ຖໍ້າປູຄຳ ແຫຼ່ງທ່ອງທ່ຽວທໍາມະຊາດທີ່ງົດງາມ

ແຂວງວຽງຈັນ ມີສະຖານທີ່ທ່ຽວຫຼິ້ນຢູ່ຫຼາຍແຫ່ງ, ເປັນເມືອງທີ່ອຸດົມສົມບູນທາງດ້ານທຸລະກິດການຄ້າຊຶ່ງໄດ້ມີນັກທຸລະກິດທັງພາຍໃນ ແລະຕ່າງປະເທດລັ່ງໄຫຼເຂົ້າມາລົງທຶນຄ້າຂາຍ ແລະການບໍລິການອື່ນໆ ຈຶ່ງເຮັດໃຫ້ຕົວເມືອງດັ່ງກ່າວເປັນຈຸດເດັ່ນທາງດ້ານທຸລະກິດຖ້າທ່ານໃດຫາກໄດ້ໄປແຂວງວຽງຈັນກໍຢ່າລືມໄປແວ່ຊົມສີສັນເມືອງວັງວຽງແດ່ເດີ! ແລ້ວທ່ານກໍຈະໄດ້ສໍາພັດກັບບັນຍາກາດໃນຍາມແລງເຫັນແລ້ວໜ້າຊື່ນຊົມແທ້ໆ ທ່ານເອີຍ.

ສະໜັບສະໜຸນໂດຍ: HONDA

  ຖໍ້າປູຄຳ ເປັນແຫຼ່ງທ່ອງທ່ຽວທາງທຳມະຊາດມາແຕ່ໃດໆ ຊຶ່ງຕັ້ງຢູ່ທ່າມກາງປ່າດົງເຍືອກເຢັນມີຕົ້ນໄມ້ ແລະຊີວະນາໆພັນທີ່ອຸດົມສົມບູນ,ພາຍໃນຖໍ້າຈະມີຮູເຂົ້ານ້ອຍ, ເຂົ້າໄປທາງໃນເປັນຜົ້ງ ກ້ວາງຂວາງ, ມີພະນອນ 1 ອົງ, ກ່າວກັນວ່າ ມີປູຄຳ 1 ຄູ່ຢູ່ໃນຖໍ້າ,ຖ້າໃຜໂຊກດີໄປຈະເຫັນປູຄຳນັ້ນ ແລະຢູ່ຕີນຜາທາງລຸ້ມ, ນອກນັ້ນ ຖໍ້າປູຄໍາຈະມີກິດຈະກໍາໃຫ້ຫຼິ້ນຫຼາກຫຼາຍບໍ່ວ່າຈະເປັນຂີ່ຊ້າງ, ຂີ່ສະລິງ, ຂຶ້ນຖໍ້າ, ຫຼິ້ນນໍ້າ.ປາກຖໍ້ານີ້ຈະຫ່າງຈາກໜ້າດິນປະມານ 100 ແມັດ, ຖໍ້າດັ່ງກ່າວຕັ້ງຢູ່ບ້ານນາທອງ ເມືອງວັງວຽງ ແຂວງວຽງຈັນ ຫ່າງຈາກເທສະບານ ເມືອງໄປປະມານ 3,5 ກິໂລແມັດ.

   ປະຈຸບັນຖໍ້າປູຄຳ ກາຍເປັນແຫຼ່ງທ່ອງທ່ຽວທີ່ສາມາດດຶງດູດນັກທ່ອງທ່ຽວພາຍໃນ ແລະຕ່າງປະເທດເຂົ້າຊົມເປັນຈຳນວນຫຼາຍມີເສັ້ນທາງເຂົ້າສະດວກສະບາຍ ແລະເປັນແຫຼ່ງທ່ອງທ່ຽວທາງທຳມະຊາດ, ວັດທະນະທຳອັນເປັນເອກະລັກສະເພາະຂອງຊາວເມືອງວັງວຽງທີ່ສວຍສົດງົດງາມ ແລະເໝາະສຳລັບນັກທ່ອງທ່ຽວຜູ້ທີ່ມັກທ່ຽວ ຊົມທຳມະຊາດພູຜາປ່າໄມ້, ຫ້ວຍນໍ້າລຳເຊ ແລະອື່ນໆ.

---------------

 ໜັງສືພິມເສດຖະກິດ-ສັງຄົມ

แชร์