ຢູ 19 ຍີ່ປຸ່ນ ຄວ້າແຊັມອາຊີ ສະໄໝທີ 3

  ສາວຊາມູໄຣ ທີມຊາດຍີ່ປຸ່ນຮຸ່ນອາຍຸບໍ່ເກີນ 19 ປີ ສ້າງປະຫວັດສາດຄວ້າແຊັມອາຊີ 3 ສະໄໝຕິດຕໍ່ກັນຫຼັງຈາກຮອບຊີງຊະນະເລີດເອົາຊະນະ ສປປ ເກົາຫຼີ2-1 ທີ່ສະໜາມຊົນບູຣີ ແຂວງຊົນບູຣີ ປະເທດໄທ ເມື່ອທ້າຍອາທິດຜ່ານມາ.

ສາວຊາມູໄຣ ແຊັມເກົ່ານຳ ກ່ອນ 2-0 ຈາກ Yuzuki Yama moto  ນາທີ  47  ແລະHana Takahashi ໃນນາທີ 72 ສປປ ເກົາຫຼີແກ້ໄດ້ພຽງໜຶ່ງປະຕູຈາກຈຸດໂທດ ຂອງ Kim Yun-ok ໃນນາທີ 82 ຈົບເກມ 2-1 ສາວຊາມູໄຣ ປ້ອງກັນແຊັມໄດ້ສຳເລັດ ແລະເປັນທີມ ດຽວທີ່ພິຊິດແຊັມລາຍການນີ້ 2 ສະໄໝ ແລະ3 ສະໄໝຊ້ອນ, ເປັນແຊັມສູງສຸດສະໄໝທີ 6 ຕໍ່ຈາກປີ 2002, 2009, 2011,2015 ແລ 2017, ຂະນະທີ່ ສປປ ເກົາຫຼີ ເປັນຮອງແຊັມ 5 ສະໄໝຕິດຕໍ່ກັນ.

ຍີ່ປຸ່ນ ແລະສປປ ເກົາຫຼີຄວ້າ ສິດໄປບານເຕະຍິງຊີງແຊັມໂລກຢູ 20 ທີ່ປະເທດໄນຈີເຣຍ (ນິເຊຣີ) ໃນວັນທີ 3-22 ກໍລະກົດ ປີ 2020 ພ້ອມກັບສາທາລະນະລັດເກົາຫີຼທີ່ ໄດ້ອັນດັບ 3 ດ້ວຍການເອົາຊະນະ ອົດສະຕຣາລີ 9-1.

ລາງວັນນັກເຕະດີເດັ່ນຢູ 19 ຍິງອາຊີ 2019 ເປັນຂອງ OtoKanno ຈາກຍີ່ປຸ່ນ, ສ່ວນລາງວັນດາວຍິງສູງສຸດເປັນຂອງ  Kang Ji-woo ຈາກ ສ.ເກົາຫຼີ ລວມ 7 ປະຕູ ແລະລາງວັນທີມມາລະຍາດດີເດັ່ນເປັນຂອງຍີ່ປຸ່ນ.

--------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์