮ່ວມ.

  ສະຫາຍ ສົມໃຈ ອຸ່ນຈິດ ໄດ້ກ່າວຈຸດປະສົງ ແລະຮຽກຮ້ອງທົ່ວຄະນະບໍລິຫານພັກເມືອງກໍ່ຄືຄະນະພັກທຸກຂັ້ນຍົກສູງຄວາມຮັບຜິດຊອບ, ຮ່ວມກັນຄົ້ນຄວ້າປະກອບຄຳຄິດເຫັນດ້ວຍຄວາມຈິງໃຈ, ການຂຽນບົດສຳຫຼວດຕ້ອງໄປຕາມຄວາມເປັນຈິງ, ຕີລາຄາດ້ານດີ, ຂໍ້ຄົງຄ້າງຂອງຕົນ ແລະ ໃຫ້ຄະແນນເປັນໄປຢ່າງພາວະວິໃສເລີ່ມຈາກຕົວເອງ, ເບິ່ງຕົນເອງ, ຕຳນິຕິຊົມຕົນເອງເປັນສິ່ງສຳຄັນ, ຊ່ວຍກັນດ້ວຍຄວາມຈິງໃຈກໍ່ສ້າງເຊິ່ງກັນ ແລະ ກັນ, ດ້ານດີກໍ່ສືບຕໍ່ນຳພາເສີມຂະຫຍາຍ ແລະ ຂໍ້ຄົງຄ້າງກໍ່ຕ້ອງສືບຕໍ່ແກ້ໄຂ, ທັງຮັບປະກັນຄວາມສາມັກຄີພາຍໃນພັກ ແລະ ໝູ່ຄະນະເພື່ອເຮັດໃຫ້ການດຳເນີນຊີວິດການເມືອງຊຸດນີ້ເປັນການປັບປຸງພາຍໃນພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນຢ່າງແທ້ຈິງ, ບັ້ນດຳເນີນຊີວິດຄັ້ງນີ້ໄດ້ພ້ອມກັນຄົ້ນຄວ້າ ແລະເຊື່ອມຊຶມເອກະສານຕ່າງໆທີ່ສຳຄັນເຊັ່ນ: ເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ຄໍາສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີກໍ່ສ້າງພັກ ແລະ ບົດແນະນຳຕ່າງໆ, ພ້ອມທັງຈະໄດ້ຜ່ານຮ່າງບົດລາຍງານການເມືອງ, ແຜນພັດທະນາເສດຖະກິດສັງຄົມ ແລະບົດສຳຫຼວດການນຳພາລວມຂອງອົງຄະນະພັກເມືອງສະໄໝທີ VII ໃນໄລຍະ 5 ປີ ຜ່ານມາ.

ສະໜັບສະໜຸນໂດຍ: HONDA

 ບັ້ນດຳເນີນຊີວິດການເມືອງລະຄອນເພັງຈະໄດ້ດຳເນີນໄປເປັນເວລາ 5 ວັນ (ນັບແຕ່ວັນທີ 18-22 ພະຈິກ 2019), ຊຶ່ງບັນດາຜູ້ເຂົ້າຮ່ວມຈະໄດ້ປະກອບຄຳຄິດເຫັນໃສ່ 3 ບົດລາຍງານທີ່ສຳຄັນຄື: ຮ່າງລາຍງານການເມືອງ,ແຜນພັດທະນາເສດຖະກິດສັງຄົມ ແລະຮ່າງບົດສຳຫຼວດການນຳພາລວມ,ພ້ອມທັງໄດ້ແບ່ງກຸ່ມຄົ້ນຄວ້າ, ສຳ ຫຼວດ, ກວດກາຄະນະພັກ, ສະມາຊິກພັກໃນການຊີ້ນຳໆພາວຽກງານ, ມີການສ່ອງແສງລາຍງານ, ຕີລາຄາແບ່ງປະເພດ, ສົ່ງຂ່າວເຊິ່ງກັນ ແລະກັນ, ນອກນັ້ນຍັງຈະໄດ້ຜ່ານມາດຖານຜູ້ທີ່ຈະສະໝັກຮັບເລືອກຕັ້ງຄະນະບໍລິຫານງານພັກເມືອງຊຸດໃໝ່ ແລະທາບທາມໂຄງປະກອບຕື່ມອີກ.

----------------

ໂດຍ: ວິໄລວອນ ສິດທິໄຊ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์