ຄະແນນສະສົມນາງສາວລາວຮອບ 40 ຄົນ ຈາກຜົນໂຫວດມວນຊົນ

  ໂຄງການປະກວດນາງສາວລາວ ເປັນເວທີແຫ່ງກຽດຕິຍົດ ແລະຄວາມພູມໃຈຂອງແມ່ຍິງ ລາວ, ຊຶ່ງໃນປີນີ້ກໍຄ້າຍໆຄືກັບປີຜ່ານມາໄດ້ມີການຈັດຄັດເລືອກຢູ່ ແຕ່ລະແຂວງໃນທົ່ວປະເທດ ແລະ ຈະປະກວດຮອບຕັດສິນໃນຄໍ່າຄືນວັນທີ 7 ທັນວາ 2019 ທີ່ສູນການ ຄ້າໄອເຕັກມໍ ຊັ້ນ 7, ໂດຍໃນປະຈຸ ບັນນາງສາວຜູ້ເຂົ້າຮອບ 40 ຄົນ ສຸດທ້າຍກໍາລັງສະສົມຄະແນນຈາກການໂຫວດຂອງມວນຊົນທົ່ວປະເທດ.

ໂຄງການປະກວດນາງສາວ ລາວ ປະຈໍາປີ 2019 ໃຫ້ຮູ້ວ່າ:ໂຄງການປະກວດນາງສາວລາວ ເປັນເວທີປະກວດເພື່ອຄົ້ນຫານາງ ສາວງາມທີ່ມີຄວາມຮູ້ຄວາມສາ ມາດ ແລະໄດ້ຮັບການຊີ້ນຳຈາກສູນກາງຊາວໜຸ່ມປະຊາຊົນປະຕິວັດລາວ, ໃນປີນີ້ແມ່ນບໍລິສັດຄົມປັນຍາເອັນເຕີເທັນເມັ້ນເປັນຜູ້ຮັບຜິດຊອບດຳເນີນການປະກວດ ຊຶ່ງ ໄດ້ເປີດຮັບສະໝັກຄັດເລືອກມາແຕ່ ທ້າຍເດືອນກັນຍາ ຈົນຮອດວັນທີ 12 ຕຸລາ ຢູ່ແຕ່ລະແຂວງທົ່ວປະເທດ ແລະໄດ້ເປີດຕົວນາງສາວຜູ້ ເຂົ້າຮອບ 40 ຄົນສຸດທ້າຍໃນວັນ ທີ 30 ຕຸລາ ຜ່ານມາ ຢູ່ນະຄອນ ຫຼວງວຽງຈັນ, ຊຶ່ງ 40 ນາງສາວ  ທີ່ເຂົ້າຮອບນີ້ໄດ້ຮ່ວມກິດຈະກຳຕ່າງໆທີ່ໂຄງການປະກວດຈັດ ກຽມໄວ້.

