ທ່ຽວຊົມແຫຼ່ງທ່ອງທ່ຽວແຂວງຊຽງຂວາງ

  ແຂວງຊຽງຂວາງ ເປັນແຂວງໜຶ່ງທີ່ມີສະຖານທີ່ທ່ອງທ່ຽວຫຼາຍໆແຫ່ງທີ່ມີຄວາມສວຍງາມ ແລະ ເປັນທີ່ໜ້າຄົ້ນຫາ ແລະ ມີຊື່ສຽງດ້ານການທ່ອງທ່ຽວບໍ່ວ່າຈະເປັນການທ່ອງທ່ຽວທຳມະຊາດປະຫວັດສາດ ແລະວັດທະນະທຳແຕ່ລະເມືອງລ້ວນແຕ່ມີທ່າແຮງໃນດ້ານການທ່ອງທ່ຽວ ແລະໂດດເດັ່ນຂອງແຂວງທີ່ຫຼາກຫຼາຍສຳຄັນຍັງມີສະຖານທີ່ຄອຍໃຫ້ນັກທ່ອງທ່ຽວໄດ້ທ່ຽວຊົມບໍ່ວ່າຈະເປັນທາງທຳມະຊາດ ແລະປະຫວັດ ສາດອັນເປັນທີ່ນີຍົມຂອງຜູ້ຄົນ ທາງພາຍໃນ ແລະຕ່າງປະເທດ.

ເມື່ອເວົ້າເຖິງແຫຼ່ງທ່ອງທ່ຽວ ແຂວງຊຽງຂວາງ ແລ້ວພາຍໃນ ແຂວງຍັງມີສະຖານທີ່ທ່ອງທ່ຽວທາງທໍາມະຊາດ ທີ່ມີຄວາມໂດດເດັ່ນເປັນຕົ້ນແມ່ນ:ພູເກັງ  ບ່ອນຜະລິດໄຫຫີນ,ບໍ່ນໍ້າຮ້ອນບ້ານນາທອງ, ຖໍ້າພະເມືອງພູກູດ, ຖໍ້າປີວເມືອງຄຳ, ຕາດລ່າງ, ທົ່ງໄຫຫີນ,ຕາດຄາ, ຕາດຄະ, ບໍ່ນຮ້ອນເມືອງຄຳ, ທາດຝຸ່ນ, ໂຮງໝໍເກົ່າເມືອງຄູນ,ພູກູດຈອມເຫຼັກ, ແລະ ວັດວາອາຮາມຕ່າງໆ.

ສະໜັບສະໜຸນໂດຍ: HONDA

  ຕາດລ່າງແມ່ນໜຶ່ງໃນບັນດາແຫຼ່ງທ່ອງທ່ຽວທີ່ມີຊື່ສຽງຂອງ ເມືອງຜາໄຊ ແຂວງຊຽງຂວາງ ເປັນຕາດທໍາມະຊາດທີ່ສວຍງາມທີ່ມີຄວາມຍາວປະມານ 800 ແມັດ, ນອກນັ້ນຕາດດັ່ງກ່າວຍັງເປັນເສັ້ນທາງກອງພັນທີ 2 ທີ່ຜ່າວົງປິດລ້ອມຂອງສັດຕູ ຊຶ່ງໃນໄລຍະຜ່ານມາມີນັກທ່ອງທ່ຽວຈຳນວນບໍ່ໜ້ອຍທີ່ມາທ່ຽວຊົມສະຖານທີ່ດັ່ງກ່າວໂດຍສະເພາະຍາມງານ ບຸນຕ່າງໆ ບຸນປີໃໝ່ລາວ ແລະ ອື່ນໆ ເນື່ອງຈາກວ່າສະຖານທີ່ແຫ່ງນີ້ແມ່ນມີຄວາມສວຍງາມທາງດ້ານທຳມະຊາດເພາະປົກຄຸມໄປດ້ວຍປ່າໄມ້ທີ່ຂຽວງາມ ແລະ ສັດສາວາສິ່ງນາໆຊະນິດ.

ສະໜັບສະໜຸນໂດຍ: ສ່ວນບຸກຄົນ

-----------------

 ໜັງສືພິມເສດຖະກິດ-ສັງຄົມ

แชร์