ໂຮງຮຽນຊົນເຜົ່າອຸດົມໄຊ ປາຖະກະຖາ ວັນສ້າງຕັ້ງກອງເຍົາວະຊົນທັນວາ

 ເມື່ອອາທິດຜ່ານມາກອງເຍົາວະຊົນທັນວາໂຮງຮຽນສາມັນກິນນອນຊົນເຜົ່າອຸດົມໄຊ ໄດ້ສ້າງກິດຈະກຳເລົ່າມູນເຊື້ອວັນສ້າງຕັ້ງກອງເຍົາວະຊົນທັນວາຄົບຮອບ 64 ປີ ທີ່ສະໂມສອນໂຮງຮຽນ, ເປັນກຽດເລົ່າມູນເຊື້ອຂອງທ່ານນາງ ທຸມມາ ປັນຍາສິດ ຮອງເລຂາຄະນະບໍລິຫານງານຊາວໜຸ່ມແຂວງ, ມີທ່ານ ບຸນຜົງ ຈັນທະລາວົງ ຄະນະ ພັກໂຮງຮຽນ, ຮອງຜູ້ອຳນວຍການໂຮງຮຽນ, ມີບັນດາຄະນະບໍລິຫານງານໜ່ວຍຊາວໜຸ່ມຮາກຖານໂຮງຮຽນ, ວິຊາການຈາກຂະແໜງເຍົາວະຊົນ-ອານຸຊົນຕະຫຼອດຮອດສະມາຊິກເຍົາວະຊົນທັນວາໂຮງຮຽນຊົນເຜົ່າເຂົ້າຮ່ວມ.

ສະໜັບສະໜຸນໂດຍ: HONDA

  ການເຕົ້າໂຮມໃນຄັ້ງນີ້ເປັນການເລົ່າມູນເຊື້ອວັນສ້າງຕັ້ງກອງເຍົາວະຊົນທັນວາ ແລະເພື່ອເຮັດໃຫ້ສະມາຊິກກອງເຍົາວະຊົນທັນວາກາຍເປັນກ້ອນກຳລັງປະຈັນບານເປັນຜູ້ສືບທອດທີ່ດີຂອງພັກ ຂອງຊາດ, ເຂົ້າໃຈພາລະບົດບາດ ສິດ ແລະໜ້າທີ່ຂອງຕົນໃຫ້ເລິກເຊິ່ງ ແລະຍັງໄດ້ມີການຝຶກແອບບັນດາກິດຈະກຳຕ່າງໆ ເປັນຕົ້ນແມ່ນ:ການມັດແພແດງ, ການຂໍ່ານັບ-ມອບຊໍ່ດອກໄມ້, ລະບຽບແຖວ, ແບບແຜນເຍົາວະຊົນເດີນສວນສະໜາມ, ພິທີຊຸມນຸມໄຟ ແລະຮ້ອງເພງເຍົາວະຊົນ, ໂດຍຕິດພັນກັບການສຶກສາອົບຮົມແນວຄິດຂອງນ້ອງນ້ອຍເຍົາວະຊົນຕາມຄຳຂວັນ 6 ຮັກ 3 ຊັງ ແລະ3 ດີ 4 ຮູ້ໃຫ້ແກ່ເຂົາເຈົ້າ.

  ທັງນີ້ກໍ່ເພື່ອກຽມຄວາມພ້ອມໃນການຂໍ່ານັບຮັບຕ້ອນວັນຊາດທີ 2 ທັນວາຄົບຮອບ 44 ປີ ແລະ ກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງອຸດົມໄຊຄັ້ງ VIII ທີ່ຈະມາເຖິງໃນໄວໆນີ້ໃຫ້ມີຂະບວນການຟົດຟື້ນມ່ວນຊື່ນ.

-------------------

ພາບ ແລະ ຂ່າວຈາກ: ໜັງສືພິມເສດຖະກິດ-ສັງຄົມ

แชร์