ຢູແຈຊອລພິກບົດບາດຈາກພິທີກອນ ມາເປັນນັກຮ້ອງລູກທົ່ງ

 ພິທີກອນ ແລະສະມາຊິກຕົ້ນຕໍໃນລາຍການວາໄຣຕີ້ທີ່ຂຶ້ນຊື່ວ່າເປັນໜຶ່ງໃນຕົວພໍ່ຂອງວົງການ ບັນເທິງ ສ.ເກົາຫຼີຄື ຢູແຈຊອລ ເຖິງແມ່ນວ່າລາວຈະເປັນບຸກຄະລາກອນໃນວົງການບັນເທິງ ແລະ ມີງານຢ່າງຕໍ່ເນື່ອງແຕ່ລາວບໍ່ເຄີຍ ຢຸດທີ່ຈະສ້າງສິ່ງໃໝ່ໆມາໃຫ້ແຟນໆໄດ້ຕິດຕາມຢູ່ສະເໝີ ແລະຫຼ້າສຸດຢູແຈຊອລ ໄດ້ສ້າງຄວາມປະຫຼາດໃຈໃຫ້ກັບແຟນໆດ້ວຍການມີຜົນ ງານໃໝ່ມາເປັນນັກຮ້ອງເພງລູກທົ່ງ ສ.ເກົາຫຼີ ໂດຍໃຊ້ຊື່ໃນວົງການ ເພງວ່າຢູຊັນຊິລ.ຢູແຈຊອລ ຫຼື ຢູຊັນຊິ ປ່ອຍຜົນງານເພງລູກທົ່ງອອກມາເຖິງ 2 ຊິງເກີລຜ່ານຊ່ອງທາງສະຕຣີມມິ່ງເພງໃນ ສ.ເກົາຫຼີໃນວັນ 16 ພະຈິກທີ່ຜ່ານມາໃນເພງຊື່ວ່າ “Hapjeong Station Exit #5” (합정역 5 번출구) ແລະ “Reinvention of Love” ຊຶ່ງບົດບາດໃໝ່ຂອງ ຢູແຈຊອລ ໃນຖານະນັກຮ້ອງລູກທົ່ງນັ້ນເລີ່ມຕົ້ນ ໃນລາຍການ “Hangout with Yoo” ອອກອາກາດທາງຊ່ອງ MBC ຊຶ່ງພິທີກອນຊື່ດັງໄດ້ເຂົ້າຮ່ວມການຝຶກຮ້ອງເພງລູກທົ່ງຈາກນັກຮ້ອງລູກທົ່ງລະດັບຕຳນານຈິນຊອງ ຫຼັງຈາກນັ້ນລາວກໍໄດ້ເຮັດວຽກຮ່ວມກັນກັບນັກແຕ່ງເພງ ຊື່ດັງພັກຮະຢອນອູ ຊຶ່ງໃຊ້ເວລາອັນສັ້ນພຽງ 15 ນາທີກໍໄດ້ຊິງ ເກິ້ລທຳອິດອອກມາໃນບົດເພງ “Hapjeong Station Exit #5” ຊຶ່ງອີກຊິງເກິລທີ່ປ່ອຍອອກມາຊື່ ເພງວ່າ “Reinven tion ofLove” ຈະເປັນບົດເພງແນວເຕັ້ນລໍາຈັງຫວະລູກທົ່ງແຕ່ງທຳນອງ ໂດຍນັກແຕ່ງເພງໂຈຢອງຊູ ແລະ ແຕ່ງເນື້ອຮ້ອງໂດຍ ຄິມແອນາ.

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์