9 ເດືອນ ຄຳມ່ວນສົ່ງອອກສິນຄ້າລວມມູນຄ່າ 1,8 ພັນຕື້ກີບ

 ຕາມການລາຍງານຂອງທ່ານ ທອງໄຊ ມັງໜໍ່ເມກ ຫົວໜ້າພະແນກອຸດສາຫະກຳ ແລະການຄ້າປະຈຳແຂວງຄຳມ່ວນໃນກອງປະຊຸມຄົບຄະນະບໍລິຫານງານພັກແຂວງຄັ້ງທີ 15 ສະໄໝ ທີ IX ທີ່ຈັດຂຶ້ນໃນລະຫວ່າງວັນ ທີ 11-15 ພະຈິກ 2019 ນີ້ວ່າ: ໃນໄລຍະ 9 ເດືອນຜ່ານມາແຂວງຄຳມ່ວນມີໂຮງງານອຸດສາຫະກຳປຸງແຕ່ງທີ່ເກີດຂຶ້ນໃໝ່ 9 ແຫ່ງ, ໃນປະຈຸບັນທົ່ວແຂວງແມ່ນມີໂຮງງານອຸດສາຫະກຳທັງໝົດ 207 ແຫ່ງ, ໃນນັ້ນໂຮງງານຂະໜາດໃຫຍ່ 67 ແຫ່ງ, ໂຮງງານຂະໜາດກາງ

ພາບຂ່າວ:

58 ແຫ່ງ ແລະ ຂະໜາດນ້ອຍ 82 ແຫ່ງ, ມີຫົວໜ່ວຍວິສາຫະກິດທັງໝົດ 6.029 ຫົວ ໜ່ວຍ, ມີທຶນຈົດທະບຽນ 5.022 ຕື້ກີບແລະ 331,87 ລ້ານໂດລາ, ມີໂຮງງານປຸງແຕ່ງໄມ້ ແລະ ເຟີນີເຈີໄມ້ 64 ແຫ່ງ ໃນນີ້ໂຮງງານປຸງແຕ່ງໄມ້ສຳເລັດຮູບ 37 ແຫ່ງ, ເຟີນີເຈີ 27 ແຫ່ງ ແລະຢູ່ໃນຂັ້ນຕອນການລາຍງານຂັ້ນເທິງເພື່ອຍຸບເລີກໂຮງງານທີ່ກະທຳຜິດ ແລະ ຂັດຕໍ່ຄຳສັ່ງເລກທີ 15/ນຍອີກ 5 ແຫ່ງ.

ສະໜັບສະໜຸນໂດຍ: HONDA

 ສຳລັບມູນຄ່າການສົ່ງອອກສິນຄ້າໃນ 9 ເດືອນປີ 2019 ປະຕິບັດໄດ້ 206,93 ລ້ານໂດລາ ຫຼືປະມານ 1.820 ຕື້ກີບ ທຽບໃສ່ແຜນການໝົດປີປະຕິບັດໄດ້ 63%  ແລະ ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 11,46%  ຊຶ່ງສິນຄ້າທີ່ສົ່ງອອກສ່ວນໃຫຍ່ແມ່ນປະເພດສິນຄ້າອຸດສາຫະກຳ (ແຮ່ທາດ), ສິນຄ້າກະສິກຳ, ໄມ້ ແລະ ຜະລິດຕະພັນໄມ້, ມູນຄ່າການນຳເຂົ້າສິນຄ້າປະຕິບັດໄດ້ 155,39 ລ້ານໂດລາ ທຽບໃສ່ແຜນການປະຕິບບັດໄດ້ 93% ແລະທຽບໃສ່ໄລຍະດຽວກັນຂອງປີຜ່ານ

ພາບຂ່າວ:

ມາເພີ່ມຂຶ້ນ 74,80%, ສິນຄ້າທີ່ນຳເຂົ້າສ່ວນໃຫຍ່ແມ່ນນໍ້າມັນເຊື້ອໄຟ, ວັດສະດຸກໍ່ສ້າງ, ເຄື່ອງໃຊ້ສອຍປະຈຳວັນ ແລະ ອື່ນໆ,  ມູນຄ່າສິນຄ້າຜ່ານແດນປະຕິ ບັດໄດ້ 484,94 ລ້ານໂດລາ ທຽບໃສ່ປີຜ່ານມາຫຼຸດລົງ 10,60%, ມູນຄ່າຈຳໜ່າຍຜະລິດຕະພັນອຸດສາຫະກຳ 1.164 ຕື້ກີບ ເພີ່ມຂຶ້ນ 61,77% ແລະ ມູນຄ່າການຈໍ ລະຈອນສິນຄ້າຂາຍຍົກ-ຂາຍຍ່ອຍ 586 ຕື້ກີບ ເພີ່ມຂຶ້ນ 44,47% ຊຶ່ງສ່ວນໃຫຍ່ແມ່ນນໍ້າມັນເຊື້ອໄຟ, ເຄື່ອງກໍ່ສ້າງ ແລະສິນຄ້າປະເພດສະບຽງອາຫານ.

ພາບຂ່າວ:

__________

ຂຽນໂດຍ: ກອງຄຳ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์