ລາວ ພ້ອມສົ່ງນັກກີລາ 370 ຄົນ ຕັ້ງເປົ້າ 2 ຫຼຽນຄຳຊີເກມ ທີ່ຟິລິບປິນ

  ວັນທີ 15 ພະຈິກ ຜ່ານມາ ທີ່ຫ້ອງການຄະນະກຳມະການໂອ ແລມປິກແຫ່ງຊາດລາວຈັດພິທີຖະແຫຼ່ງຂ່າວຄວາມພ້ອມຂອງທັບນັກກີລາເຂົ້າຮ່ວມງານແຂ່ງຂັນມະຫະກຳກີລາຊີເກມຄັ້ງທີ XXX ທີ່ປະເທດຟິລິບປິນ (ຄອລ) ໃຫ້ກຽດເຂົ້າຮ່ວມເປັນປະທານຂອງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະກີລາທັງເປັນຮອງປະທານ ຄອລ, ທ່ານ ສົມພູ ພົງສາ ຮອງປະທານ ແລະເລຂາທິການ ຄອລ, ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ແລະທ່ານ ສີທາດ ຈັນທະບູລີ ຫົວໜ້າກົມກິລາມວນຊົນ ພ້ອມດ້ວຍບັນດາຜູ້ໃຫ້ການສະໜັບ ສະໜູນ, ບັນດາຄະນະນຳ, ຄູຝຶກ ແລະນັກກີລາລາວຕະຫຼອດສື່ມວນ ຊົນເຂົ້າຮ່ວມ.

 ທ່ານ ແສງພອນ ພົນອາມາດ ກ່າວວ່າ:ປີນີ້ໄດ້ເປັນເອກກະພາບກັນແລ້ວກຳນົດຈະສົ່ງຄະນະນຳ, ກຳມະການຕັດສິນ,ຄູຝຶກ ແລະທັບນັກກີລາຈາກ 25 ປະເພດກີລາ ທັງໝົດ 370 ຄົນ ເຂົ້າຮ່ວມແຂ່ງ ຂັນງານກີລາຊີເກມທີ່ຟິລິບປິນ, ໃນນັ້ນສະເພາະໝວດກີລາທີ່ເຄີຍມີ ມູນເຊື້ອໄດ້ຫຼຽນຄຳມາແລ້ວແມ່ນນຳໃຊ້ງົບປະມານຂອງລັດຖະບານ ຈຳນວນ 18 ປະເພດ ກີລາຈາກທັງ ໝົດ 230 ຄົນ ປະກອບມີເປຕັງ, ບິນລຽດ-ສະນຸກເກີ, ວູຊູ, ກະຕໍ້,ປັນຈັກສີລັດ, ລົດຖີບ, ຍິງທະນູ, ຢູໂດ, ມວນສາກົນ, ມວຍລາວ, ມວຍປໍ້າ, ລອຍນໍ້າ, ແລ່ນ-ລານ,ເທຄວັນໂດ, ກາຣາເຕໂດ້, ຍົກນໍ້າໜັກ, ຄິກບ໋ອກຊີງ ແລະພິເສດແມ່ນກີລາຜ່ານສິ່ງກີດຂວາງເປັນກີລາ ຮູບແບບການທະຫານ ຊຶ່ງເຈົ້າພາບ ຮຽກຮ້ອງຂໍຄວາມຮ່ວມມືໃຫ້ເຂົ້າຮ່ວມໂດຍເພີ່ມຄວາມຮັບຜິດຊອບຄ່າເດີນທາງໄປກັບ ແລະທີ່ພັກອາຫານສ່ວນໝວດບັນດາສະຫະພັນ ກີລາແຫ່ງຊາດຮັບຜິດຊອບກຸ້ມຕົນ ເອງທາງດ້ານງົບປະມານມີ 7 ປະເພດກີລາຈາກທັງໝົດຈຳນວນ 140 ຄົນ ມີຄືກ໋ອບ, ຣັກບີ້, ອີສະ ປອດ, ບານເຕະຊາຍ, ເທັນນິດ, ຊ໋ອບເທັນນິດ ແລະໝາກເສີກສະຫະພັນກີລາແຫ່ງຊາດຮັບຜິດຊອບຄ່າໃຊ້ຈ່າຍໄລຍະກະກຽມ ແລະໄລ ຍະເຂົ້າຮ່ວມແຂ່ງຂັນລັດຖະບານ ຊ່ວຍຮັບຜິດຊອບເງິນແຮ່ຖົງບຸກ ຄົນຊຸດວອມ ແລະຊຸດສວນສະໜາມພ້ອມທັງຕັ້ງເປົ້າໝາຍຈະສູ້ ຊົນໃຫ້ ໄດ້ 2 ຫຼຽນຄຳ.

ໃນໂອກາດດຽວກັນ, ທ່ານ ສີ ທາດ ຈັນທະບູລີ ກ່າວວ່າ: ໃນການ ເຂົ້າຮ່ວມງານມະຫາກຳກີລາອາຊຽນພາລາເກມ ຄັ້ງທີ X ທີ່ປະເທດ ຟິລິບປິນ ເປັນເຈົ້າພາບໃນຕົ້ນປີ 2020 ຈະສົ່ງຄະນະນຳ, ຄູຝຶກ ແລະນັກກີລາຈຳນວນ 6 ປະເພດກີລາປະກອບມີ ແລ່ນ-ລານ, ຍົກນໍ້າໜັກ, ລອຍນໍ້າ, ໂກນບານ,ບານ ບ້ວງລໍ້ເລື່ອນ ແລະກີລາລົດຖີບ, ໃນນັ້ນຕັ້ງເປົ້າຈະສູ້ຊົນໃຫ້ໄດ້ 4 ຫຼຽນຄຳ ຈາກ 4 ປະເພດກີລາ ນອກຈາກກີລາບານບ້ວງລໍ້ເລື່ອນ ແລະກີລາລົດຖີບ.

ຫຼັງຈາກນັ້ນ, ກໍໄດ້ມີພິທີມອບ-ຮັບການອຸປະຖຳທັບນັກກີລາລາວ ສຳລັບບໍລິສັດ ເບຍລາວຈຳກັດ ອຸປະຖຳ 121 ລ້ານກີບ, ບໍລິສັດ FBT ຈຳໜ່າຍເຄື່ອງກີລາຄົບວົງ ຈອນສະໜັບສະໜູນ 106 ລ້ານກີບ, ບໍລິສັດບໍລິການຝຶກຊ້ອມກີລາ ຍິງປືນຈຳກັດ ຈຳນວນ 5 ພັນໂດລາສະຫະລັດ ແລະລັດວິສາຫະກິດລາວໂທລະຄົມຈຳນວນ 10 ລ້ານກີບ. ນອກຈາກນີ້, ທັບນັກກີ ລາລາວ ທັງສອງງານດັ່ງກ່າວ ທາງລັດຖະບານແມ່ນໄດ້ກຳນົດໃຫ້ນຳໃຊ້ງົບປະມານຮັບໃຊ້ທັງໝົດ 15 ຕື້ກີບ.

--------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์