ອາຊຽນສ້າງຄວາມເຂັ້ມແຂງໃຫເດັກນ້ອຍດ້ອຍໂອກາດ

ກອງປະຊຸມປຶກສາຫາລືລະຫວ່າງລັດຖະບານ ແລະອົງການຈັດຕັ້ງບໍ່ສັງກັດລັດຖະບານໃນວຽກງານສະຫວັດດີການສັງຄົມ ແລະການພັດທະນາອາຊຽນຄັ້ງທີ 14 (14th ASEAN GO-NGO) ພາຍໃຕ້ຫົວຂໍ້ “ສ້າງຄວາມເຂັ້ມແຂງປົກປ້ອງສັງຄົມສຳລັບເດັກດ້ອຍໂອກາດໃນອາຊຽນ” ຈັດຂຶ້ນໃນວັນທີ 18 ພະຈິກ 2019, ໂດຍເປັນປະທານຮ່ວມຂອງທ່ານ ວົງຄຳ ພັນທານຸວົງ ຮອງຫົວໜ້າກົມສັງຄົມສົງເຄາະ, ກະຊວງແຮງງານ ແລະສະຫວັດດີການສັງຄົມທັງເປັນຕາງໜ້າເຈົ້າໜ້າທີ່ອາ ວຸໂສ

  ຝ່າຍລາວ ແລະທ່ານນາງ ນິນປະເສີດ ໄຊຍະພອນສີ ຫົວໜ້າກົມພັດທະນາແມ່ຍິງລາວສູນກາງສະຫະພັນແມ່ຍິງລາວຕາງໜ້າອົງການຈັດຕັ້ງທີ່ບໍ່ສັງກັດລັດຖະບານ, ພ້ອມດ້ວຍບັນດາຜູ້ຕາງໜ້າຈາກພາກລັດ ແລະອົງການຈັດຕັ້ງທີ່ບໍ່ສັງກັດລັດຖະບານເຂົ້າຮ່ວມ.

ສະໜັບສະໜຸນໂດຍ: HONDA

 ທ່ານ ວົງຄຳ ພັນທານຸວົງ ກ່າວວ່າ: ເພື່ອເປັນການກະກຽມເນື້ອໃນສະເໜີຕໍ່ກອງປະຊຸມເຈົ້າໜ້າທີ່ອາວຸໂສສ້າງຄວາມເຂັ້ມແຂງວຽກງານປົກປ້ອງທາງສັງຄົມສຳລັບເດັກດ້ອຍໂອກາດໃນອາຊຽນກໍຄືກອງປະຊຸມລັດຖະມົນຕີສະຫວັດດີການສັງຄົມ ແລະການພັດທະນາອາຊຽນຄັ້ງທີ 10 ທີ່ ສປປ ລາວ ເປັນເຈົ້າພາບຈຶ່ງໄດ້ຈັດກອງປະຊຸມດັ່ງກ່າວຂຶ້ນເພື່ອ ພ້ອມກັນປຶກສາຫາລື ປະກອບຄຳຄິດຄຳ ເຫັນ ໂດຍສະເພາະວຽກງານປົກປ້ອງ ທາງສັງຄົມສຳລັບເດັກດ້ອຍໂອກາດເພື່ອຮ່ວມກັນສືບຕໍ່ປັບປຸງໃຫ້ມີຄວາມ ເຂັ້ມແຂງພ້ອມທັງຮ່ວມກັນສ້າງຄຳຂວັນສຳລັບເດັກດ້ອຍໂອກາດໃນອາຊຽນ, ສະເພາະ ສປປ ລາວປະຈຸບັນກຳລັງຮ່າງແຜນຍຸດທະສາດວ່າດ້ວຍການປົກປ້ອງທາງສັງຄົມໂດຍກຳນົດເອົາເດັກຜູ້ດ້ອຍໂອກາດເຂົ້າເປັນບູລິມະສິດໜຶ່ງໃນແຜນດັ່ງກ່າວ.

 ທ່ານ ນາງ ນິນປະເສີດ ໄຊຍະພອນສີ ກ່າວວ່າ: ກອງປະຊຸມໃນຄັ້ງນີ້ແມ່ນມີຄວາມໝາຍສຳຄັນທີ່ໄດ້ຮ່ວມກັນເອົາໃຈໃສ່ປົກປ້ອງເດັກຜູ້ດ້ອຍໂອກາດໂດຍເນັ້ນໃສ່ສົນທິ ສັນຍາສາກົນວ່າດ້ວຍສິດທິເດັກ “ໂດຍບໍ່ປະໃຫ້ຜູ້ໃດຢູ່ດ້ານຫຼັງ” ເດັກທຸກຄົນມີສິດໄດ້ຮັບການພັດທະນາໃນ ສປປ ລາວ ໄດ້ຮ່ວມກັນສະເຫຼີມສະຫຼອງ 30 ປີ ສົນທິສັນ ຍາວ່າດ້ວຍສິດທິເດັກ.

 ສຳລັບກອງປະຊຸມໃນຄັ້ງນີ້ ສປປ ລາວ ຈະໄດ້ຮັບຜົນປະໂຫຍດຫຼາຍດ້ານໂດຍສະເພາະໄດ້ເພື່ອນຮ່ວມງານທີ່ດີ, ໂຄສະນາແນວທາງນະໂຍບາຍຂອງພັກ-ລັດ ຕໍ່ພາກພື້ນ ແລະສາກົນ, ທຸກພາກສ່ວນຫັນມາມີສ່ວນຮ່ວມໃນການເບິ່ງແຍງເດັກດ້ອຍໂອກາດເພື່ອໃຫ້ເດັກທຸກຄົນໄດ້ເຂົ້າສູ່ການພັດທະນາໃນຂົງເຂດອາຊຽນໃຫ້ມີຄວາມຍືນຍົງພ້ອ ມກັນຫຼຸດຜ່ອນສິ່ງທີ່ເປັນຊ່ອງວ່າງວຽກງານປົກປ້ອງທາງສັງຄົມສຳລັບເດັກດ້ອຍໂອກາດໃນອາຊຽນ.

__________

ຂຽນໂດຍ: ກິ່ງລັດຕະນະ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์