ອັດຕາການຕັດໄມ້ທຳລາຍປ່າໃນບຣາຊິນເພີ່ມຂຶ້ນ29,5%

ສະຖາບັນວິໄຈອາວະກາດແຫ່ງຊາດຂອງບຣາຊິນລາຍງານວ່າ ອັດຕາການຕັດໄມ້ທຳລາຍປ່າຂອງບຣາຊິນເພີ່ມຂຶ້ນເຖິງ 29,5% ໃນຮອບ 12 ເດືອນ ຊຶ່ງຖືເປັນການສູນເສຍພື້ນທີ່ປ່າຫຼາຍທີ່ສຸດໃນ ຮອບ 11 ປີນັບຕັ້ງແຕ່ປີ 2008.

ຕາມຂ່າວຕ່າງປະເທດລາຍ ງານໃນວັນທີ 19 ພະຈິກຜ່ານມາວ່າ ສະຖາບັນວິໄຈອາວະກາດແຫ່ງຊາດສັງກັດກະຊວງວິທະຍາສາດເຕັກໂນໂລຊີ ແລະ ນະວັດກຳ ຂອງບຣາຊິນ ເປີດເຜີຍອັດຕາການສູນເສຍພື້ນທີ່ປ່າອະເມຊອນຈາກການຕັດໄມ້ທຳລາຍປ່າໃນຮອບ 12 ເດືອນ (ສິງຫາປີ 2018-ກໍລະກົດ ປີ 2019) ຫຼ້າສຸດໄດ້ເພີ່ມສູງເຖິງ 29,5% ຄິດເປັນພື້ນທີ່ປະມານ 9.762 ຕາລາງກິໂລແມັດ, ໂດຍ ນັກວິທະຍາສາດກ່າວວ່າ ອະເມຊອນຄືປ່າທີ່ອຸດົມສົມບູນທີ່ໃຫຍ່ທີ່ສຸດໃນໂລກ ພ້ອມທັງຍັງເປັນແຫຼ່ງກັກເກັບກາກບອນທີ່ສຳຄັນຊຶ່ງສ່ວນຫຼຸດຄວາມຮຸນແຮງຂອງພາວະໂລກຮອ້ນແຕ່ປະຈຸບັນປ່າອະເມຊອນຕ້ອງປະເຊີນກັບການບຸກລຸກ ແລະ ທຳລາຍຫຼາຍຂຶ້ນ.

ດ້ານບັນດານັກອະນຸລັກໂຈມຕີ ທ່ານຊາອີ ໂບໂຊນາໂຣ ປະທານາທິບໍດີ ຂອງບຣາຊິນທີ່ສະໜັບສະໜູນໃຫ້ມີການຜະລິດເຟີນີເຈີ ແລະ ຖາງປ່າເຮັດກະສິກຳ ຊຶ່ງເປັນຕົ້ນເຫດໃຫ້ເກີດໄຟໄໝ້ປ່າ.

-------------------

ໜັງສືພີມເສດຖະກິດ-ສັງຄົມ

แชร์