ສ່ວນຜົນໂຫວດມາຮອດໃນວັນ ທີ 18 ພະຈິກ 2019 ອັນດັບ 1 ຮອດອັນດັບທີ 20 ປະກອບມີ: ອັນ ດັບ 1 ແມ່ນ ML 26 ມະນີພອນ ສິງຫາໄຊຍະແສງ ແຂວງອຸດົມໄຊ 18.147 ຄະແນນ, ຮອງມາແມ່ນ ML12 ຕິກຕາ ຄໍາວັນເຮືອງ ແຂວງຫົວພັນ 14.778 ຄະແນນ, ອັນດັບ3 ML30 ຈູມມະລີ ໄຊວຸດ ທິ ແຂວງໄຊຍະບູລີ 13.872 ຄະແນນ, ອັນດັບ 4 ML1 ນາງ ດາວພະສຸກ ພົມມະຫາໄຊ ຈາກແຂວງ ຈໍາປາສັກ 9.813 ຄະແນນ, ອັນ ດັບ 5 ML2 ນາງ ບຸດດາວ ຈັນທະລີ ແຂວງອຸດົມໄຊ 9.126 ຄະແນນ, ອັນດັບ6 ML29 ສຸກດາວັນ ໄຊຍະເສນາ ແຂວງອັດ ຕາປື 8.268 ຄະແນນ, ອັນດັບ 7 ML23  ໂຈ່ແອ້ນ  ໂພທິວັດ  ນະຄອນ   ຫຼວງວຽງຈັນ 7.446 ຄະແນນ, ອັນດັບ 8 ML27 ສຸກສາຄອນ ພົນລັດ ແຂວງໄຊຍະບູລີ 7.227 ຄະແນນ, ອັນດັບ 9 ML16 ວິດາ  ແຊ້ພານ 6.774 ຄະແນນ, ອັນດັບ 10 ML4 ພອນສະນິດ ລັດຕະນະສັກ ແຂວງອຸດົມໄຊ 6.312 ຄະແນນ, ອັນດັບ 11 ML5 ຈິນຕະນາ ຂັດຕິຍະວົງ ແຂວງສະ ຫວັນນະເຂດ 5.982 ຄະແນນ, ອັນດັບ12 ML17 ສິລິລັກ ໄຊ ສົມບູນ ນະຄອນຫຼວງວຽງຈັນ 5.892 ຄະແນນ, ອັນດັບ 13 ML28 ສຸມົນທາ ປາດາວົງ ແຂວງ ຫຼວງນໍ້າທາ  5.889 ຄະແນນ, ອັນດັບ14 ML25 ມີລີນ່າ ຈັນວິໄລ ສັກ ແຂວງວຽງຈັນ 5.631 ຄະແນນ, ອັນດັບ 15 ML20 ວິນະດາ ພິສາລາດ ແຂວງຫຼວງພະບາງ 5.538  ຄະແນນ, ອັນດັບ  16 ML8 ວິມາລາ ໄຊຍະຈັກ ແຂວງຫຼວງນໍ້າ ທາ 3.942 ຄະແນນ, ອັນດັບ17 ML11 ແສງມະນີ ພູວັນໂນ ແຂວງ ເຊກອງ 3.654 ຄະແນນ, ອັນ ດັບ 18 ML40 ຟ້າໃສ ຈິດປັນຍາແຂວງຄໍາມ່ວນ 3.504 ຄະແນນ, ອັນດັບ19 ML15 ວິສຸດາ ວັນນະສຸກນະຄອນຫຼວງວຽງຈັນ 3.189 ຄະແນນ, ອັນດັບ 20 ML14 ມະນີວອນ ແພງພິນິດ ແຂວງສະຫວັນ ນະເຂດ 2.970 ຄະແນນ, ສ່ວນອັນດັບທີ 21 ຈົນເຖິງອັນດັບສຸດ ທ້າຍສາມາດຕິດຕາມໄດ້ທີ່ Face book page: Miss Laos ນາງ ສາວລາວ.

ແນວໃດກໍຕາມທ່ານສາມາດ ໂຫວດເພື່ອເປັນການໃຫ້ກໍາລັງໃຈ ແລະເປັນຄະແນນສະສົມໃຫ້ແກ່ບັນ ດານາງສາວທີ່ເຂົ້າຮອບ 40 ຄົນໄດ້ທີ່ເວັບໄຊ໌ https://www.misslaos.la/contestants/top40, ຊຶ່ງທ່ານສາມາດໂຫວດໄດ້ 20 ຄັ້ງຕໍ່ມື້ (ສາມາດໂຫວດໄດ້ ຫຼາຍກວ່າ 1 ນາງສາວໃນ 20 ຄັ້ງ) ຄະແນນຈະສະສົມຕັ້ງແຕ່ມື້ ເປີດໂຫວດຈົນຮອດມື້ຕັດສິນຄືຄໍ່າຄືນວັນທີ 7 ທັນວາ 2019 ທີ່ສູນການຄ້າໄອເຕັກມໍ ຊັ້ນ 7 ນະຄອນຫຼວງວຽງຈັນ.

--------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์