ອີ ຢອງແອ ກັບຄືນສະແດງຮູບເງົາ

   ອີ ຢອງແອ ມີຜົນງານການສະແດງຮູບເງົາຢ່າງຫຼວງຫຼາຍທັງ Sympathy for Lady Vengeance” (2005),“One  FineSpring Day” (2001) ແລະ “Joint Security Area” (2000) ນັກສະແດງແຖວໜ້າຂອງ ສ.ເກົາຫຼີ ອີຢອງແອ ກໍຫວນຄືນມາສະແດງອີກຄັ້ງໃນຮູບເງົາເລື່ອງ  Bring Me Home ຜົນງານການກຳກັບຂອງຜູ້ກຳກັບຄິມ ຊິງອູ ເລົ່າເລື່ອງລາວຂອງແມ່ຈອງ ຢອນ ທີ່ສືບຫາຂໍ້ມູນຂອງລູກຊາຍທີ່ຫາຍຕົວໄປດົນເຖິງ 16 ປີຊຶ່ງນໍາລາວໄປໝູ່ບ້ານຊາວປະມົງ ແລະ ໄດ້ພົບກັບບັນດາຕໍາຫຼວດທີ່ອາດເຮັດໃຫ້ລາວພົບກັບຄຳຕອບປິດສ ໜາຄັ້ງນີ້ໄດ້.

ອີ ຢອງແອ ເປີດໃຈວ່າຄາດຫວັງທີ່ຈະໃຫ້ຮູບເງົາເລື່ອງນີ້ເປັນອີກໜຶ່ງຈຸດປ່ຽນໃນອາຊີບການສະແດງຂອງລາວເໝືອນກັບທີ່ຮູບເງົາ ເລື່ອງ Sympathy for LadyVengeance ທີ່ເຄີຍສ້າງຜົນງານມາແລ້ວເຖິງແມ່ນວ່າເລື່ອງນີ້ຈະເປັນຮູບເງົາລະທຶກຂວັນແຕ່ຂະນະດຽວກັນກໍອົບອຸ່ນໃຈດ້ວຍເພາະມີຜູ້ຄົນຫຼາກຫຼາຍປະເພດໃນຮູບເງົາເຮັດໃຫ້ຮູບເງົາເລື່ອງນີ້ສົມຈິງ ແລະ ກໍປະບາງຄວາມຮູ້ສຶກເອົາໄວ້ເມື່ອລາວເບິ່ງຍ້ອນກັບໄປນັ້ນຄືເຫດຜົນທີ່ວ່າເປັນຫຍັງລາວຈຶ່ງສະແດງຮູບເງົາເລື່ອງນີ້,ໂດຍຮູບເງົາເລື່ອງ Bring Me Home ຈະລົງສາຍໃນໂຮງຮູບເງົາປະເທດ ສ.ເກົາຫຼີໃນວັນທີ 27 ພະຈິກນີ້.

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์