ເອດີບີໃຫ້ການຊ່ວຍເຫຼືອລາວເຂົ້າໃນຫຼາຍຂະແໜງການ

  ໃນໄລຍະຜ່ານມາທະນາຄານພັດທະນາອາຊີ ຫຼື ເອດີບີໄດ້ໃຫ້ການຊ່ວຍເຫຼືອປະເທດລາວເຂົ້າໃນຫຼາຍຂະແໜງການໂດຍສະເພາະໂຄງການພັດທະນາພື້ນຖານການທ່ອງທ່ຽວແບບຍືນຍົງ,ການສຶກສາ,ສາທາ,ໂຍທາທິການ ແລະຂົນສົ່ງ ແລະຂະແໜງການອື່ນໆຊຶ່ງໃຫ້ການສະໜັບສະໜູນທາງດ້ານເງິນກູ້ຢືມ ແລະເງິນຊ່ວຍເຫຼືອລ້າ.

  ທ່ານ ຢາຊູຊິ ເນກິຊິ ຜູ້ອຳນວຍການຫ້ອງທະນາຄານພັດທະນາອາຊີປະຈຳລາວໄດ້ເປີດເຜີຍໃນໂອກາດທີ່ລົງຢ້ຽມຢາມໂຄງການທີ່ໃຫ້ການສະໜັນສະໜູນຢູ່ແຂວງຈຳປາສັກວ່າ: ສຳລັບວິທະຍາໄລ ຈຳປາສັກ ແລະວິທະຍາໄລເຕັກນິກ ວິຊາຊີບແຂວງຈຳປາສັກທີ່ໃຫ້ ການຊ່ວຍເຫຼືອໃນໄລະຜ່ານມາ ເຫັນວ່າມີຜົນການດຳເນີນງານທີ່ໜ້າພໍໃຈຂອງໂຄງການດັ່ງກ່າວທາງເອດີບີກຳລັງກະກຽມໂຄງ ການຊ່ວຍໄລຍະທີສອງໃຫ້ແກ່ໂຮງ ຮຽນເຕັກນິກວິຊາຊີບການຊ່າງ ແລະຂັ້ນມະຫາວິທະຍາໄລດັ່ງທີ່ເອດີບີໄດ້ເຫັນວ່າ ສປປ ລາວ ຍັງມີຄວາມທ້າທາຍໃນການສ້າງແຮງງານທີ່ແທດເໝາະຕາມທີ່ຕະຫຼາດແຮງງານຕ້ອງການ ແລະສັງຄົມດັ່ງນັ້ນເອດີບີຍັງຈະສືບຕໍ່ຊ່ວຍເຫຼືອໃນພາ ກໂຮງຮຽນການຊ່າງວິຊາ ຊີບ ແລະຂັ້ນມະຫາວິທະຍາໄລທີ່ຈະຊ່ວຍໃຫ້ສປປລາວສາມາດເພີ່ມບຸກຄະລາກອນທີ່ມີຄວາມຮູ້ຄວາມສາມາດຕໍ່ໄປ.

ສະໜັບສະໜຸນໂດຍ: HONDA

  ຜ່ານມາເອດີບີໃຫ້ການສະໜັບສະໜູນແກ່ກະຊວງສຶກສາທິການ ແລະກີລາຈະຊ່ວຍໃຫ້ສາມາດປັງປຸງຫຼັກສູດການສຶກສາພ້ອມທັງປັບປຸງວິທີການສອນ, ດັ່ງນັ້ນຈຶ່ງເຮັດ ໃຫ້ອາຈານສາມາດບໍ່ພຽງແຕ່ສອນແຕ່ທິດສະດີເທົ່ານັ້ນແຕ່ຍັງສາມາດສອນໃນຮູບແບບການທົດລອງ ແລະຮຽນຮູ້ຈາກກໍລະນີສຶກສາເຊັ່ນດຽວກັນເຮັດໃຫ້ນັກຮຽນສາມາດເຂົ້າໃຈຢ່າງເລິກເຊິ່ງໃນວິຊາທີ່ຮຽນ ແລະສາມາດປັບປຸງຄວາມຮູ້ທັກສະເພີ່ມຂຶ້ນ.

