ຫາລືຄົ້ນຄວ້າພັດທະນາການທ່ອງທ່ຽວ ລາວ-ຈີນ

 ວັນທີ 16 ພະຈິກ 2019 ກອງປະຊຸມປຶກສາລືກ່ຽວກັບການຄົ້ນຄວ້າພັດທະນາການທ່ອງທ່ຽວລາວ-ຈີນ (ຢູນນານ) ປະຈຳປີ 2019 ຈັດຂຶ້ນທີ່ສູນວາງສະແດງຕ່ຽນສີ ເມືອງຄຸນມິງ ແຂວງຢູນນານ ສປ ຈີນ, ການຊີ້ນຳໂດຍພະແນກວັດທະນະທຳແລະທ່ອງທ່ຽວ ແຂວງຢູນນານພະແນກການຄ້າແຂວງຢູນນານ, ຜູ້ຈັດຕັ້ງປະຕິບັດໂດຍສະຖານບັນຄົ້ນຄວ້າການທ່ອງທ່ຽວແຫ່ງຊາດຈີນ ສາຂາເມືອງຄຸນມິງກໍຄື: ສະຖາບັນຄົ້ນຄວ້າວາງແຜນການທ່ອງທ່ຽວ ແຂວງຢູນນານ ແລະຫ້ອງການຜູ້ຕາງໜ້າວິສາ ຫະກິດແຂວງຢູນນານປະຈຳລາວ.

  ທ່ານນາງ shilin ຮອງຫົວໜ້າພະແນກວັດທະນະທຳ ແລະທ່ອງທ່ຽວ ແຂວງຢູນນານ ກ່າວວ່າ: ໃນໂອກາດກອງ ປະຊຸມການຄ້າການທ່ອງທ່ຽວສາກົນຈີນປະຈຳ 2019 ຍັງໄດ້ຈັດກອງປະຊຸມປຶກສາຫາລືກ່ຽວກັບການຄົ້ນຄວ້າພັດທະນາການທ່ອງທ່ຽວລາວ-ຈີນ (ຢູນນານ) ປະຈຳປີ 2019 ເພື່ອຜັນຂະຫຍາຍ ແລະຈັດຕັ້ງປະຕິ ບັດຈິດໃຈກອງປະຊຸມວຽກງານການທ່ອງທ່ຽວຂອງທົ່ວແຂວງ, ຊຸກຍູ້ການພັດທະນາການຮ່ວມມືດ້ານການທ່ອງທ່ຽວລະຫວ່າງແຂວງຢູນນານ ແລະພາກພື້ນແມ່ນ້ຳລ້ານຊ້າງ-ແມ່ນ້ຳຂອງຢ່າງຮອບດ້ານ, ເພື່ອໃຫ້ປາກົດຜົນເປັນຈິງ.

ສະໜັບສະໜຸນໂດຍ: HONDA

  ນອກນັ້ນທັງສອງຝ່າຍຍັງໄດ້ເຊັນສັນຍາຮ່ວມມືກັນລະຫວ່າງໂຄງການທີ່ຊຸກຍູ້ການຮ່ວມມືການທ່ອງທ່ຽວລາວ-ຢູນນານ-ບໍລິສັດບລູເບີຣີລາວອອກແບບ ແລະວາງແຜນ ຈຳກັດ ຮ່ວມກັບບໍລິສັດເຄີຈ້ຽນຄຸນມິງເຜີຍແຜ່ວັດທະນະທຳຈຳກັດ ສ້າງໂຄງການສັບປະດາຮູບເງົາປີທ່ອງທ່ຽວລາວ-ຈີນ ເຂົ້າຮ່ວມເປັນສັກຂີພິຍານມີ ທ່ານນາງ shilin ຮອງຫົວໜ້າພະແນກວັດທະນະທຳ ແລະທ່ອງທ່ຽວ ແຂວງຢູນນານ, ທ່ານ ບຸນມາ ເພັດສາວົງ ຫົວໜ້າກົມຄຸ້ມຄອງການທ່ອງທ່ຽວກະຊວງຖະແຫຼງຂ່າວ, ວັດທະນະ ທຳ ແລະທ່ອງທ່ຽວ ສປປ ລາວ, ທ່ານ ວິນລຽມ ສຸວັນນາມ ຮອງຜູ້ອຳນວຍການໂທລະພາບແຫ່ງຊາດລາວແລະພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

  ໂຄງການນີ້ແມ່ນໜຶ່ງສຳຄັນໃນກິດຈະກຳປີທ່ອງທ່ຽວລາວ-ຈີນທີ່ສອງປະເທດລາວ-ຈີນ ເນັ້ນໜັກຊຸກຍູ້ໂດຍຜ່ານໂຄງການສັບປະດາຮູບເງົາປີທ່ອງທ່ຽວລາວ-ຈີນ (ຢູນນານ) ທົບທວນຜົນການ ດຳເນີນວຽກງານຢ່າງຮອບດ້ານຂອງປີທ່ອງທ່ຽວລາວ-ຈີນໃນໄລຍະຜ່ານມາ, ສະແດງໃຫ້ເຫັນຜົນໄດ້ຮັບໃນແຕ່ລະຂົງ ເຂດຂອງການຮ່ວມມືດ້ານການທ່ອງທ່ຽວລະຫວ່າງລາວ-ຢູນນານໃນຫຼາຍໆດ້ານ, ເຮັດໃຫ້ຫຼາຍຄົນໄດ້ຮູ້ສຶກເຖິງສະເໜ່ຄວາມໃກ້ຊິດກັນເພີ່ມທະວີມິດຕະພາບຂອງສອງຊາດ, ຍົກສູງການຮັບຮູ້ຂອງປວງຊົນຕໍ່ການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ, ກະຕຸ້ນໃຫ້ວິສາຫະກິດຈຳນວນຫຼາຍເຂົ້າຮ່ວມໃນການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ ແລະ ປະຕິ ບັດຄວາມຮັບຜິດຊອບຕໍ່ສັງຄົມ.

______________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์