ຫາລືການນຳເຂົ້າ ອຸປະກອນ-ພາຫະນະຮັບໃຊ້ການຜະລິດກະສິກຳ

  ກອງປະຊຸມປຶກສາຫາລືກ່ຽວກັບການທົບທວນຄືນການຈັດຕັ້ງປະຕິບັດລະບຽບການ ແລະ ຂັ້ນຕອນການນຳເຂົ້າອຸປະກອນ-ພາຫະນະຮັບໃຊ້ການຜະລິດກະສິກຳ ແລະ ການສົ່ງອອກຜະລິດຕະພັນກະສິກຳໄດ້ຈັດຂຶ້ນໃນວັນທີ 18 ພະຈິກ ຜ່ານມາທີ່ຫ້ອງປະຊຸມພະແນກອຸດສາຫະກຳ ແລະ ການຄ້າແຂວງເຂົ້າຮ່ວມມີທ່ານ ຈັນເພັງ ພັນທຸອາມາດ ຫົວໜ້າພະແນກອຸດສາຫະກໍາ ແລະ ການຄ້າແຂວງ, ທ່ານ ນາງ ມະນີວອນ ວົງໄຊ ຮອງຫົວໜ້າກົມການນຳເຂົ້າ ແລະ ສົ່ງອອກກະຊວງອຸດສາຫະກຳ ແລະ ການຄ້າ, ມີພະແນກການທີ່ກ່ຽວຂ້ອງມີນັກທຸລະກິດຜູ້ປະກອບການເຂົ້າຮ່ວມ.

  ໃນກອງປະຊຸມຜູ້ເຂົ້າຮ່ວມໄດ້ຄົ້ນຄວ້າມີຄຳເຫັນສົນທະນາແລກປ່ຽນບົດຮຽນ ແລະ ເປັນເອກະພາບກັນຕໍ່ແຜນດຳເນີນງານໃນການປັບປຸງສະພາບແວດລ້ອມ, ການນຳເຂົ້າ ແລະສົ່ງອອກຮ່າງຄຳສັ່ງວ່າດ້ວຍການຄຸ້ມຄອງນຳເຂົ້າພາຫະນະກົນຈັກ ແລະອຸປະກອນຮັບໃຊ້ການຜະລິດກະສິກຳພ້ອມລາຍງານຜົນການເກັບກຳຂໍ້ມູນສະພາບ ການຈັດຕັ້ງປະຕິບັດນິຕິກຳທີ່ຕິດພັນການນຳເຂົ້າອຸປະກອນພາຫະນະເພື່ອມາຮັບໃຊ້ການຜະລິດກະສິກຳ ແລະ ການສົ່ງອອກຜະລິດຕະພັນກະສິກຳທີ່ກົມການນຳເຂົ້າ ແລະສົ່ງອອກໄດ້ລົງເກັບກຳໃນໄຕມາດ 4 ຂອງສົກປີ 2018 ຢູ່ແຂວງໄຊຍະບູລີຜ່ານມາໂດຍລວມແລ້ວບັນຫາທີ່ຕິດພັນກັບການຜະລິດ ແລະການສົ່ງອອກສິນຄ້າກະສິ ກຳຂອງແຂວງໄຊຍະບູລີຂອດການເຄື່ອນຍ້າຍສິນຄ້າກະສິກຳມັນຕົ້ນແຫ້ງຈາກເມືອງຫາແຂວງ ແລະ ດ່ານສົ່ງອອກຍັງມີຫຼາຍຂອດຫຼາຍຂັ້ນຕອນຫຼາຍຂະແໜງການກວດກາກ່ອນມີການເຄື່ອນຍ້າຍສິນຄ້າສົ່ງອອກຄື: ເຈົ້າໜ້າທີ່ຂະແໜງປູກຝັງເຈົ້າໜ້າທີ່ ການຄ້າຊັບສິນ ແລະ ອາກອນຮ່ວມກັນກວດກາ ແລະ ຫຼາຍເອກະສານຊຶ່ງບາງເອກະສານປະເທດປາຍທາງກໍ່ບໍ່ຕ້ອງການນຳໃຊ້ເອກະສານປະກອບເຄື່ອນຍ້າຍປະກອບມີ: ໃບກວດກາ ແລະ ຢັ້ງຢືນສິນຄ້າຈາກ ອ/ຄ ເມືອງ, ໃບອະນຸຍາດສົ່ງອອກ ອ/ຄ ແຂວງ, ໃບ CoForm D ອ/ຄ ແຂວງ ແລະ ໃບຢັ້ງຢືນສຸຂະນາໄມກະສິກຳ ແລະ ປ່າໄມ້ແຂວງ.

ສະໜັບສະໜຸນໂດຍ: HONDA

  ປະຈຸບັນການຜະລິດສາລີແມ່ນມີທ່າອ່ຽງຫຼຸດລົງເນື່ອງຈາກຕະຫຼາດບໍ່ແນ່ນອນ ແລະ ລາຄາບໍ່ຄົງທີ່ແຂວງໄດ້ກຳນົດຈັດເກັບກອງທຶນພັດທະນາກະສິກຳແບບຍືນຍົງໃນອັດຕາ 10 ກີບຕໍ່ກິໂລ ແລະ ກອງທຶນພັດທະນາການສຶກສາໃນອັດຕາ 5 ກີບຕໍ່ກິໂລ ອີກດ້ານໜຶ່ງການເຂົ້າມາລົງທຶນຂອງນັກທຸລະກິດຕ່າງປະເທດທີ່ມາພ້ອມທຶນ ແລະ ອຳນາດເຮັດໃຫ້ທຸລະກິດຂະໜາດນ້ອຍ ແລະກາງຂອງແຂວງລົ້ມລະລາຍເພາະຜູ້ທີ່ປະກອບການລາວສ່ວນໃຫຍ່ແມ່ນກູ້ຢືມເງິນຈາກທະນາຄານມາຜະລິດຄຽງຄູ່ກັນນີ້ຜູ້ລົງທຶນໃຫຍ່ທີ່ເຂົ້າມາຜະລິດ ແລະ ເກັບຊື້ຖອກພັນທະແບບເໝົາເຮັດໃຫ້ທຸລະກິດຂະໜາດນ້ອຍ ແລະ ກາງຂອງແຂວງບໍ່ສາມາດແຂ່ງຂັນໄດ້.

 

__________

ຂຽນໂດຍ: ບຸນທີ ແສງຈັນທະລາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์