  ນອກນັ້ນການສະໜັບສະໜູນໂຄງການໃຫ້ແກ່ກະຊວງສຶກສາທິການ ແລະກີລາໃນການລົງທຶນໃສ່ໂຄງລ່າງພື້ນຖານສຳລັບການສຶກສາເຊັ່ນ: ອາຄານພາກວິຊາ, ຫໍພັກ ນັກສຶກສາ, ຫ້ອງທົດລອງ, ຄອມພິວເຕີ້ເຊິ່ງຈະຊ່ວຍໃຫ້ນັກສຶກສາສາມາດຮຽນຮູ້ ແລະລົງພາກປະຕິ ບັດຕົວຈິງ ແລະສາມາດປັບປຸງຄວາມຮູ້ທີ່ໄດ້ຮັບຫຼາຍຂຶ້ນ, ການ ສ້າງ ແລະຂະຫຍາຍຫໍພັກ ແລະຫ້ອງຮຽນໃຫ້ຫຼາຍຂຶ້ນ, ທາງໂຮງຮຽນສາມາດຮັບນັກຮຽນໃຫ້ຫຼາຍຂຶ້ນທີ່ມາຈາກເຂດທີ່ຫ່າງໄກຕົວເມືອງ.

  ທ່ານ ຢາຊູຊິ ເນກິຊິ ກ່າວຕື່ມວ່າ: ເອດີບີໄດ້ເຊັນສັນຍາເງິນກູ້ສາມສະບັບສຳລັບໂຄງການໃນຂະແໜງການກະສິກຳ, ເພາະເອດີບີເຫັນວ່າສປປລາວໄດ້ມີຄວາມພະຍາ ຍາມທີ່ຈະຫັນປ່ຽນພາກເສດຖະ ກິດຂອງປະເທດຈາກຂະແໜງຊັບ ພະຍາກອນທຳມະຊາດເຊັ່ນ: ການ ຂຸດຄົ້ນບໍ່ແຮ່ ແລະພະລັງງານໄຟຟ້າ ໄປສູ່ຂະແໜງການອື່ນ ແລະເຫັນ ວ່າແຮງງານສ່ວນໃຫຍ່ຂອງປະ ເທດແມ່ນຢູ່ໃນຂະແໜງກະສິກຳ ແລະຢາກສະໜັບສະໜູນຄວາມພະ ຍາຍາມຂອງລັດຖະບານໃນການ ຫັນປ່ຽນໃນການສົ່ງເສີມໃຫ້ຜະລິດ ຕະພັນຂອງຂະແໜງກະສິກຳ ແລະ ສົ່ງເສີມຈາກການຜະລິດກະສິກຳເພື່ອຊົມໃຊ້ໃຫ້ກາຍມາເປັນການ ຜະລິດເພື່ອການຄ້າຂາຍເອດີບີພະຍາຍາມປະກອບສ່ວນໂດຍການສ້າງລະບົບຊົນລະປະທານ ແລະ ທາງຊົນນະບົດດັ່ງນັ້ນຊາວກະສິກອນສາມາດເພີ່ມຜະລິດຕະຜົນ ແລະເພີ່ມຄວາມສາມາດໃນການເຂົ້າເຖິງຕະ ຫຼາດຫຼາຍຂຶ້ນກວ່າເກົ່າ.

  ສ່ວນເງິນກູ້ໃຫ້ແກ່ຂະແໜງຄຸ້ມຄອງການເງິນພາກລັດໃນຮູບແບບການສະໜອງທຶນງົບປະມານໃຫ້ແກ່ກະຊວງການເງິນດັ່ງທີ່ຮູ້ແລ້ວວ່າ ສປປ ລາວກຳລັງປະເຊີນກັບຄວາມຫຍຸ້ງຍາກໃນການຂາດດຸນ ງົບປະມານ ແລະໜີ້ສິນພາກລັດທີ່ສູງເອດີບີພະຍາຍາມຊ່ວຍເຫຼືອ ທາງກະຊວງການເງິນໃນຄວາມພະຍາຍາມໃນການສ້າງຄວາມສາ ມາດການຄຸ້ມຄອງການບໍລິຫານງົບປະມານ ແລະສ້າງກອບການໃຊ້ຈ່າຍຂອງລັດຖະບານໄລຍະກາງພ້ອມນັ້ນເອດີບີຍັງຈະສະໜັບສະໜູນກະຊວງການເງິນໃນການຈັດ ຕັ້ງປະຕິບັດການຄຸ້ມຄອງໜີ້ສິນອີງໃສ່ກົດໝາຍວ່າດ້ວຍໜີ້ສິນລັດທີ່ຮັບຮອງເມື່ອບໍ່ດົນມານີ້.

_____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์