ຄຸດທະວອນ ອັກຄະລາຊ ຕົວແທນຍິງລາວ ຮ່ວມປະກວດເວທີລະດັບໂລກ

 ທ່ານ ນາງ ຄຸດທະວອນ ອັກຄະລາຊ ຫຼື ມິ້ນ Mrs Laos World ໄດ້ເປັນຕົວແທນແມ່ຍິງ ລາວເຂົ້າຮ່ວມປະກວດ  Mrs World 2019 ທີ່ລັດເວກາສສະຫະ ລັດອາເມລິກາ ຊຶ່ງຮອບຕັດສິນຈະຈັດຂຶ້ນ ໃນວັນທີ 6 ທັນວາ ທີ່ຈະມາເຖິງນີ້.

MrsWorld2019 ເປັນເວທີຂອງນາງງາມລຸ້ນໃຫຍ່ຊຶ່ງໃນປີນີ້ປະເທດລາວໄດ້ສົ່ງຕົວແທນແມ່ ຍິງລາວເຂົ້າຮ່ວມປະກວດເປັນປີທໍາອິດເພື່ອໄປເຜີຍແຜ່ວັດທະນະທຳການນຸ່ງຖືຮີດຄອງປະເພນີຂອງປະເທດລາວສູ່ສາຍຕາຊາວໂລກຊຶ່ງມີ 57 ປະເທດເຂົ້າຮ່ວມປະກວດ, ທັງຍັງເປັນການສົ່ງເສີມການທ່ອງທ່ຽວທີ່ຖືກເປົ້າໝາຍ ແລະໄດ້ຜົນດີທີ່ສຸດຄືການນຳສະເໜີ ປະເທດລາວສູ່ເວທີສາກົນ.

ສະໜັບສະໜຸນໂດຍ: HONDA

ທ່ານ ນາງ ຄຸດທະວອນ ອັກ ຄະລາຊ ຫຼື ມິ້ນ Mrs Laos World  2019 ທີ່ມີປະຫວັດການເຄື່ອນ ໄຫວໃນວົງການບັນເທີງມາຍາວນານ,ເຄີຍຜ່ານເວທີນາງສາວອາພອນລາວ2007ແລະເປັນນາງສັງຂານນະຄອນຫຼວງ2012ນັບຕັ້ງແຕ່ນັ້ນມາເຖິງປະຈຸບັນກໍ່ໄດ້ເຮັດວຽກໃນວົງການບັນເທີງທັງເບື້ອງໜ້າເບື້ອງຫຼັງຖ່າຍແບບເດີນແບບ,ເປັນຄູຝຶກ,ເອື້ອຍລ້ຽງສອນທຸກຢ່າງໃຫ້ກັບສາວໆນາງງາມໃນ ຫຼາຍໆເວທີ, ຊຶ່ງບອກເລີຍວ່າປະສົບການ, ຄວາມສາມາດບໍ່ນ້ອຍໜ້າຍິງໃດແນ່ນອນ.

ສໍາລັບຊຸດປະຈຳຊາດທີ່ Mrs  Laos World ຈະສວມໃສ່ໃນເວທີປະກວດແມ່ນຊຸດຟ້ອນລາຍງ້າວຊຶ່ງເປັນຊຸດເອກະລັກວັດທະນະທໍາຊາວລ້ອງງື່ມແຂວງວຽງຈັນ,ການຟ້ອນລາຍງ້າວ ເປັນວິຊາສິລະປະທີ່ສືບທອດກັນມາຈາກລຸ້ນສູ່ລຸ້ນປະສົມປະສານກັບລາຍຜ້າແພພື້ນເມືອງທີ່ມີອາຍຸເກົ່າແກ່ມາພ້ອມກັບຄວາມງົດງາມໃນການອອກແບບປະຍຸກເພື່ອຄວາມໂດດເດັ່ນທີ່ຍັງຄົງເອກະລັກຂອງຄວາມເປັນລາວ,ສະແດງໃຫ້ເຫັນເຖິງຄວາມງົດງາມ ແລະຄວາມເຂັ້ມແຂງຂອງແມ່ຍິງລາວໃນຍຸກໃໝ່.

ແນວໃດກໍດີຂໍໃຫ້ມວນຊົນຄົນ ລາວ ທີ່ຢູ່ພາຍໃນ ແລະຕ່າງປະ ເທດຮ່ວມສົ່ງກໍາລັງໃຈເຊຍນາງ ງາມຄົນນີ້ດ້ວຍ ຊຶ່ງເພິ່ນຈະອອກເດີນທາງໄປທີ່ສະຫາລັດອາເມລິກາເພື່ອເກັບໂຕໃນວັນທີ 29 ພະ ຈິກ 2019 ນີ້ ແລະຈະປະກວດ ຮອບຕັດສິນໃນຄໍ່າຄືນຂອງວັນທີ 6 ທັນວາ ທີ່ລັດເວກາສ ສະຫະລັດອາເມລິກາ.

----------------

ພາບ ແລະ ຂ່າວຈາກ: ໜັງສືພິມເສດຖະກິດ-ສັງຄົມ

แชร์