ອີທີແອລ ນຳສະເໜີເຄື່ອງໝາຍການຄ້າ, ເຄືອຂ່າຍ ແລະບໍລິການໃໝ່

 ວັນທີ 15 ພະຈິກ 2019, ທີ່ໂຮງແຮມແລນມາກ ນະຄອນຫຼວງວຽງຈັນ, ບໍລິສັດ ອີທີແອລ ຈຳກັດ, ໄດ້ຈັດງານນຳ ສະເໜີເຄື່ອງໝາຍການຄ້າໃໝ່, ເຄືອຂ່າຍໃໝ່, ບໍລິການໃໝ່ ແລະ ພິທີເປີດໃຫ້ບໍລິການ 4,5G ຢ່າງເປັນທາງການໂດຍເປັນກຽດເຂົ້າຮ່ວມມີທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີຄົມມະນາຄົມ ແລະ ການສື່ສານ, ຊຶ່ງພາຍໃຕ້ການເປັນປະທານຂອງທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງໄປສະນີຄົມມະນາຄົມ ແລະການສື່ສານ, ພ້ອມນີ້ກໍມີທ່ານ ຮວງ ສູຢຸນ ຜູ້ອຳນວຍການໃຫຍ່ບໍລິສັດອີທີແອລ ຈໍາກັດ ພ້ອມດ້ວຍຄະນະ ແລະແຂກຖືກເຊີນຈາກພາກລັດແລະເອກະຊົນ, ຕາງໜ້າສື່ມວນຊົນ, ລູກຄ້າ ແລະ ຮ້ານຕົວແທນຈຳໜ່າຍຂອງອີທີແອລເຂົ້າຮ່ວມຢ່າງພ້ອມພຽງ.​  

ສະໜັບສະໜຸນໂດຍ: HONDA 

  ປະຈຸບັນເຮົາຈະເຫັນວ່າການສື່ສານແບບໄຮ້ສາຍໄດ້ຖືກພັດທະນາໄປຢ່າງໄວວາ ແລະ ເຮັດໄດ້ຫຼາຍຢ່າງຂື້ນໄປເລື້ອຍໆ, ໃນນາມບໍລິສັດ ອີທີແອລ ຈຳກັດ  ທີ່ເປັນໜຶ່ງໃນຜູ້ໃຫ້ບໍລິການດ້ານການສື່ສານໂທລະຄົມມະນາຄົມໃນລາວກໍບໍ່ໄດ້ລົດລະໃນການພັດທະນາຕົນເອງເພື່ອນໍາເອົາເຕັກໂນໂລຊີໃໝ່ໆ ທີ່ທັນສະໄໝ ແລະ ກ້າວໜ້າມາໃຫ້ບໍລິ ການແກ່ສັງຄົມລາວຕະຫຼອດມາ ແລະ ການເປີດນຳໃຊ້ 4,5G ໃນຄັ້ງນີ້ຖືເປັນຂີດໝາຍອັນສໍາຄັນຂອງວຽກງານການສື່ສານໂທລະຄົມມະນາຄົມຂອງລາວເວົ້າສະເພາະກໍຄືອີທີແອລ ແລະຜູ້ຊົມໃຊ້ໃນລາວຈະໄດ້ສໍາພັດກັບເຕັກໂນໂລຊີທີ່ໄຮ້ສາຍ ແລະສາມາດຕິດ ຕໍ່ກັນແບບບໍ່ມີຂີດຈຳກັດພ້ອມນີ້ທາງບໍລິສັດຍັງໄດ້ມີການພັດທະນາ, ຜະລິດ ຕະພັນໃໝ່, ເຄືອຂ່າຍໃໝ່ ແລະບໍລິການໃໝ່ທີ່ສາມາດຕອບໂຈດຂອງຜູ້ຊົມໃຊ້ທາງໂທລະຄົມມະນາຄົມໄດ້ຢ່າງດີ ແລະແນ່ນອນວ່າອີທີແອລຈະບໍ່ຢຸດຢັ້ງໃນການພັດທະນາທາງດ້ານການສື່ສານເພື່ອຕອບສະໜອງການຊົມໃຊ້ທີ່ປ່ຽນແປງໄປເລື່ອຍໆ ແລະກ້າວໄປສູ່ຍຸກຂອງ 5G ໃນອະນາຄົດອັນໃກ້ໆນີ້.  

 

  ປະຈຸບັນ ອີທີແອລ ໄດ້ເປີດໃຫ້ບໍລິການ 4,5G ແລ້ວຈໍານວນ 1336 ຈຸດ ທົ່ວປະເທດ, ນອກຈາກນີ້ຍັງມີແຜນທີ່ຈະສືບຕໍ່ຂະຫຍາຍພື້ນທີ່ໃຫ້ບໍລິການ 4,5G ຕື່ມ ອີກເພື່ອຕອບສະໜອງຄວາມຮຽກຮ້ອງຕ້ອງການຂອງລູກຄ້າທີ່ເພີ່ມຫຼາຍຂຶ້ນ.    

__________

ຂຽນໂດຍ: ອີທີແອລ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์