ມອບ-ຮັບໂຮງຮຽນມັດທະຍົມສົມບູນ ເມືອງດາກຈຶງ

  ໃນວັນທີ 13 ພະຈິກ 2019 ທີ່ເມືອງດາກຈຶງ ແຂວງເຊກອງໄດ້ຈັດພິທີມອບ-ຮັບໂຮງຮຽນມັດທະຍົມສົມບູນຫຼັງໃໝ່,ໂດຍການ ເຂົ້າຮ່ວມຂອງທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ, ຮອງຫົວໜ້າຫ້ອງວ່າການປະທານ ປະເທດ, ທ່ານ ກອງສີ ແສງມະນີ ຮອງລັດຖະມົນຕີກະຊວງສຶກສາ ແລະກີລາ, ທ່ານ ຫວຽນບ໋າຮຸງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳລາວ, ທ່ານ ຄຳເຜີຍ ແກ້ວກີນນາລີ ຮອງປະທານຄະນະກຳມະການຮ່ວມມືລາວ-ຫວຽດ, ທ່ານ ກວາກຮຸ່ງຮຽບ ຮອງປະທານທະນາຄານ (BIDV), ທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ພ້ອມດ້ວຍຕາງໜ້າບໍລິສັດຈິດຈະເລີນກໍ່ສ້າງ, ມີບັນດາຫົວໜ້າພະແນກການທີ່ກ່ຽວຂ້ອງຈາກແຂວງ ແລະເມືອງເຂົ້າ ຮ່ວມເປັນສັກຂີິພິຍານ.

ທ່ານ ຫງຸຍເທຫຽນ ປະທານບໍລິສັດຈິດຈະເລີນກໍ່ສ້າງ,ຊຶ່ງເປັນຜູ້ຮັບເໝົາກໍ່ສ້າງກ່າວວ່າ:ອາຄານຫຼັງດັ່ງກ່າວແມ່ນໄດ້ເລີ່ມລົງມືກໍ່ສ້າງມາແຕ່ວັນທີ 25 ມິຖຸນາ 2018 ແລະສໍາເລັດໃນວັນທີ 7 ມິຖຸນາ 2019 ຊຶ່ງມີຄວາມຍາວ 56 ແມັດ, ກວ້າງ 16,8 ແມັດ,ເປັນອາຄານ 2 ຊັ້ນ,ເທດ້ວຍເບຕົງເສີມເຫຼັກ, ມຸງດ້ວຍກະເບື້ອງ,ປະກອບມີ:ຫ້ອງຮຽນພາສາຕ່າງປະເທດ 1 ຫ້ອງ, ສາງເກັບເຄື່ອງທົ່ວໄປ 2 ຫ້ອງ,ຫ້ອງເກັບເຄື່ອງທົດລອງ1 ຫ້ອງ, ຫ້ອງສະມຸດ 1 ຫ້ອງ,ຫ້ອງການຄູ 1 ຫ້ອງ, ຫ້ອງປະ ຊຸມ 1 ຫ້ອງ,ຫ້ອງຄອມພິວເຕີ 2 ຫ້ອງ, ຫ້ອງຮຽນ 5 ຫ້ອງ, ຫ້ອງຂາອອກ-ຂາເຂົ້າ 1 ຫ້ອງ ແລະ ຫ້ອງທົດລອງວິຊາຮຽນເຄມີ, ຊີວະ, ຟິຊິກ, ຄະນິດສາດ 4 ຫ້ອງ,ມີລະບົບໄຟຟ້າ ແລະນໍ້າປະປາຄົບຊຸດ, ລວມມູນຄ່າການກໍ່ສ້າງທັງໝົດ 1 ລ້ານໂດລາ ຫຼື ປະມານ 9 ຕື້ກວ່າກີບ ໂດຍແມ່ນທຶນຊວ່ຍເຫຼືອລ້າຈາກລັດຖະບານ ສສ ຫວຽດນາມ.

ສະໜັບສະໜຸນໂດຍ: HONDA

--------------------

 ໜັງສືພິມເສດຖະກິດ-ສັງຄົມ

แชร์