ຖໍ້າອ່າງຫຼວງ ສວຍສົດງົດງາມ ທີ່ໜ້າທ່ຽວຊົມ

  ປະຈຸບັນເຫັນໄດ້ວ່າຂະແໜງ ການທ່ອງທ່ຽວຢູ່ ສປປ ລາວ ໄດ້ ຮັບການປັບປຸງ ແລະພັດທະນາເປັນກ້າວໆມາຢ່າງຕໍ່ເນື່ອງ ໂດຍເນັ້ນໃສ່ການພັດທະນາກາທ່ອງທ່ຽວ ແບບອະນຸລັກ,ໄດ້ຮັບການປັບປຸງ ແລະເສີມຂະຫຍາຍຢ່າງກວ້າງ ຂວາງ, ການພັດທະນາໂຄງລ່າງ ພື້ນຖານ ແລະສິ່ງອຳນວຍຄວາມສະດວກດ້ານການທ່ອງທ່ຽວໄດ້ຮັບການເອົາໃຈໃສ່ຊຸກຍູ້ປັບປຸງໃຫ້ໄດ້ມາດຕະຖານດີຂຶ້ນ; ພາກສ່ວນທຸລະກິດໄດ້ເພີ່ມການລົງທຶນໃສ່ສິ່ງອຳນວຍຄວາມສະດວກເພື່ອຮອງຮັບນັກທ່ອງທ່ຽວທັງພາຍໃນ ແລະຕ່າງປະເທດເປັນຕົ້ນສະຖານທີ່ພັກແຮມ, ຮ້ານອາຫານ, ການບໍລິການຂົນສົ່ງ, ການຜະລິດ ແລະຂາຍເຄື່ອງຫັດຖະກຳ, ທຸລະກິດການບໍລິການນຳທ່ຽວ ແລະ ອື່ນໆ.

ຖໍ້າອ່າງຫຼວງເປັນອີກໜຶ່ງແຫຼ່ງທ່ອງທ່ຽວທາງວັດທະນາທຳທີ່ຕິດພັນກັບທຳມະຊາດອັນສວຍສົດງົດງາມທີ່ໜ້າທ່ຽວຊົມຖໍ້າດັ່ງກ່າວນອກຈາກຈະເປັນສະຖານທີ່ທ່ອງ ທ່ຽວທາງດ້ານວັດທະນະທຳແລ້ວ ຍັງເປັນສະຖານທີທ່ອງທ່ຽວທາງທຳມະຊາດນຳອີກເນື່ອງຈາກວ່າຖໍ້າເຕັມໄປດ້ວຍທໍາມະຊາດປ່າໄມ້ທີ່ຂຽວສົດງົດງາມອາກາດເຢັນ ສົດຊືມບວກກັບສັດນ້ອຍໃຫຍ່ສົ່ງ ສຽງດັງກ້ອງລະງົມທີ່ຟັງແລ້ວໜ້າຫຼົງໄຫຼມ່ວນຊືນໄປກັບມັນເຮັດໃຫ້ ລືມຄວາມອິດເມື່ອຍຈາກການເດີນທາງ, ນອກນັ້ນຖໍ້າດັ່ງກ່າວຍັງມີອ່າງລອຍນໍ້າແບບທຳມະຊາດທີ່ສວຍງາມເຮັດໃຫ້ນັກທ່ອງທ່ຽວ ຮູ້ສຶກປະທັບໃຈໃນເວລາໄປພັກຜ່ອນຖໍ້າອ່າງຫຼວງຕັ້ງຢູ່ບ້ານນາມ່ວງ ຫ່າງຈາກຕົວເມືອງວັງວຽງ ປະມານ 13 ກິໂລແມັດ.

ສະໜັບສະໜຸນໂດຍ: HONDA

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົ

• 19/11/2019