ຢູນິເທວ ມອບທຶນການສຶກສາໃຫ້ນັກຮຽນ ເມືອງສາມັກຄີໄຊ

  ເມື່ອບໍ່ດົນມານີ້ທ່ານ ຈັນ ທະວົງ ຄຳສຸວັນ ຮອງອຳນວຍການບໍລິສັດສະຕາໂທລະຄົມ (ຢູ່ ນິເທວ) ສາຂາແຂວງອັດຕະປືພ້ອມຄະນະໄດ້ນຳເອົາທຶນການສືກສາໃຫ້ແກ່ນ້ອງນັກຮຽນທີ່ຮຽນເກັ່ງ ແຕ່ຄອບຄົວຂາດເຂີນມີຄວາມທຸກຍາກທີ່ໂຮງຮຽນມັດທະຍົມຊົນເຜົ່າ ເມືອງສາມັກຄີໄຊ ແຂວງອັດຕະປື ປະກອບມີເງິນສົດ 1 ລ້ານກີບ ແລະ ອຸປະກອນການຮຽນຕ່າງໆ 1 ລ້ານ ກີບ ລວມເປັນມູນຄ່າ 2 ລ້ານກີບ.

ທ່ານ ຈັນທະວົງ ຄຳສຸວັນ ກ່າວວ່າ: ນັບແຕ່ເລີ່ມຕົ້ນການດຳເນີນທຸລະກິດຂອງຢູ່ນິເທວ ກໍ່ໄດ້ຖືເອົາວຽກງານການປະກອບສ່ວນຊ່ວຍເຫຼືອສັງຄົມເປັນວຽກ ງານໜຶ່ງທີ່ສຳຄັນຕະຫຼອດໄລຍະ10 ປີຜ່ານມາຢູ່ນິເທວ ໄດ້ໃຫ້ຄວາມຊ່ວຍເຫຼືອແກ່ນ້ອງນັກຮຽນ,ໄດ້ມີໂອກາດເຂົ້າເຖິງລະບົບການສືກສາທີ່ກ້າວໜ້າ ແລະທັນສະໄໝ ຄືກັບຫຼາຍໆປະເທດ,ນອກນັ້ນຫຼາຍ ໂຄງການໄດ້ສົ່ງເສີມດ້ານການສືກສາເຊັ່ນ:ສະໜອງລະບົບອິນ ເຕີເນັດໃຫ້ໂຮງຮຽນ 1.000 ແຫ່ງ ທົ່ວປະເທດນຳໃຊ້ໂດຍບໍ່ເສຍຄ່າ ເພື່ອແກ່ເດັກນ້ອຍ, ນັກຮຽນໄດ້ ຮັບໂອກາດໃນຮຽນຮູ້ໂລກກ້ວາງ ກັບສິ່ງທີ່ມີປະໂຫຍດ, ຄວາມທັນ ສະໄໝທາງເຕັກໂນໂລຊີຂໍ້ມູນຂ່າວ ສານ ແລະຄວາມກ້າວໜ້າຂອງ ໂລກປະຈຸບັນ, ສຳລັບທຶນການສືກ ສາໃຫ້ແກ່ນ້ອງນັກຮຽນທີ່ຮຽນ ເກັ່ງແຕ່ຄອບຄົວທຸກຍາກຂາດ ເຂີນໃນລະດັບມັດທະຍົມຕອນຕົ້ນ ແລະຕອນປາຍຈຳນວນ 148 ທຶນ ສະເລ່ຍ 1 ທຶນຕໍ່ໜຶ່ງເມືອງໃນທົ່ວ ປະເທດ, ພາຍໃຕ້ໂຄງການທີ່ມີຊື່ ວ່າ: ເຊື່ອມຕໍ່ຊີວິດທີ່ສົດໃສແກ່ ນ້ອງ, ໂດຍກຳນົດ 2 ລ້ານກີບຕໍ່ ທຶນ ແລະທຶນດັ່ງກ່າວຈະແບ່ງເປັນ ເງິນ 1 ລ້ານກີບ ແລະອີກ 1 ລ້ານກີບ ແມ່ນອຸປະກອນການ ຮຽນຕ່າງໆ, ຜູ້ທີ່ຈະໄດ້ທຶນດັ່ງກ່າວຈະຕ້ອງເປັນຜູ້ທີ່ມີຖານະຄອບຄົວ ທຸກຍາກຂາດເຂີນ, ແຕ່ມີຄວາມ ຕັ້ງໃຈໃນການສືກສາຮໍ່າຮຽນ.

ສະໜັບສະໜຸນໂດຍ: HONDA

ສະເພາະຢູ່ແຂວງອັດຕະປືມີ 5 ເມືອງຄື: ເມືອງສາມັກຄີໄຊ, ໂຮງຮຽນມັດທະຍົມຊົນເຜົ່າ, ເມືອງ ໄຊເສດຖາ ມສ ພະເມືອງ, ເມືອງ ຊານໄຊ ມສ ຈະເລີນໄຊ, ເມືອງພູ ວົງ ມສ ວົງຊົມພູ ແລະເມືອງສະໜາມໄຊ ມສ ສະໜາມໄຊ, ພິທີມອບ-ຮັບໄດ້ຈັດຂຶ້ນທີ່ສະໂມສອນຂອງໂຮງຮຽນມັດທະຍົມຊົນເຜົ່າ ເມືອງສາມັກຄີໄຊ, ເຂົ້າຮ່ວມຂອງ ທ່ານ ສົມໃຈ ແກ້ວບຸດດາ ຮອງຫົວໜ້າຫ້ອງການສືກສາທິການແລະກີລາເມືອງສາມັກຄີໄຊ, ມີບັນດາອຳນວຍການໂຮງຮຽນມັດທະຍົມຊົນເຜົ່າພ້ອມດ້ວຍຕາງໜ້າບໍລິສັດສະຕາໂທລະຄົມຕະຫຼອດຄູ-ອາຈານ,ນ້ອງນັກຮຽນແລະສ່ວນທີ່ກ່ຽວຂ້ອງເຂົ້າຮ່ວມ.ກ່າວມອບໂດຍທ່ານ ຈັນທະວົງ ຄຳສຸວັນ ຮອງອຳນວຍການບໍລິສັດສະຕາໂທລະຄົມສາຂາແຂວງ ອັດຕະປື ແລະກ່າວຮັບໂດຍນ້ອງນັກຮຽນ ມສ ຊົນເຜົ່າ, ໂດຍຊ່ອງ ໜ້າພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

---------------------

ພາບ ແລະ ຂ່າວຈາກ: ໜັງສືພິມເສດຖະກິດ-ສັງຄົມ

แชร์