ໜ່ວຍພັກພະແນກພາຍໃນອັດຕະປື ໄຂກອງປະຊຸມໃຫຍ່

  ກອງປະຊຸມໃຫ່ຍສະມາຊິກພັກຄັ້ງທີ ll ຂອງໜ່ວຍພັກພະແນກພາຍໃນແຂວງອັດຕະປືໄດ້ຈັດຂຶ້ນໃນວັນທີ15 ພະຈິກ 2019, ທີ່ສຳນັກງານອົງການປົກຄອງແຂວງ, ພາຍໃຕ້ການເປັນປະທານໂດຍ ສະຫາຍ ເພັດມີໄຊ ຄຳພັກດີ ເລຂາໜ່ວຍພັກຫົວໜ້າພະແນກພາຍໃນແຂວງອັດຕະປື, ມີສະຫາຍອຸ່ນຫຼ້າ ໄຊຍະສິດ ຄະນະປະຈຳພັກ ແຂວງຮອງເຈົ້າແຂວງໆອັດຕະປື, ມີບັນດາຄະນະຈັດຕັ້ງແຂວງ, ແຂກຖືກເຊີນພ້ອມດ້ວຍສະມາຊິກພັກສົມບູນ ແລະສຳຮອງເຂົ້າຮ່ວມ.

  ສະຫາຍ ເພັດມີໄຊ ຄຳພັກດີ ຜ່ານບົດລາຍງານການເມືອງທັງສອງພາກ ແລະໄດ້ເປັນເອກະພາບຕໍ່ການຕີລາຄາດ້ານດີ, ດ້ານອອ່ນ, ຂໍ້ຄົງຄ້າງ ແລະບົດຮຽນຖອດ ຖອນໄດ້ໃນການຊີ້ນຳ-ນຳພາການຈັດຕັ້ງປະຕິບັດມະຕິກອງປະຊຸມໃຫ່ຍຂອງໜ່ວຍພັກພະແນກພາຍໃນແຂວງຄັ້ງທີ 1 ໃນໄລຍະ 5 ປີຜ່ານມາ ຊຶ່ງທ່ານຍົກໃຫ້ເຫັນຜົນງານທີ່ຍາດມາໄດ້ໃນໄລຍະຜ່ານມາ, ຄະນະໜ່ວຍພັກ-ຄະນະນຳພະແນກ ພາຍໃນແຂວງໂດຍໄດ້ຖືເອົາວຽກ ງານການເມືອງ-ແນວຄິດເປັນກົນ ການສຶກສາອົບຮົມໃຫ້ບັນດາສະ ມາຊິກພັກທຸກສະຫາຍກຳແໜ້ນ ເຊື່ອມຊຶມແນວທາງນະໂຍບາຍ ຂອງພັກ, ມະຕິ, ຄຳສັ່ງ, ກົດລະ ບຽບຂອງພັກ, ຂໍ້ກຳນົດ, ກົດໜາຍ ຂອງລັດ, ມູນເຊື້ອຂອງພັກ, ຂອງ ຊາດ ໂດຍສະເພາະແມ່ນແຜນພັດ ທະນາເສດຖະກິດ-ສັງຄົມ 5 ປີ ຄັ້ງທີ VIII, ແຜນພັດທະນາດຳ ເນີນງານຂອງໜ່ວຍພັກ, ເພື່ອແນ່ ໃສ່ເຮັດໃຫ້ສະມາຊິກພັກມີແນວຄິດ ອຸ່ນອ່ຽງ, ທຸ່ນທ່ຽງເຊື່ອໜັ້ນຕໍ່ການ ນຳພາຂອງພັກ, ລະບຽບກົດໝາຍຂອງລັດຢ່າງໜັກແໜ້ນຄຽງຄູ່ກັບ ການຮ່ວມຊີວິດການເມືອງ, ການ

ສຳຫຼວດກວດກາປະຈຳອາທິດ, ເດືອນເປັນການສ່ອງແສງ, ຕຳນິສົ່ງຂ່າວກໍ່ສ້າງຊ່ວຍເຫືຼອເຊິ່ງກັນແລະກັນຢ່າງເປັນປົກກະຕິ ແລະຕໍ່ ເນື່ອງ. ປະຈຸບັນໜ່ວຍພັກມີສະມາ ຊິກພັກທັງໝົດ 27 ສະຫາຍ ຍິງ 10 ສະຫາຍນອກນີ້ຕີລາຄາແບ່ງປະເພດສະມາຊິກພັກແຂງມີ 21 ສະຫາຍ, ຍິງ 9 ສະຫາຍ, ກາງ 5 ສະຫາຍ ແລະບໍ່ໄດ້ຈັດປະ ເພດມີ 5 ສະຫາຍ, ຍິງ 2 ສະຫາຍ; ມີສະມາ ຊິກພັກໄດ້ຮັບບັດແດງແລ້ວ 26 ສະຫາຍ, ຍິງ 9 ສະຫາຍ; ໜ່ວຍພັກໄດ້ຮັບໃບຢັ້ງຢືນເປັນໜ່ວຍພັກ ເຂັ້ມແຂງ-ຮູ້ນຳພາຮອບດ້ານ 2 ສະໄໝຕິດຕໍ່ກັນເປັນຄັ້ງທີ lll ກອງປະຊຸມຄົ້ນຄວ້າ ແລະປະກອບຄຳຄິດ, ຄຳເຫັນໃສ່ບົດລາຍງານການເມືອງທັງສອງພາກ ແລະທິດທາງແຜນການໃນຕໍ່ໜ້າພ້ອມທັງຜ່ານບົດສຳຫຼວດການນຳພາຂອງເລຂາໜ່ວຍພັກ.

ສະໜັບສະໜຸນໂດຍ: HONDA

 ກອງປະຊຸມສະມາຊິກພັກສົມບູນໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ບົນພື້ນຖານຄວາມຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ຊຶ່ງມີຜູ້ສະໝັກເລືອກຕັ້ງ 5 ສະຫາຍ, ແລະເລືອກເອົາ 3 ສະຫາຍ, ຜ່ານ ການປ່ອນບັດຕົວຈິງເລືອກໄດ້ສະຫາຍ ເພັດມີໄຊ ຄຳພັກດີ ເປັນເລ ຂາໜ່ວຍພັກຊຸດໃໝ່, ສະຫາຍ ສົມຫວັງ ນາມສີນາ ເປັນຮອງເລຂາ ແລະສະຫາຍ ນາງດວງໄຊ ສີວົງສາ ເປັນຄະນະໜ່ວຍພັກທັງເປັນປະທານກວດກາ; ໃນໂອກາດດຽວກັນນີ້ສະມາຊິກພັກຍັງໄດ້ປ່ອນບັດເລືອກເອົາຜູ້ແທນສົມບູນ 3 ສະຫາຍ ແລະສຳຮອງ 1 ສະຫາຍເພື່ອເຂົ້າຮ່ວມກອງປະຊຸມໃຫ່ຍ ຂອງອົງຄະນະພັກແຂວງຄັ້ງທີ 11 ທີ່ຈະໄຂຂຶ້ນໃນມໍ່ໆນີ້.

___________

ຂຽນໂດຍ: ວັດທະນາ ຫຼວງອາໄພ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์