ສປ ຈີນ ມອບປື້ມປະທານຸກົມພືດເປັນຢາຂອງລາວໃຫ້ກະຊວງສາທາ

 ພິທີມອບ-ຮັບປຶ້ມປະທານຸກົມພືດເປັນຢາຂອງລາວເຫຼັ້ມ 1 ໃຫ້ກະຊວງສາທາລະນະສຸກໂດຍສໍານັກງານຄຸ້ມຄອງການແພດ-ການຢາພື້ນເມືອງ ສປ ຈີນ ໄດ້ຈັດຂຶ້ນວັນທີ 18 ພະຈິກ 2019 ທີ່ກະຊວງສາທາລະນະສຸກຮ່ວມລົງນາມມອບ-ຮັບຂອງ ທ່ານ ມ້ຽວ ຈ້ຽນຫົວ ປະທານສວນພຶກສາສາດພືດເປັນຢາເຂດປົກຄອງຕົນເອງຊົນເຜົ່າຈວງ ກວາງຊີ ສປ ຈີນ ແລະ ທ່ານ ໂກສົນ ສໍສຸລິທັນ ຮອງຫົວໜ້າສະຖາບັນການແພດການຢາພື້ນເມືອງກະຊວງສາທາລະນະສຸກໃຫ້ກຽດເຂົ້າຮ່ວມໂດຍທ່ານ ຄຳພອນ ພຸດທະວົງ ຮອງລັດຖະ ມົນຕີກະຊວງສາທາລະນະສຸກ, ທ່ານ ເຢນ ຊູ້ຈຽງ ຮອງຫົວໜ້າສຳນັກງານຄຸ້ມຄອງການແພດການຢາພື້ນເມືອງ ສປ ຈີນ.

  ທ່ານ ຄຳພອນ ພຸດທະວົງ ກ່າວວ່າ: ໃນເດືອນພຶດສະພາ 2017 ໄດ້ມີບົດບັນທຶກຄວາມເຂົ້າໃຈລະຫວ່າງກະຊວງສາທາລະນະສຸກຂອງລາວ, ກົມອາຫານ ແລະ ຢາ ກະຊວງສາທາລະນະສຸກ, ກັບຄະ ນະກຳມາທິການສາທາລະນະສຸກ ແລະວາງແຜນຄອບຄົວເຂດປົກຄອງຕົນເອງຊົນເຜົ່າຈວງກວາງຊີສປຈີນ ແລະ ບົດບັນທຶກຄວາມ ເຂົ້າໃຈລະຫວ່າງສະຖາບັນການ ແພດ ແລະການຢາພື້ນເມືອງກະ ຊວງສາທາລະນະສຸກຂອງລາວ ແລະສວນພຶກສາສາດພືດເປັນຢາ ເຂດປົກຄອງຕົນເອງຊົນເຜົ່າຈວງ ກວາງຊີ ກ່ຽວກັບການຮ່ວມມືດ້ານ ວຽກງານການແພດ ແລະການ ຢາພື້ນເມືອງ ຊຶ່ງໄດ້ກໍ່ສ້າງບຸກຄະລາກອນດ້ານການແພດ ແລະການ ຢາພື້ນເມືອງຂອງລາວການສຳ ຫຼວດເກັບກຳຂໍ້ມູນພືດເປັນຢາ ແລະ ພູມປັນຍາດ້ານຢາພື້ນເມືອງຢູ່ ສປປ ລາວ ແລະຜົນສຳເລັດທີ່ພົ້ນ ເດັ່ນທີ່ສຳຄັນແມ່ນການສ້າງປຶ້ມ ປະທານຸກົມພືດທີ່ເປັນຢາຂອງລາວ ເຊິ່ງໄດ້ຮູບພາບ ແລະຄຳສັບທາງດ້ານພືດເປັນຢາ 1,6 ພັນກວ່າຊະນິດຢູ່ໃນ 13 ແຂວງຂອງລາວປຶ້ມດັ່ງກ່າວຈະກາຍເປັນປຶ້ມຄູ່ມືໃຫ້ແກ່ນັກຄົ້ນຄວ້າທີ່ມີຄວາມສົນ ໃຈ.

  ທ່ານ ເຢນ ຊູ້ຈຽງ ກ່າວມີຄໍາ ເຫັນອີກວ່າ: ການບໍລິການການແພດພື້ນເມືອງໄດ້ກວມເອົາເຂດຫ່າງໄກສອກຫຼີກທົ່ວປະເທດໃນປີ 2017 ສະຖານທີ່ໃຫ້ບໍລິການການ ແພດພື້ນເມືອງມີທັງໝົດ 54 ພັນ ແຫ່ງໃຫ້ບໍລິການປິ່ນປົວຄົນເຈັບ 10,2 ຕື້ຄົນ ພ້ອມນີ້ໄດ້ເສີມຂະຫຍາຍການນໍາໃຊ້ການແພດພື້ນ ເມືອງໃນການຮັກສາສຸຂະພາບ, ປ້ອງກັນພະຍາດ, ເສີມສຸຂະພາບ, ການທ່ອງທ່ຽວ ແລະສະຫວັດດີການຂອງຜູ້ສູງອາຍຸມີປະສິດທິຜົນໃນການປ້ອງກັນພະຍາດຕິດເຊື້ອເຫັດຕາມເລັບຕີນມື, ພະຍາດເຮັສໄອວີ ແລະພະຍາດຕິດຕໍ່ອື່ນໆ.

____________

ຂຽນໂດຍ: ແພງຕາ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

 

แชร์