ວອດແອັບຟ້ອງບໍລິສັດອິດສະຣາແອນ ວາງຊອບແວຣສອດແນມທົ່ວໂລກ

  ວອດແອັບ (Whats App) ແອັບພລິເຄຊັນສົ່ງຂໍ້ຄວາມບໍ່ເສຍຄ່າທາງສະມາດໂຟນສັ່ງ ຟ້ອງບໍລິສັດ NSO ຜູ້ພັດທະນາຊອບແວຣສອດແນມ ໂດຍອ້າງ ວ່າໃຫ້ຄວາມຊ່ວຍເຫຼືອລັດຖະບານອິດສະຣາແອນໃນການສອດແນມ ໂທລະສັບຂອງຜູ້ໃຊ້ປະມານ 1.400 ລາຍໃນ 4 ທະວີບທົ່ວໂລກ ໂດຍ ມີເປົ້າໝາຍເປັນນັກການທູດສື່ມວນ ຊົນ  ແລະເຈົ້າໜ້າທີ່ລະດັບສູງຂອງ ລັດຖະບານປະເທດຕ່າງໆຕາມ ລາຍງານຂອງຣອຍເຕີ.

ທາງວອດແອັບ ຊຶ່ງມີເຟຊບຸກເປັນເຈົ້າຂອງໄດ້ຍື່ນຟ້ອງສານລັດຖະບານກາງອາເມລິກາໃນຊານ ຟຣານຊິສໂກອ້າງວ່າບໍລິສັດ NSO ບໍລິສັດເອກະຊົນຂອງອິດສະຣາແອນຊ່ວຍເຫຼືອສອດແນມຂອງ ລັດຖະບານໃນ 20 ປະເທດເຊັ່ນ:ເມັກຊິກ,ສະຫະລັດອາຣັບເອມິເຣດ ແລະບາເຣນແຕ່ບໍລິສັດ NSປະຕິເສດຂໍ້ກ່າວຫານີ້ ແລະວ່າບໍລິ ສັດມຸ່ງພັດທະນາລະບົບເພື່ອຊ່ວຍເຫຼືອໜ່ວຍງານບັງຄັບໃຊ້ກົດໝາຍ ໃນການຕໍ່ຕ້ານການກໍ່ການຮ້າຍ ແລະປາບປາມອາຊະຍາກຳເທົ່າ ນັ້ນ.

ເມື່ອເດືອນພຶດສະພາວອດແອັບ ພົບຈຸດບົກພ່ອງຂອງແອັບພລິເຄ ຊັນທີ່ເຮັດໃຫ້ແຮກເກີສາມາດຕິດຕັ້ງຊອບແວຣສອດແນມໃນໂທລະ ສັບມືຖື ໂດຍບໍ່ຈຳເປັນຕ້ອງກົດຮັບສາຍຜ່ານການໂທຫາເປົ້າໝາຍທີ່ ໃຊ້ແອັບພລິເຄຊັນດັ່ງກ່າວໄດ້ກ່ອນ ຈະພົບວ່າລະບົບສອດແນມດັ່ງກ່າວໄດ້ຮັບການພັດທະນາຈາກ ໜ່ວຍງານ NSO Group ບໍລິສັດເອກະຊົນຂອງອິດສະຣາແອນຊຶ່ງເປັນທີ່ຮູ້ຈັກໃນການພັດທະນາຊອບ ແວຣສອດແນມໃຫ້ກັບລັດຖະບານອິດສະຣາແອນ.

ດ້ານບໍລິສັດຮັກສາຄວາມປອດ ໄພບົນໂລກໄຊເບີ Citizen Lab ໃນການາດາທີ່ຮ່ວມສືບສວນກໍລະນີດັ່ງກ່າວເປີດເຜີຍກັບຣອຍເຕີວ່າສາມາດລະບຸເປົ້າໝາຍຂອງການ ສອດແນມຜ່ານມັລແວຣດັ່ງກ່າວ ແຕ່ບໍ່ສາມາດລະບຸຊື່ຂອງເປົ້າໝາຍ ໄດ້ພຽງແຕ່ບອກວ່າໜຶ່ງໃນນັ້ນຄືຜູ້ ດຳເນີນລາຍການໂທລະພາບທີ່ມີຊື່ສຽງ.

ປະຈຸບັນແອັບພລິເຄຊັນວອດ ແອັບມີຜູ້ໃຊ້ປະມານ 1.500 ລ້ານ ຄົນທົ່ວໂລກໄດ້ປັບປຸງແກ້ໄຂຈຸດ ອ່ອນດັ່ງກ່າວເພື່ອປ້ອງກັນການຖືກເຈາະລັກຂໍ້ມູນຜ່ານແອັບພລິເຄຊັນແລ້ວ.

----------------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์