ເຊັນສັນຍາຊຳລະຄ່ານໍ້າປະປາຜ່ານລະບົບທະນາຄານ

  ພິທີເຊັນສັນຍາບໍລິການຊໍາລະຄ່ານໍ້າປະປາຜ່ານລະບົບທະນາຄານລະຫວ່າງທະນາຄານສົ່ງເສີມກະສິກໍາສາຂາແຂວງໄຊຍະບູລີ ແລະ ບໍລິສັດລັດວິສາຫະກິດນໍ້າປະປາແຂວງໄຊຍະບູລີ ຈັດຂຶ້ນໃນວັນທີ 19 ພະຈິກ 2019 ທີ່ຫ້ອງປະຊຸມລັດວິສາຫະກິດນໍ້າປະປາແຂວງ, ຮ່ວມລົງນາມໂດຍແມ່ນທ່ານ ອາລິຍະ ຂັນຕິ ຫົວໜ້າບໍລິສັດລັດວິສາຫະກິດນໍ້າປະປາສາຂາແຂວງໄຊຍະບູລີ ແລະ ທ່ານ ບັນດິດ ແສງດາວົງຫົວໜ້າທະນາຄານສົ່ງເສີມກະສິກໍາສາຂາແຂວງໄຊຍະບູລີພ້ອມດວ້ຍພະນັກງານວິຊາການເຂົ້າຮ່ວມ.

  ທັງສອງຝ່າຍໄດ້ຕົກລົງເປັນເອກະພາບກັນເຮັດສັນຍາສະບັບນີ້ຂຶ້ນເພື່ອເປັນບ່ອນອີງໃນການບໍລິການຊໍາລະຄ່າທໍານຽມຕ່າງໆ ສິດໜ້າທີ່ຂອງທະນາຄານສົ່ງເສີມກະສິກໍາສາຂາແຂວງໄຊຍະບູລີເປີດໃຫ້ບໍລິການຊໍາລະສະສາງຄ່ານໍ້າປະປາຜ່ານປ່ອງບໍລິການຂອງທະນາຄານເພື່ອຊໍາລະສະສາງຄ່ານໍາໃຊ້ນໍ້າປະປາຮູບແບບເງິນສົດ ແລະເງິນໂອນຜ່ານຊ່ອງທາງເຊັ່ນ: ຜ່ານເຄົ້າເຕີ ແລະ ລະບົບເອເລັກໂຕນິກຕ່າງໆຂອງທະນາຄານພ້ອມທັງອອກເອກະສານຢັ້ງຢືນການຊໍາລະນັ້ນເປັນລາຍການຍ່ອຍ ຫຼື ລາຍ ການລວມພາຍ ໃນກໍານົດຊ້າສຸດບໍ່ໃຫ້ເກີນ 2 ວັນນັບ ແຕ່ມື້ຊໍາລະມາ; ສ່ວນສິດ ແລະໜ້າທີ່ ຂອງບໍລິສັດລັດວິສາຫະກິດນໍ້າປະປາມອບໃຫ້ທະນາຄານເປັນຜູ້ຮັບການຊໍາ

ລະຄ່ານໍ້າປະປາຈາກຜູ້ຊົມໃຊ້ນໍ້າປະປາຂອງແຂວງໄດ້ທຸກປະເພດຂອງລູກຄ້າຕາມມູນຄ່າແຕ່ລະລາຍໃນໃບແຈ້ງຊໍາລະຄ່ານໍ້າປະປາລາຍເດືອນຂອງລູກຄ້າແຕ່ລະລາຍການໃຫ້ລະອຽດ, ເປັນເຈົ້າການຮັບລາຍງານ ແລະກວດກາຄວາມຖືກຕ້ອງຂອງລະບົບການຊໍາລະແຕ່ລະລາຍການທີ່ຜ່ານລະບົບອອນລາຍເປັນແຕ່ລະວັນຈາກທະນາຄານສົ່ງ ເສີມກະ ສິກໍາ, ກວດຮັບເອົາໃບບິນແຈ້ງຄ່ານໍ້າ ປະປາເພື່ອອອກເອກະສານຢັ້ງຢືນການ ຊໍາລະໃນການຊໍາລະຄ່າບໍລິການທະນາ ຄານຈະເກັບຄ່າບໍລິການຮັບຊໍາລະນໍ້າປະປານໍາລັດວິສາຫະກິດນໍ້າປະປາແຂວງ ໃນວົງເງິນ 0,5% ຂອງມູນຄ່າຊໍາລະ ໃນແຕ່ລະເດືອນສໍາລັບທຸກປະເພດລູກຄ້າໂດຍຕັດເງິນໃນບັນຊີຂອງລັດວິສາຫະກິດນໍ້າປະປາແຂວງໄຊຍະບູລີຄິດໄລ່ແຕ່ລະເດືອນ ແລະຕັດຄ່າທໍານຽມນັ້ນເປັນແຕ່ລະງວດ, ງວດໜຶ່ງ 3 ເດືອນ.

ສະໜັບສະໜຸນໂດຍ: HONDA

 ສັນຍາສະບັບນີ້ເປັນສັນຍາຮ່ວມທຸລະກິດລະຫວ່າງທະນາຄານສົ່ງເສີມກະສິກໍາກັບນໍ້າປະປາແຂວງໃນການຈັດຕັ້ງປະຕິບັດຕົວຈິງຊຶ່ງມີອາຍຸສັນຍາ 3 ປີ ນັບແຕ່ມື້ລົງນາມເປັນຕົ້ນໄປຫຼັງຄົບກໍານົດສັນຍາຖ້າຝ່າຍໃດຝ່າຍໜຶ່ງ ຫຼື ທັງສອງຝ່າຍມີເຈດຈໍານົງທີ່ຈະຍົກເລີກສັນຍາຕ້ອງແຈ້ງໃຫ້ກັນຊາບກ່ອນ 60 ວັນ ຫຼື ຫຼັງຄົບກໍານົດສັນຍາຖ້າຫາກມີການປ່ຽນແປງເນື້ອໃນບັນດາເງື່ອນໄຂຕ່າງໆ ໃນຄູ່ສັນຍາຕ້ອງແຈ້ງໃຫ້ອີກຝ່າຍໜຶ່ງຮັບຊາບລ່ວງໜ້າ 60 ວັນ, ຖ້າຫາກວ່າຝ່າຍໃດຝ່າຍໜຶ່ງຫາກມີເຈດຈໍານົງທີ່ຕ້ອງການຢຸດຕິການໃຫ້ບໍລິການຊໍາລະສະສາງຄ່ານໍ້າປະປານີ້ຕ້ອງໄດ້ແຈ້ງໃຫ້ອີກຝ່າຍໜຶ່ງຮັບຊາບເປັນລາຍລັກອັກສອນກ່ອນ 30 ວັນ.

__________

ຂຽນໂດຍ: ບຸນທີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์