ດ່ານນໍ້າໂສຍລາຍຮັບເພີ່ມຂື້ນ 10 ເດືອນເກັບໄດ້ກາຍແຜນປີເກືອບ 30%

  ການຈັດຕັ້ງປະຕິບັດວຽກງານຈັດເກັບລາຍຮັບເຂົ້າງົບປະມານແຫ່ງລັດຂອງດ່ານພາສີສາກົນນໍ້າໂສຍ ທີ່ຕັ້ງຢູ່ເມືອງວຽງໄຊ ແຂວງຫົວພັນ, ໃນ 10 ເດືອນປີ 2019 ສາມາດປະຕິບັດລາຍຮັບໄດ້ 28,32 ຕື້ກີບ ເທົ່າກັບ 128,17% ຂອງແຜນການປີຫຼື ລື່ນແຜນການປີແລ້ວ 28,17% ຄິດເປັນເງິນລື່ນແຜນການປີ 6,22 ຕື້ກີບ.

 ທ່ານ ລຳພອນ ວິລໍວົງ ຮອງຫົວໜ້າດ່ານພາສີສາກົນນໍ້າໂສຍໃຫ້ສຳພາດວ່າ: ດ່ານພາສີສາກົນນໍ້າໂສຍມີຄະນະ 3 ສະຫາຍ, ມີພະນັກງານ-ເຈົ້າໜ້າພາສີທັງໝົດ 18 ສະຫາຍ,ປະກອບມີ 5 ຈຸງານ, ມີ 3 ດ່ານພາສີທ້ອງຖິ່ນຂຶ້ນກັບ, ຕັ້ງຢູ່ຫ່າງຈາກເມືອງຊໍາເໜືອ ແຂວງຫົວພັນປະມານ 82 ກິໂລແມັດ, ຜ່ານການຈັດຕັ້ງປະຕິບັດເກັບລາຍຮັບເຂົ້າງົບປະມານແຫ່ງລັດມີທັງເງື່ອນໄຂຂໍ້ສະດວກ ແລະ ສິ່ງທ້າທ້າຍເປັນຕົ້ນ: ເສັ້ນທາງໄປມາເຮັດໃຫການຂົນສົ່ງສິນຄ້າມີຄວາມຫຍຸ້ງຍາກ, ແຂວງຫົວພັນເປັນແຂວງທີ່ມີດ່ານທ້ອງຖິ່ນ ແລະ ດ່ານປະເພນີຫຼາຍການສົ່ງອອກ-ນໍ້າເຂົ້າສິນຄ້າ, ເຄື່ອງຂອງບາງດ່ານປະເພນີເພີ່ມຂຶ້ນ, ການຄຸ້ມຄອງ, ການເກັບລາຍຮັບຍັງບໍ່ທັນເຂັ້ມງວດ ແລະບໍ່ທັນຖືກຕ້ອງຕາມລະບຽບຫຼັກການ.

ສະໜັບສະໜຸນໂດຍ: HONDA

  ເຖິງຢ່າງໃດກໍຕາມຍ້ອນພະນັກງານ-ເຈົ້່າໜ້າທີ່ພາສີມີແນວຄິດອຸ່ນອຽນທຸ່ນທ່ຽງ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິບັດ, ມີສະຕິຕໍ່ການຈັດ ຕັ້ງ, ມີລະບຽບວິໄນ, ເຊື່ອໝັ້ນ ຕໍ່ການນຳພາຂອງພັກ, ມີຄວາມສາມັກ ຄີ, ຫ້າວຫັນຕໍ່ການຈັດຕັ້ງປະຕິບັດໜ້າທີ່ ວຽກງານຄວາມດ້ວຍຮັບຜິດຊອບສູງ. ຄຽງຄູ່ກັນນີ້, ການໂຄສະນາເຜີຍແຜ່ລະບຽບກົດໝາຍພາສີ, ລະບຽບການອື່ນໆ ທີ່ກ່ຽວຂ້ອງ, ການບໍລິການພາຍໃນດ່ານວ່ອງໄວ, ໂປ່ງໃສ, ບົນພື້ນຖານຖືກຕ້ອງຕາມລະບຽບກົດ ໝາຍ, ປະສານສົມທົບ ແລກປ່ຽນບົດຮຽນຊຶ່ງກັນ ແລະກັນກັບດ່ານພາສີສາກົນກັບ ສສ ຫວຽດນາມ ແລະອື່ນໆ.

