ພະນັກງານບໍລິສັດບົວລະພາ 73 ຄົນ ເຂົ້າເປັນສະມາຊິກກຳມະບານ

  ທ້າຍອາທິດຜ່ານມາສະຫະພັນກຳມະບານ ນະຄອນຫຼວງຽງຈັນ ໄດ້ມອບບັດຮັບພະນັກງານຂອງບໍລິສັດບົວລະພາກະສິກຳ-ປ່າໄມ້ ຈຳກັດ ຈຳນວນ 73 ຄົນເຂົ້າເປັນສະມາຊິກ ໂດຍເຂົ້າຮ່ວມຂອງທ່ານ ອຸດົມ ສີລາເພັດ ຮອງປະທານສະຫະພັນກຳມະບານນະຄອນຫຼວງວຽງຈັນ, ທ່ານນາງ ພູວຽງ ທຳມະວົງ ປະທານສະຫະພັນກຳ ມະບານເມືອງ ໄຊທານີ, ທ່ານ ຮັກກັນອິຣິກແຊນ ຜູ້ອຳນວຍການບໍລິສັດບົວລະພາກະສິ ກຳ-ປ່າໄມ້ ຈຳກັດ ພ້ອມນີ້ກໍມີຄະນະອຳນວຍການຕະຫຼອດຮອດພະນັກງານຂອງບໍລິສັດເຂົ້າຮ່ວມ.

ໃນພິທີມອບ-ຮັບບັດສະມາຊິກກຳມະບານດັ່ງກ່າວກໍໄດ້ມີການເຜີຍແຜ່ສິດ ແລະໜ້າທີ່ຂອງກຳມະບານຮາກຖານໂດຍລວມມີທັງໝົດ 10 ຂໍ້ທີ່ສະມາຊິກໃໝ່ໃນຫົວໜ່ວຍແຮງງານຈະຕ້ອງໄດ້ເອົາໃຈໃສ່ໃນການຈັດຕັ້ງປະບັດຕິດພັນກັບວຽກງານວິຊາສະເພາະພາຍໃນບໍລິສັດຈາກນັ້ນກໍໄດ້ຮັບການໂອ້ລົມຈາກທ່ານຮອງປະທານສະຫະພັນກຳ ມະບານນະຄອນຫຼວງວຽງຈັນຕື່ມອີກ.

ສະໜັບສະໜຸນໂດຍ: HONDA

 ສຳລັບບໍລິສັດບົວລະພາກະສິກຳ-ປ່າ ໄມ້ຈຳກັດໄດ້ດຳເນີນກິດຈະການປູກໄມ້ວິກມາແຕ່ປີ 1989 ແລະໄດ້ຮັບໃບອະນຸຍາດລົງທຶນປີ 1993 ເປັນຕົ້ນມາໂດຍການລົງທຶນຮ່ວມກັນລະຫວ່າງນັກທຸລະກິດລາວ ແລະ ສະວິເດັນ ປີ 1999 ໄດ້ຮັບອະນຸຍາດສ້າງຕັ້ງໂຮງງານປຸງແຕ່ງໄມ້ຄົບວົງຈອນຢູ່ບ້ານແສນອຸດົມໄດ້ປຸງແຕ່ງຜະລິດຕະພັນສຳເລັດຮູບຫຼາຍລາຍການຕາມການສັ່ງຊື້ຂອງລູກຄ້າຈາກໄມ້ວິກ, ໄມ້ກະຖິນ ແລະໄມ້ສັກເພື່ອສົ່ງອອກຫຼາຍກວ່າ 20 ປະເທດໃນທົ່ວໂລກ ແລະ ປະຈຸບັນບໍລິສັດກໍກຳລັງດຳເນີນການກໍ່ສ້າງໂຮງງານໄມ້ອັດທີ່ບ້ານໂພນ ສູງ-ຄອນພຸກ ເມືອງຫີນເຫີບແຂວງວຽງຈັນ ແລະຄາດວ່າຈະໃຫ້ເລັດໄດ້ທົດລອງຜະລິດໄມ້ອັດຈາກໄມ້ປູກລະຫວ່າງທ້າຍປີໜ້າ ແລະຈະໃຫ້ໄດ້ເດີນເຄື່ອງຢ່າງເຕັມຮູບແບບພາຍໃນປີ 2021.

------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

 

แชร์