ແອວຈີເປີດໂຕໂທລະພາບມ້ວນໄດ້

ນສພ ເສດຖະກິດ-ສັງຄົມ

   ໜຶ່ງໃນນະວັດຕະກຳທີ່ໜ້າຕື່ນເຕັ້ນຫຼາຍໃນງານ CES 2019ປະຈຳປີນີ້ຄື LG Signature OLED TVR  ຫຼືໂທລະພາບ OLED ຂະໜາດ 65 ນິ້ວທີ່ໜ້າຈໍຂອງມັນສາມາດມ້ວນເກັບລົງໃນຖານເມື່ອບໍ່ໄດ້ໃຊ້ (ໂດຍໃຊ້ເວລາກາງຈົນ ສຸດປະມາ 10  ນາທີ) ສ້າງຄວາມເກ໋ໄກ໋ໃນຫ້ອງໄດ້ເປັນຢ່າງດີຊຶ່ງໜ້າຈໍຂອງ LG Signature OLED TVR ນັ້ນສາມາດກາງໄດ້ 3 ແບບຄື: -Full View ກາງຈໍເຕັມຮູບແບບສຳລັບເບິ່ງໂທລະພາບຕາມປົກກະຕິຊຶ່ງແນ່ນອນວ່າເປັນໂທລະພາບລະດັບສູງຂອງ LG ກໍຕ້ອງໃຊ້ໜ້າຈໍ OLED 4K HDR ຮ່ວມກັບຊິປປະມວນຜົນ Alpha 9 ທີ່ຊ່ວຍປັບພາບໃຫ້ດີທີ່ສຸດເທົ່າທີ່ LG ຈະເຮັດໄດ້ຕອນນີ້-Live View ທີ່ໜ້າຈໍຫົດລົງເຫຼືອປະມານ ¼ ເພື່ອຈະໃຫ້ມີໜ້າຈໍນ້ອຍໆສຳລັບສັ່ງງານຟັງເພງເບິ່ງໂມງ ຫຼື ຄວບຄຸມ IoT ໃນເຮືອນໄດ້  - Zero View ທີ່ເກັບໜ້າຈໍທັງໝົດລົງໄປໃນຖານແຕ່ກໍຍັງເປີດເພງຟັງໄດ້ຢູ່ຊຶ່ງລຳໂພງຂອງໂທລະພາບ LG ລຸ້ນນີ້ເປັນລະບົບສຽງ 4.2 Channel ໃຫ້ພະລັງ 100W ພ້ອມຮອງຮັບ DolbyAtmos ຊຶ່ງກໍຮອງຮັບການເບິ່ງຮູບເງົາ ແລະການຟັງເພງໄດ້ເປັນຢ່າງດີ.

   LG ກໍເປັນໜຶ່ງໃນຜູ້ຜະລິດທີ່ຮອງຮັບ Apple AirPlay2 ແລ້ວນອກຈາກ Samsung ແລະVizio ທີ່ປະກາດມາກ່ອນໜ້ານີ້ເຮັດໃຫ້ໂທລະພາບຂອງ  LG ຊຸດຫຼ້າສຸດສາມາດຮັບພາບ ແລະສຽງໄຮ້ສາຍຈາກອຸປະກອນຂອງແອັບເປິລໄດ້ເລີຍ ແລະຍັງໃຊ້ງານ Apple Homekit ສັ່ງງານໃນຮູບແບບຂອງ IoT ໄດ້ດ້ວຍແຕ່ຍັງບໍ່ມີຂໍ້ມູນວ່າຮອງຮັບ iTunes Store ໃນໂທລະພາບໂດຍກົງໄດ້ຫຼືບໍ່.

แชร์