ຈັບຊາວາຈິຣິນາງເອກຊີຣີດັງຍີ່ປຸ່ນ ຕ້ອງສົງໄສມີຢາເສບຕິດ

  ບໍລິສັດກະຈາຍສຽງຍີ່ປຸ່ນ (NHK) ລາຍງານໃນວັນທີ 16 ພະຈິກທີ່ຜ່ານມາວ່າ ເອຣິກະ ຊາວາຈິຣິ ນາງເອກລະຄອນໂທລະພາບດັງປີ 2005 ເລື່ອງບັນທຶກນໍ້າຕາ 1 ລິດ (1 Litre of Tears) ຖືກຈັບກຸມຖານຕ້ອງສົງໄສມີຢາເສບຕິດໄວ້ຄອບຄອງ.

ຊາວາຈິຣິ ອາຍຸ 33 ປີ ຖືກຈັບກຸມໃນນະຄອນຫຼວງໂຕກຽວຂອງຍີ່ປຸ່ນ ຖານຕ້ອງສົງໄສຄອບຄອງເອັກຕາຊີ (ຢາອີ) ແຕ່ຍັງບໍ່ມີລາຍ ລະອຽດປານໃດ ຊຶ່ງຊາວາຈິຣິຫາກໍມີຜົນງານລະຄອນໃນໂທລະພາບໃນປີນີ້ເປັນລະຄອນດັດແປງຈາກ ຊິໂຣອິກຽວໂຕນະວະນິຍາຍຊື່ດັງ ປີ 1965 ຂອງໂຕໂຢໂກະຢາມາ ຊາກິ,ຊາວາຈິຣິສ້າງຊື່ສຽງຈາກ ເລື່ອງບັນທຶກນໍ້າຕາ 1 ລິດລະຄອນຊຸດທີ່ບໍ່ພຽງໂດ່ງດັງທົ່ວຍີ່ປຸ່ນ ແຕ່ ຍັງໂດ່ງດັງໄປທົ່ວອາຊີເປັນເລື່ອງ ລາວສະເທືອນໃຈທີ່ສ້າງຂຶ້ນຈາກ ບັນທຶກຂອງເດັກສາວຊາວຍີ່ປຸ່ນ ອາຍຸ 15 ປີ ທີ່ບໍ່ສະບາຍເປັນພະຍາດທີ່ຫາຍາກ ແລະເສຍຊີວິດໃນ ອາຍຸພຽງ 25 ປີ.

 ----------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົ

แชร์