ມສ ຫວ້ຍຫອຍ ແລະມສ ໄຊຍະບູລີ ແລກປ່ຽນບົດຮຽນຮ່ວມກັນ

  ພິທີພົບປະແລກປ່ຽນບົດຮຽນລະຫວ່າງໂຮງຮຽນ ມສ ຫວ້ຍຫອຍ ເມືອງນານ ແຂວງຫຼວງພະບາງ ກັບໂຮງຮຽນ ມສ ໄຊຍະບູລີ ໄດ້ມີຂຶ້ນໃນວັນທີ 19 ພະຈິກ ຜ່ານມາທີ່ຫ້ອງປະຊຸມສູນໄອຊີທີພະແນກສຶກສາທິການ ແລະກີລາ ແຂວງໄຊຍະບູລີ, ຝ່າຍແຂວງໄຊຍະບູລີ ນຳໂດຍ ທ່ານ ສະນີຈັນ ສຸກຜາລີ ຜູ້ອຳນວຍການໂຮງຮຽນມັດທະ ຍົມສຶກສາສົມບູນໄຊຍະບູລີ ພ້ອມດ້ວຍຄະນະ,ຝ່າຍແຂວງຫຼວງພະບາງ ນຳໂດຍທ່ານ ສົມລິດ ບົວລະເພັດ ຜູ້ອຳນວຍການໂຮງຮຽນມັດທະຍົມສຶກສາສົມບູນຫ້ວຍຫອຍ, ພ້ອມດ້ວຍຄະນະ.

ສະໜັບສະໜຸນໂດຍ: HONDA

 ໃນພິທີຜູ້ອຳນວຍການໂຮງຮຽນທັງສອງຝ່າຍກໍ່ໄດ້ລາຍງານສະພາບລວມໂຮງຮຽນໂດຍຫຍໍ້ໂດຍສະເພາະແມ່ນໂຮງຮຽນ ມສ ໄຊ ຍະບູລີ ແລະໂຮງຮຽນ ມສ ຫ້ວຍຫອຍເປັນຕົ້ນແມ່ນຜົນສຳເລັດວຽກງານທີ່ພົນເດັ່ນເຊັ່ນວ່າ:ການຈັດຕັ້ງການຮຽນ-ການສອນ, ວຽກງານກິດຈະກຳໃຫ້ນັກຮຽນ,ພ້ອມທັງຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມາຈາກນັ້ນຜູ້ເຂົ້າຮ່ວມກໍ່ໄດ້ແບ່ງຈຸເຂົ້າຮ່ວມໂມງສອນຕາມແຕ່ລະຈຸສາຍວິຊາພາຍຫຼັງເຂົ້າຮ່ວມໂມງສອນແລ້ວແຕ່ລະໜ່ວຍກໍ່ໄດ້ຜັດປ່ຽນກັນປະກອບຄຳຄິດຄຳເຫັນ ແລະແລກປ່ຽນບົດຮຽນເຊິ່ງກັນ ແລະ ກັນ, ຫຼັງຈາກນັ້ນກໍ່ໄດ້ຊົມການສະແດງສິລະປະໂຮງຮຽນ 3 ລາຍການຈາກນ້ອງນັກຮຽນ ແລະຈັດການແຂ່ງຂັນກີລາສາມັກຄີລະຫວ່າງຄູ-ອາຈານທັງສອງຝ່າຍເພື່ອເຮັດໃຫ້ວຽກງານຂອງ 2 ແຂວງ ນັບມື້ນັບດີຂຶ້ນເປັນກ້າວໆ.

 ------------------

 ໜັງສືພິມເສດຖະກິດ-ສັງຄົມ

แชร์