ທະນາຄານຮ່ວມພັດທະນາລາວ ສະໜອງທຶນໂຄງການສ້າງທາງດ່ວນ ບຶງທາດຫຼວງ-ດົງໝາກຄາຍ

ວັນທີ 13 ພະຈິກ 2019 ທີ່ສໍານັກງານໃຫຍ່ທະນາຄານຮ່ວມພັດທະນາ ນະຄອນຫຼວງວຽງຈັນ ໄດ້ມີພິທີເຊັນສັນຍາວ່າດ້ວຍການສະໜັບສະໜູນທຶນໃຫ້ແກ່ໂຄງການກໍ່ສ້າງທາງດ່ວນວຽງ ຈັນ ໝາຍເລກ I ແຕ່ບຶງທາດຫຼວງ-ດົງ ໝາກຄາຍລະຫວ່າງທະນາຄານຮ່ວມ ພັດທະນາ ແລະກຸ່ມບໍລິສັດ AIF ເປັນກຽດ ເຂົ້າຮ່ວມໂດຍທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ, ມີທ່ານ ສູນທອນ ຈັນທະວົງ ຮອງປະທານສະພາບໍລິຫານ, ທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດ ທະນາ, ຝ່າຍກຸ່ມບໍລິສັດ AIF ມີທ່ານ ລິດທິກອນ ພູມມະສັກ ປະທານສະພາບໍລິ ຫານກຸ່ມບໍລິສັດ AIF, ທ່ານ ພຶດສະພາ ພູມມະສັກ ຮອງປະທານກຸ່ມບໍລິສັດ AIF ທັງເປັນປະທານບໍລິສັດທາງດ່ວນວຽງຈັນ ໝາຍເລກ 1, ທ່ານ ສົມບູນ ມະໂນລົມ ຮອງປະທານກຸ່ມບໍລິສັດ AIF, ມີທ່ານ ລີມ ໄວຮຸງ ຜູ້ອໍານວຍການໃຫຍ່ທະນາຄານ BIC  ( Mr.Lim WAIHOUNG CEO ທະນາຄານ BIC) ພ້ອມດ້ວຍຄະນະຜູ້ບໍລິຫານລະດັບສູງຕະຫຼອດພະນັກງານວິຊາການທີ່ກ່ຽວຂ້ອງທັງສອງຝ່າຍກໍ່ໄດ້ເຂົ້າຮ່ວມເປັນສັກຂີພິຍານ.

ສະໜັບສະໜຸນໂດຍ: HONDA

  ໃນພິທີທັງສອງຝ່າຍໄດ້ເຫັນດີເປັນເອກະພາບກັນລົງນາມວ່າດ້ວຍການສະໜັບສະໜູນທຶນໃຫ້ແກ່ໂຄງການກໍ່ສ້າງທາງດ່ວນໝາຍເລກ 1 (ແຕ່ບຶງທາດຫຼວງ ຫາ ດົງໝາກຄາຍ) ຊຶ່ງລົງນາມໂດຍ ທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດທະນາ ແລະ ທ່ານ ພຶດສະພາ ພູມມະສັກ ຮອງປະທານກຸ່ມບໍລິສັດ AIF ທັງເປັນປະທານບໍລິ ສັດທາງດ່ວນວຽງຈັນໝາຍເລກ 1.  ເພື່ອຕອບສະໜອງຕາມແຜນພັດທະນາ ຂອງລັດຖະບານລາວໂດຍສະເພາະເສັ້ນທາງນະຄອນຫຼວງ ຊຶ່ງເປັນການພັດທະ ນາກໍ່ສ້າງພື້ນຖານໂຄງລ່າງທີ່ສໍາຄັນ ຂອງນະຄອນຫຼວງວຽງຈັນ ແລະເປັນ ການປະກອບສ່ວນເຂົ້າໃນໃນວຽກງານ ພັດທະນາດ້ານເສດຖະກິດ-ສັງຄົມຂອງ ຊາດ, ເພື່ອຍົກສູງປະສິດທິພາບການຂົນສົ່ງໃນຕົວເມືອງໃຫ້ດີຂຶ້ນເພື່ອຫຼຸດຜ່ອນຄວາມແອອັດຂອງຖະໜົນເຮັດໃຫ້ການສັນຈອນໃນຕົວເມືອງໃຫ້ມີຄວາມສະດວກສະບາຍວ່ອງໄວກວ່າເກົ່າພ້ອມກັນນັ້ນກໍ່ເປັນການຊຸກຍູ້ ແລະ ສົ່ງເສີມການພັດທະນາເສັ້ນທາງກໍຄືດ້ານວັດທະນາທໍາ, ການທ່ອງທ່ຽວ ແລະວຽກງານຂະແໜງການອືື່ນໆ ເພື່ອສ້າງວຽກເຮັດງານທໍາໃຫ້ແກ່ປະຊາຊົນເພີ່ມຂຶ້ນ, ເສັ້ນທາງດ່ວນຈະເລີ່ມຈາກບຶງທາດຫຼວງຫາດົງໝາກຄາຍຊຶ່ງມີໄລຍະທາງ 13,30 ກິໂລແມັດ ແລະ ການສໍາປະທານ 50 ປີ, ທະນາຄານຮ່ວມພັດທະນາມີຄວາມຍິນດີໃຫ້ການຮ່ວມມືໃນການສະໜັບສະໜູນທຶນເພື່ອກໍ່ສ້າງເສັ້ນທາງດ່ວນວຽງຈັນ ໝາຍເລກ 1, ໂດຍປະຕິບັດຕາມຄໍາຂວັນຂອງທະນາຄານຮ່ວມພັດທະນາ “ເຕີບໃຫຍ່ໄປພ້ອມກັນ ”.

__________

ຂຽນໂດຍ:  ຄໍາຕົ້ນ ວໍລະຈັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์