ອັດຕະປື ພັດທະນາທຸລະກິດ ແລະບໍລິການດ້ານທ່ອງທ່ຽວ

  ພະແນກຖະແຫຼງຂ່າງ-ວັດທະນະທຳ ແລະທ່ອງທ່ຽວແຂວງ ອັດຕະປື ໄດ້ເອົາໃຈໃສ່ຍົກລະດົບ ການພັດທະນາທຸລະກິດດ້ານການທ່ອງທ່ຽວເພື່ອສືບຕໍ່ເພີ່ມຄວາມສາມາດໃນການບໍລິການທຸລະກິດ ດ້ານການທ່ອງທ່ຽວໃຫ້ມີຄຸນນະພາບບໍລິການໃຫ້ທ່ຽມທັນບັນດາ ແຂວງອື່ນໆ.

ໃນວັນທີ 18-19 ພະຈິກ 2019 ພະແນກ ຖວທ ຮ່ວມກັບສະມາຄົມທຸລະກິດບໍລິການດ້ານການທ່ອງ ທ່ຽວແຂວງອັດຕະປື ໄດ້ເປີດຊຸດ ອົບຮົມຍົກລະດັບພື້ນຖານແຫ່ງ ອາຊີບໃຫ້ແກ່ພາກທຸລະກິດ, ໂຮງແຮມ,ເຮືອນພັກ ແລະຮ້ານອາຫານ ຂຶ້ນ ໂດຍມີທີມງານຄູຝຶກຈາກສະມາຄົມໂຮງແຮມ,ຮ້ານອາຫານ ແຂວງຈຳປາສັກ ແລະສະມາຄົມທຸລະກິດບໍລິການດ້ານການທ່ອງ ທ່ຽວແຂວງ, ມີສຳມະນາກອນທີ່ມາຈາກເຮືອນພັກ, ໂຮງແຮມ,ຮ້ານອາຫານທົ່ວແຂວງເຂົ້າຮ່ວມ.

  ຊຸດຝຶກອົບຮົມພື້ນຖານແຫ່ງ ອາຊີບເບື້ອງຕົ້ນນັກສຳມະນາກອນຈະໄດ້ຮຽນຮູ້ກ່ຽວກັບການບໍລິ ການອາຫານເຄື່ອງດື່ມ, ການເປັນແມ່ເຮືອນ,ການບໍລິການຂອງພະ ນັກງານ ແລະວິທີການປຸງແຕ່ງ ອາຫານ ຊຶ່ງສາມາດເວົ້າໄດ້ວ່າ ເປັນເຕັກນິກອັນສຳຄັນເຂົ້າໃນອຸດສາຫະກຳທ່ອງທ່ຽວ, ການເປັນຜູ້ປະກອບການ, ການປະກອບ ທຸລະກິດ, ພຶດຕິກຳແຫ່ງຄວາມ ສຳເລັດ, ພື້ນຖານການພັດທະນາ ຕົນເອງ, ເຕັກນິກການບໍລິການຢ່າງປະທັບໃຈ, ຂະບວນການສື່ສານໃນການປະຊາສຳພັນ, ສ້າງ ເຄືອຂ່າຍ ແລະການບໍລິການທົ່ວ ໄປ.

ທ່ານ ນາງ ບຸນນານ ບຸນນະແສງ ຫົວໜ້າພະແນກຖະແຫຼງ ຂ່າວ, ວັດທະນະທຳ ແລະທ່ອງ ທ່ຽວແຂວງອັດຕະປື ກ່າວວ່າ: ການຝຶກອົບຮົມພື້ນຖານແຫ່ງອາ ຊີບ ຊຶ່ງໄດ້ຮັບການສະໜັບສະໜູນຈາກໂຄງການ Swisscontact ນີ້ແມ່ນເພື່ອສ້າງຄວາມເຂັ້ມແຂງໃຫ້ແກ່ນັກທຸລະກິດການທ່ອງທ່ຽວເປັນຕົ້ນໂຮງແຮມ, ເຮືອນພັກ, ຮ້ານອາຫານ ແລະຮ້ານກິນດື່ມ ຊຶ່ງເປັນກິດຈະກຳທີ່ຫຼໍ່ແຫຼມທີ່ສ້າງ ລາຍຮັບໃຫ້ແກ່ຜູ້ປະກອບການ ໄດ້ມີວຽກເຮັດງານທຳຢູ່ໃນສັງຄົມຫຼາຍຂຶ້ນ ແລະດຶງດູດນັກທ່ອງ ທ່ຽວ, ດຶງດູດການຊື້ການຂາຍຢູ່ ພາຍໃນແຂວງໃຫ້ນັບມື້ນັບພັດທະນາຍົກລະດັບຂະຫຍາຍຕົວຂຶ້ນເປັນເທື່ອລະກ້າວໄປ.

--------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์