  ຊຶ່ງມັນສະແດງອອກໃນປີ 2019 ດ່ານພາສີສາກົນນໍ້າໂສຍໄດ້ຮັບຕົວເລກແຜນການທັງໝົດຈໍານວນ 22,10 ຕື້ກີບ ລວມທັງດ່ານພາສີທ້ອງຖິ່ນ, ຜ່ານການຈັດຕັ້ງປະຕິບັດໃນ 10 ເດືອນປີ 2019 ສາມາດປະຕິບັດລາຍຮັບໄດ້ 28,32 ຕື້ກີບເທົ່າກັບ128,17% ຂອງແຜນການປີ, ລື່ນແຜນການປີແລ້ວ 28,17% ຄິດເປັນເງິນລື່ນແຜນການປີ 6,22 ຕື້ກີບ, ຖ້າທຽບໃສ່ໄລຍະດຽວກັນຂອງປີຜ່ານມາແມ່ນເພີ່ມຂຶ້ນ 54,24%.

  ໃນນັ້ນ, ສະເພາະດ່ານພາສີສາກົນນ້ຳໂສຍໄດ້ຮັບຕົວເລກແຜນການປີ 19,8 ຕື້ກີບ, ຜ່ານການຈັດຕັ້ງປະຕິບັດໃນ 10 ເດືອນປີ 2019 ສາມາດປະຕິບັດລາຍຮັບໄດ້ 25,6  ຕື້ກີບ ເທົ່າກັບ 129,42% ຂອງແຜນການປີ, ລື່ນແຜນການປີແລ້ວ 29,42% ຄິດເປັນເງິນລື່ນແຜນການປີ 5,8 ຕື້ກີບ, ຖ້າທຽບໃສ່ໄລຍະດຽວກັນ ຂອງປີຜ່ານມາແມ່ນເພີ່ມຂຶ້ນ 189,49% ຊຶ່ງລາຍຮັບສ່ວນໃຫຍ່ໄດ້ມາຈາກຄ່າຊັກພິເສດ, ນໍ້າມັນເຊື້ອໄຟ, ພາຫະນະ, ສິ້ນສ່ວນອາໄຫຼ່, ເຄື່ອງກໍ່ສ້າງ, ເຄື່ອງໃຊ້ ໄຟຟ້າ, ເຄື່ອງອຸປະໂພກ-ບໍລິໂພກ, ຄ່າທຳນຽມພາຫະນະເຂົ້າ-ອອກ, ຄ່າທຳນຽມຄົນເຂົ້າ-ອອກ, ຄ່າປັບໃໝ ແລະຄັງແຮນໍ້າມັນເຊື້ອໄຟ.

  ແນວໃດກໍຕາມເຖິງແມ່ນວ່າການປະຕິບັດລາຍຮັບບັນລຸຕາມແຜນການປີ, ແຕ່ໃນ 2 ເດືອນທ້າຍປີ 2019 ຄະນະດ່ານໄດ້ວາງຄາດໝາຍສູ້ຊົນເກັບລາຍຮັບເຂົ້າງົບປະ ມານໃຫ້ໄດ້ທັງໝົດ 30 ຕື້ກີບ ທຽບໃສ່ແຜນການປີເທົ່າກັບ 137% ຄິດເປັນເງິນລື່ນແຜນການປະມານ 7-8 ຕື້ກີບ.ນອກນີ້, ເພີ່ມຄວາມເຂັ້ມງວດເອົາໃຈໃສ່ໃນການກວດກາ, ເລັ່ງໃສ່ສະກັດກັ້ນການລັກລອບສິນຄ້າໜີພາສີຕາມດ່ານຊາຍແດນ, ຊຸກຍູ້, ຕິດຕາມ, ຄຸ້ມຄອງການສົ່ງອອກນຳເຂົ້າສິນຄ້າ, ເຄື່ອງຂອງຜ່ານດ່ານຊາຍແດນ ແລະຫັນວຽກງານພາສີເປັນທັນສະໄໝໂດຍນໍາໃຊ້ລະບົບຄຸ້ມຄອງແຜນຫັກລົບເຂົ້າຊ່ວຍໃນການຈັດຕັ້ງປະຕິບັດວຽກງານເພື່ອໃຫ້ມີຄວາມສະດວກ, ວ່ອງໄວ,ທັນສະໄໝ, ໂປ່ງໃສ ແລະສາມາດກວດສອບໄດ້.

__________

ຂຽນໂດຍ: ກະຊວງການເງິນ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์