ປ່າສະຫງວນແຫ່ງຊາດເຊປຽນ ແຫຼ່ງທ່ອງທ່ຽວທາງທຳມະຊາດ

 ແຂວງອັດຕະປື ເປັນອີກໜຶ່ງຈຸດໝາຍປາຍທາງດ້ານການທ່ອງທ່ຽວທີ່ມີຄວາມໂດດເດັ່ນທາງດ້ານທຳມະຊາດ,ປະຫວັດສາດ ແລະວັດທະນາທໍາເພາະອຸດົມສົມ ບູນໄປດ້ວຍຊັບພະຍາກ່ອນທຳມະຊາດທີ່ຫຼາກຫຼາຍສຳຄັນຍັງມີສະຖານທີ່ຄອຍໃຫ້ນັກທ່ອງທ່ຽວໄດ້ ທ່ຽວຊົມບໍ່ວ່າຈະເປັນທາງວັດທະນະທຳປະຫວັດສາດ ແລະທຳມະ ຊາດອັນເປັນທີ່ນິຍົມຂອງຜູ້ຄົນທາງພາຍໃນ ແລະຕ່າງປະເທດ ໂດຍສະເພາະແມ່ນປ່າສະຫງວນ ແຫ່ງຊາດເຊປຽນ,ປ່າສະຫງວນ ແຫ່ງຊາດເຊປຽນ ເປັນແຫຼ່ງທ່ອງ ທ່ຽວທາງທຳມະຊາດມາແຕ່ໃດໆ ຊຶ່ງຕັ້ງຢູ່ທ່າມກາງປ່າດົງເຍືອກເຢັນມີຕົ້ນໄມ້ ແລະຊີວະນາໆພັນທີ່ ອຸດົມສົມບູນ.

ປ່າສະຫງວນແຫ່ງຊາດເຊປຽນມີຄວາມອຸດົມສົມບູນໄປດ້ວຍທິວທັດທຳມະຊາດ ແລະເປັນແຫຼ່ງອາໄສຂອງສັດປ່າ, ມີເນື້ອທີ່ທັງໝົດ 24.000 ເຮັກຕາ, ສູງຈາກໜ້າ ນໍ້າທະເລ700-840 ແມັດ,ປ່າສະຫງວນເຊປຽນ ກວມເອົາ 90 ບ້ານໃນນັ້ນສ່ວນໃຫ່ຍກວມເອົາ ແຂວງຈຳປາສັກ ແລະມີ 16 ບ້ານຂຶ້ນກັບເມືອງສະໜາມໄຊ ແຂວງ ອັດຕະປື, ພື້ນທີ່ດິນທີ່ຂຶ້ນກັບແຂວງ ອັດຕະປື ຈະເປັນດິນທາມ, ໄລຍະ ລົງສຳຫຼວດໃນລະຫວ່າງປີ 1998, ຕະຫຼອດໄລຍະທາງການຍ່າງປ່າ ນັກທ່ອງທ່ຽວຈະໄດ້ສຳພັດກັບຄວາມອຸດົມສົມບູນຂອງປ່າໄມ້, ຄວາມງາມເຢັນຂອງປ່າ, ໄດ້ສໍາພັດກັບສຽງສັດປ່ານາໆຊະນິດລວມເຖິງດອກໄມ້ປ່ານາໆພັນ.

ປ່າສະຫງວນແຫ່ງຊາດເຊປຽນຕັ້ງຢູ່ເຂດເຊປຽນ ເມືອງສະໜາມ ໄຊ ຊຶ່ງທ່ານສາມາດເຈົ້າໄປທ່ຽວຊົມທິວທັດທຳມະຊາດໄດ້ຫາກທ່ານໄດ້ເຫັນຮັບຮອງວ່າຈະເພີດເພີນ ໄປກັບຄວາມເຢັນທຳມະຊາດແນ່ ນອນ.

----------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์