ແກ້ທຸກຍາກປະຊາຊົນຕ້ອງເປັນເຈົ້າການ ລັດຊ່ວຍລະດົມທຸລະກິດໄປລົງທຶນຢູ່ທ້ອງຖິ່ນ

  ຄວາມທຸກຍາກຂອງປະຊາຊົນແມ່ນບັນຫາຖ່ວງດຶງການພັດທະນາປະເທດຊາດເຖິງແມ່ນວ່າຜ່ານມາລັດຖະບານຈະໄດ້ມີຄວາມເອົາໃຈໃສ່ແກ້ໄຂບັນຫານີ້ກໍຕາມແຕ່ຢູ່ທ້ອງຖີ່ນເຂດຫ່າງໄກສອກຫຼີກທຸລະກັນດານກໍຍັງປະເຊີນຄວາມຫຍຸ້ງຍາກຢູ່ທັງນີ້ທ່ານນາຍົກລະບຸວ່າຢາກແກ້ທຸກຍາກໄດ້ປະຊາຊົນເອງຕ້ອງເປັນເຈົ້າການມີຄວາມຄວາ ມຕື່ນຕົວສ້າງຢູ່ທຳກິນພັດທະນາຊີວິດຄອບຄົວສ່ວນເບື້ອງລັດໂດຍສະເພາະບັນດາແຂວງ ແລະ ເມືອງກໍຕ້ອງຊ່ວຍລະດົມເອົາການລົງທຶນພາກເອກະຊົນເຂົ້າໄປເຄື່ອນໄຫວກິດຈະການຕ່າງໆ ພາຍໃນທ້ອງຖິ່ນຕາມທ່າແຮງຂອງຕົນເພື່ອສ້າງວຽກເຮັດງານທຳສ້າງລາຍຮັບໃຫ້ກັບປະຊາຊົນໄດ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

  ໃນວາລະດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງ ຊາດ VIII, ໃນວັນທີ 15 ພະຈິກຜ່ານມາ, ທ່ານທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ຊີ້ແຈ້ງຜົນການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມປີ2019 ແລະທິດທາງປີ 2020 ໜຶ່ງໃນນັ້ນແມ່ນການພັດທະນາຊົນນະບົດລຶບລ້າງຄວາມທຸກຍາກຂອງປະຊາຊົນມີຄວາມແຕກໂຕນກັນຢາກລົບລ້າງໃຫ້ໄວ ແລະ ດີແມ່ນປະກອບດ້ວຍຫຼາຍປັດໄຈຄື: ຖະໜົນເຮັດໃຫ້ປະຊາຊົນຜະລິດໄດ້ຂາຍໄດ້ປະຊາຊົນເຂົ້າເຖິງສິນເຊື້ອໄດ້ສຳຄັນທີ່ສຸດຂໍໃຫ້ແຂວງຕ່າງໆ ພະຍາຍາມດຶງດູດເອົາການລົງທຶນໄປສູ່ຊົນນະບົດ, ສົ່ງເສີມຜະລິດການປຸງແຕ່ງກະສິກຳເຮັດໃຫ້ປະຊາຊົນມີວຽກເຮັດງານທຳ.

