ພາກກາງ ແລະ ຮຽນຮູ້ລະບົບອອກໃບຢັ້ງຢືນແຫຼ່ງກຳເນີດສີນຄ້າ

  ໃນລະຫວ່າງວັນທີ19-21 ພະຈິກ 2019 ທີ່ແຂວງຫຼວງພະບາງ, ກົມການນຳເຂົ້າ ແລະສົ່ງອອກກະຊວງອຸດສາຫະກຳ ແລະ ການຄ້າໄດ້ຈັດກອງປະຊຸມຝຶກອົບຮົມເພື່ອສ້າງເປັນຄູຝຶກໃນການຈັດຕັ້ງປະຕິບັດລະບົບການອອກໃບຢັ້ງຢືນແຫຼ່ງກຳເນີດສິນຄ້າຜ່ານທາງລະບົບເອເລັກໂຕຣນິກ (E-CO) ແລະເຜີຍແຜ່ວຽກງານການຢັ້ງ ຢືນແຫຼ່ງກຳເນີດສິນຄ້າດ້ວຍຕົນເອງ ຂອງອາຊຽນໃຫ້ແກ່ຫ້ອງການຄຸ້ມຄອງ ແລະ ອອກໃບຢັ້ງຢືນແຫຼ່ງກຳເນີດສິນຄ້າສຳລັບແຂວງພາກກາງ ແລະ ພາກເໜືອຂອງ ສປປ ລາວ ພາຍໃຕ້ການເປັນປະທານຂອງ ທ່ານນາງ ມະນີວອນ ວົງໄຊ ຮອງ ຫົວໜ້າກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ, ທ່ານ ສົມສັກ ບຸນມາເພັດ ຮອງຫົວໜ້າພະແນກອຸດສາຫະກຳ ແລະການຄ້າແຂວງຫຼວງພະບາງພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

  ກອງປະຊຸມດັ່ງກ່າວຈັດຂຶ້ນໂດຍການສະໜັບສະໜູນດ້ານງົບປະມານຈາກໂຄງການ GIZ Related, ເພື່ອອໍານວຍຄວາມສະດວກໃນການນໍາເຂ້ົາ ແລະ ສົ່ງອອກສິນຄ້າໃນບັນດາປະເທດອາຊຽນ, ເພື່ອສົ່ງເສີມການເຄື່ອນຍ້າຍສິນຄ້າຢູ່ພາກພື້ນ ແລະເປັນການຫຼຸດຜ່ອນຕົ້ນທຶນ ແລະ ເວລາຂອງຜູ້ປະກອບການ.

 ໂດຍອີງຕາມຄຳສັ່ງຂອງນາຍົກລັດຖະມົນຕີວ່າດ້ວຍການປັບປຸງບັນດາລະບຽບການ ແລະກົນໄກປະສານງານໃນການດຳເນີນທຸລະກິດຢູ່ ສປປ ລາວ, ສະບັບເລກທີ 02/ນຍ, ລົງວັນທີ 1 ກຸມພາ 2018 ທີ່ຊຸກຍູ້ໃຫ້ທຸກພາກສ່ວນຕ້ອງປະຕິຮູບການດຳເນີນເອກະສານໃຫ້ມີຄວາມກະທັດຮັດ, ວ່ອງໄວ ແລະ ອຳນວຍຄວາມສະດວກໃຫ້ແກ່ພາກທຸລະກິດ. ດັ່ງນັ້ນ, ກົມການນຳເຂົ້າ ແລະສົ່ງອອກ, ກະຊວງອຸດສາຫະກຳແລະການຄ້າໄດ້ພັດທະນາລະບົບ e-CO ຂຶ້ນເພື່ອເປັນການອຳນວຍຄວາມສະດວກໃຫ້ແກ່ຜູ້ປະກອບການໃນການຫຼຸດຜ່ອນເວລາ,ຂັ້ນຕອນ ແລະຄ່າໃຊ້ຈ່າຍ,ພ້ອມກັນນັ້ນ, ລະບົບດັ່ງກ່າວຍັງຈະຊ່ວຍແກ້ໄຂບັນຫາການເກັບກຳສະຖິຕິຂອງພາກລັດອີກດ້ວຍ.

  ລະບົບ e-CO ເປັນລະບົບທີ່ອຳນວຍຄວາມສະດວກໃຫ້ແກ່ຜູ້ປະກອບການໃນການຂໍໃບຢັ້ງຢືນແຫຼ່ງກຳເນີດສິນຄ້າ (Certificate of Origin: CO), ຊຶ່ງຜູ້ປະກອບການສາມາດຍື່ນເອກະສານປະກອບຂໍ CO ຜ່ານທາງລະບົບດັ່ງກ່າວ ແລະ ສາມາດຮັບເອກະສານທີ່ຫ້ອງການເຈົ້າໜ້າທີ່ອອກ CO ພາຍໃນ 1 ວັນລັດຖະ ການ, ເມື່ອທຽບໃສ່ການຂໍອອກ CO ແບບປົກກະຕິແລ້ວຖືວ່າມີຄວາມວ່ອງໄວກວ່າຫຼາຍ, ເພາະຜູ້ປະກອບການຕ້ອງມາຍື່ນ ແລະຮັບເອກະສານນຳຫ້ອງການເຈົ້າໜ້າທີ່ອອກ CO ພາຍໃນ 2 ວັນລັດຖະການຈຶ່ງສາມາດເວົ້າໄດ້ວ່າລະບົບ e-CO ສາມາດເຮັດໄດ້ເກືອບທຸກໜ້າວຽກໃນການອອກ CO ເຊັ່ນ: ການຕື່ມລາຍລະອຽດລົງໃນແບບຟອມ, ການອັບໂຫຼດເອກະສານປະກອບ ແລະ ການດັດແກ້ຂໍ້ມູນຕ່າງໆຜ່ານລະບົບ. ນອກຈາກນັ້ນ, ຜູ້ປະກອບການສາມາດຕິດຕາມສະຖານະຂອງເອກະສານຂອງຕົນເອງໄດ້ຕະຫຼອດເວລາ ແລະຍັງເປັນຖານຂໍ້ມູນທີ່ເປັນປະໂຫຍດໃຫ້ທັງເຈົ້າໜ້າທີ່ ແລະຜູ້ປະກອບການໂດຍສະເພາະແມ່ນສະຖິຕິການສົ່ງອອກ, ປະຈຸບັນໂຄງ ການດັ່ງກ່າວມີຈຳ ນວນ 5 ປະເທດເຂົ້າຮ່ວມຄື: ສປປ ລາວ, ອິນໂດເນເຊຍ, ຟິລິບປິນ, ໄທ ແລະ ສສ ຫວຽດນາມ.

---------------

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์