ເຕືອນຜູ້ໃຊ້ໄອໂຟນລຸ້ນເກົ່າຢ່າລືມອັບເດດໄອໂອເອສ ກ່ອນໃຊ້ງານບໍ່ໄດ້

  ແອັບເປິ້ນ (Apple) ປະກາດເຕືອນຜູ້ໃຊ້ງານ iPhone ແລະ iPad ລຸ້ນເກົ່າຢ່າງລືມອັບ ເດດ iOS ເພື່ອໃຫ້ລະບົບລວມທັງ ແອັບພລິເຄຊັນຕ່າງໆຈາກ App Store ຍັງເຮັດວຽກໄດ້ປົກກະຕິ ກ່ອນວັນທີ 3 ພະຈິກນີ້.

ບັນຫາດັ່ງກ່າວເກີດຈາກ Global Positioning Systemnetwork ຫຼື GPS ໄດ້ຣີເຊັຕ ຄ່າເວລາໃໝ່ເມື່ອວັນທີ 6 ເມສາທີ່ຜ່ານມາແຕ່ຈະບໍ່ມີຜົນກັບອຸປະກອນລຸ້ນເກົ່າຈົນກວ່າຈະເຖິງວັນທີ 3 ພະຈິກນີ້.

ເປັນເລື່ອງສຳຄັນທີ່ຕ້ອງອັບເດດອຸປະກອນ iPhone iPad ລຸ້ນເກົ່າກ່ອນວັນທີ 3 ພະຈິກນີ້ເພື່ອໃຫ້ລະບົບ GPS, ເວລາ ແລະ ວັນທີ່ສາມາດເຮັດວຽກໄດ້ປົກກະຕິ-Apple ອຸປະກອນທີ່ໄດ້ຮັບຜົນກະທົບຄື: iPhone 5, iPad 4, iPhone 4S, iPad mini, iPad2, ແລະ iPad3 ຢ່າລືມອັບເດດເປັນ iOS 9.3.6 ຫຼື iOS 10.3.4 (iPhone5, iPad 4).

ຫາກບໍ່ໄດ້ອັບເດດຕົວເຄື່ອງຈະສູນເສຍການໃຊ້ງານຫຼາຍຢ່າງເຊັ່ນລະບົບ GPS ບັນຫາດ້ານເວລາສົ່ງຜົນໃຫ້ລະບົບເຄືອຂ່າຍໃນເຄື່ອງມີບັນຫາບໍ່ສາມາດໂຫຼດອີເມລ ຫຼື ມີບັນຫາການ Sync ຂໍ້ມູນກັບ iCloud ໄດ້ເພາະສະນັ້ນກໍຢ່າລືມອັບເດດເຄື່ອງກັນດ້ວຍ.

------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์