ກອງລະຄອນຕຸກກະຕາແຫ່ງຊາດ ຈັດສະແດງຢູ່ເມືອງອະນຸວົງ

 ກອງລະຄອນຕຸກກະຕາແຫ່ງຊາດໄດ້ລົງມາເຄື່ອນໄຫວສະແດງລະຄອນຕຸກກະຕາຢູ່ຕາມໂຮງຮຽນປະຖົມຂອງເມືອງອະນຸວົງ ແຂວງໄຊສົມບູນ ຊຶ່ງໃນວັນ 13 ພະຈິກ 2019 ແມ່ນໄດ້ສະແດງຢູ່ ທີ່ໂຮງຮຽນປະຖົມສົມບູນບ້ານພູຫົວຊ້າງ ໂດຍການນຳພາຂອງທ່ານນາງ ວັນສີ ສຸກຈະເລີນ ອຳນວຍການກອງລະຄອນຕຸກກະຕາແຫ່ງຊາດ ພ້ອມດ້ວຍທີມງານມີພະນັກງານຈາກພະແນກ ຖວທ ແລະຫ້ອງການ ຖວທ ເມືອງອະນຸວົງ ຕະຫຼອດຮອດຄູ-ອາຈານ ແລະນ້ອງນັກຮຽນເຂົ້າຮ່ວມຮັບຊົມຢ່າງຫຼວງ ຫຼາຍ.

ສະໜັບສະໜຸນໂດຍ: ສ່ວນບຸກຄົນ

 ການລົງມາສະແດງລະຄອນຕຸກກະຕາຄັ້ງນີ້ແມ່ນເພື່ອເປັນການປູກຈິດສຳນຶກໃຫ້ແກ່ນ້ອງນ້ອຍນັກ ຮຽນເພື່ອນຳໃຊ້ເຂົ້າໃນບົດຮຽນ ແລະພັດທະນາຕົນເອງໄປເທື່ອລະກ້າວທັງເປັນການສ້າງຂະບວນການຕ້ອນຮັບວັນຊາດທີ 2 ທັນວາ ທີ່ຈະມາເຖິງນີ້ໃຫ້ເປັນຂະບວນການຟົດຟື້ນ; ສໍາລັບລາຍການທີ່ທາງກອງລະຄອນຕຸກຕາແຫ່ງຊາດ ນຳມາສະແດງໃນຄັ້ງນີ້ມີທັງໝົດ 6 ລາຍການຄື: ລະຄອນເລື່ອງ ເດັກຂີ້ດື້ເປົ້າໝາຍແມ່ນເພື່ອຢາກໃຫ້ນັກຮຽນດຸໝັ່ນມາໂຮງຮຽນ ແລະຕັ້ງໃຈຮຽນໜັງສື, ຫຸ່ນຮ້ອງ ເພງອຸບັດຕິເຫດເພື່ອຢາກໃຫ້ນັກຮຽນໄດ້ເຫັນການຂັບຂີ່ຕ້ອງລະ ມັດລະວັງ, ລະຄອນເລື່ອງສັງສິນໄຊ ຕອນທີ 1 ທີ່ຍັກກຸມພັນໄປລັກ ເອົານາງສຸມຸນທາ ແລະຕອນທີ 2 ທີ່ໄປນໍາເອົານາງສະມຸນທາກັບຄືນ ມາ, ລະຄອນເລື່ອງລູກຜູ້ຊາຍຫຼົງຜິດສ່ອງແສງໃຫ້ເຫັນເຖິງການໃຊ້ຈ່າຍຕ່າງໆ ຕ້ອງມີຄວາມປະຢັດ ມັດທະຍັດພ້ອມທັງຢາກໃຫ້ຮູ້ເຖິງ ການອະນຸລັກຮັກສາສິ່ງແວດລ້ອມ ປ່າໄມ້ ແລະສັດປ່າ ແລະໄດ້ຊົມ ການສະແດງສິລະປະແອບເຂົ້າ.

 ນອກຈາກສະແດງຢູ່ໂຮງຮຽນປະຖົມສົມບູນບ້ານພູຫົວຊ້າງ ແລ້ວ ກອງລະຄອນຕຸກກະຕາແຫ່ງຊາດຍັງຈະສືບຕໍ່ໄປສະແດງຢູ່ຕາມໂຮງຮຽນປະຖົມຕ່າງໆ ຂອງເມືອງອະນຸວົງ ໃຫ້ທົ່ວເຖິງຊຶ່ງການສະແດງ ແມ່ນເລີ່ມມາແຕ່ວັນ 10 ຈົນເຖິງ ວັນທີ 16 ພະຈິກ ຈຶ່ງຈະສໍາເລັດ.

ສະໜັບສະໜຸນໂດຍ: HONDA

---------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์