  ທ່ານນາຍົກກ່າວຕື່ມອີກວ່າ: ສຳຄັນອີກຢ່າງໜຶ່ງແມ່ນຂຶ້ນກັບຄວາມເປັນເຈົ້າການຂອງປະຊາຊົນການຟຸ່ມເຟື່ອຍໄພສັງຄົມ, ຂີ້ລັກງັດແງະຍັງມີແຕ່ຈະພະຍາຍາມແກ້ໄຂ ເຖິງແນວໃດກໍຕາມບັນຫາສິ່ງຄົງຄ້າງດັ່ງກ່າວລັດຖະບານຈະແກ້ໄຂ ປີ2020 ໃຫ້ຄ່ອຍໆຫຼຸດນ້ອຍຖອຍລົງຈະພະຍາຍາມປັບປຸງຂອດໝາຍໜ້າທີ່ແບ່ງງານແບ່ງຄວາມຮັບຜິດຊອບໃຫ້ກັນ ແລະ ກັນຢ່າງທົ່ວເຖິງໃຫ້ສາມາດປະສານງານກັນໄດ້ແຕ່ເທິງລົງລຸ່ມຈະປັບປຸງແບບແຜນວິທີເຮັດວຽກທີ່ຍັງອືດອາດຊັກຊ້າຂາດຄວາມເປັນເຈົ້າການກ້າຫານຂາດຫົວຄິດປະດິດສ້າງຈະຊຸກຍູ້ແກ້ໄຂເປັນກ້າວໆ ຈະປັບປຸງກົນໄກປະສານງານລະຫວ່າງຂະແໜງການທ້ອງຖິ່ນເປັນຕົ້ນລັດຖະບານກັບສະພາ.

ສະໜັບສະໜຸນໂດຍ: HONDA

  ຂະນະທີ່ການພັດທະນາຊົນນະບົດ ແລະແກ້ໄຂຄວາມທຸກຍາກຕາມ 4 ເນື້ອໃນ 4 ຄາດໝາຍຕິດພັນກັບວຽກງານ 3 ສ້າງຂໍ້ມູນຈາກລັດຖະບານເປີດເຜີຍຮູ້ວ່າ: ໂດຍລວມມີຄວາມຄືບໜ້າສົມຄວນໂດຍລັດໄດ້ສືບຕໍ່ພັດທະນາພື້ນຖານໂຄງລ່າງ ແລະສິ່ງອໍານວຍຄວາມສະດວກຢູ່ 91 ຈຸດສຸມປະຊາຊົນໄດ້ເຂົ້າເຖິງແຫຼ່ງທຶນຜ່ານມາທະນາ ຄານນະໂຍບາຍທີ່ມີ ສິນເຊື່ອຍອດຍົກມາ 136,97 ຕື້ກີບ ເທົ່າກັບ47,35% ຂອງແຜນການປີ (ແຜນການ 289,24 ຕື້ກີບ), ໃນນັ້ນ ປ່ອຍກູ້ໄລຍະສັ້ນ 19,63 ຕື້ກີບ,ໄລຍະກາງ 31,04 ຕື້ກີບ ແລະໄລຍະຍາວ 86,30 ຕື້ກີບ ແລະປີ 2019 ລັດຖະບານໄດ້ຈັດສັນງົບປະມານລົງທຶນປົກກະຕິໃສ່ວຽກງານດັ່ງກ່າວຈໍານວນ 112 ຕື້ກີບມີ 659 ໂຄງການ, ມາຮອດປະຈຸບັນສາມາດຈັດຕັ້ງປະຕິບັດໄດ້ 458 ໂຄງການ, ມູນຄ່າ 55,74 ຕື້ກີບ, ເທົ່າກັບ 49,77% ຂອງມູນຄ່າອະນຸມັດໃນນັ້ນ ບ້ວງສູນກາງຄຸ້ມຄອງ 39,54 ຕື້ກີບ, ທ້ອງຖິ່ນຄຸ້ມຄອງ 72,46 ຕື້ກີບ, ນອກນັ້ນ ວຽກງານກອງທຶນພັດທະນາບ້ານກໍມີຄວາມຄືບໜ້າດີມາຮອດປະຈຸບັນມີທັງໝົດ 604 ກອງທຶນທຽບໃສ່ປີຜ່ານມາເພີ່ມຂຶ້ນ 10 ກອງທຶນ, ມີສະມາຊິກທັງໝົດ 30.761 ຄອບຄົວ, ທຽບໃສ່ປີຜ່ານມາສະມາຊິກຫຼຸດລົງ 1.388 ຄອບຄົວ, ມີທຶນໝູນວຽນທັງໝົດ 61,85 ຕື້ກີບ.

__________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์