ເປີດໂຄງການຫຼຸດຜ່ອນຄວາມທຸກຍາກ

  ວັນທີ 13 ພະຈິກ 2019 ທີ່ນະຄອນຫຼວງວຽງຈັນ ໄດ້ຈັດພິທີເປີດໂຄງການຫຼຸດຜ່ອນຄວາມທຸກຍາກ ແລະການຂາດໂພຊະນາການໃນເຂດຊົນນະບົດ ແລະໂຄງການຂະຫຍາຍນໍ້າປະປາ, ສຸຂາພິບານ ແລະ ອະນາໄມໂດຍເປັນປະທານຂອງ ທ່ານ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ພຸດ ສິມມະລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ ນິໂກລາ ປອນຕາຣາ ຫົວໜ້າຫ້ອງການທະນາຄານໂລກປະຈໍາ ສປປ ລາວພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະໜັບສະໜຸນໂດຍ: HONDA

  ທ່ານ ກິແກ້ວ ຈັນທະບູລີ ກ່າວວ່າ: ການປັບປຸງໂພຊະນາການຂອງເດັກນ້ອຍແມ່ນກຸນແຈສຳຄັນເພື່ອກ້າວສູ່ເປົ້າໝາຍຂອງພວກເຮົາໃນການລົງທຶນໃສ່ການພັດທະນາຄົນ ແລະເພີ່ມທະວີຕົ້ນທຶນມະນຸດ, ເພື່ອບັນລຸການເຕີບໂຕທາງດ້ານເສດຖະກິດຢ່າງສົມສ່ວນ ແລະທົ່ວເຖິງແນໃສ່ຫຼຸດຜ່ອນອັດຕາການຂາດສານອາຫານຂອງເດັກນ້ອຍຢູ່ 4 ແຂວງພາກເໜືອທີ່ມີອັດຕາການຂາດສານອາຫານສູງຄື: ແຂວງຊຽງຂວາງ,ຫົວພັນ,ຜົ້ງສາລີ ແລະອຸດົມໄຊໂຄງການດັ່ງກ່າວເລີ່ມປະຕິບັດແຕ່ປີ 2019-2024 ລວມມູນຄ່າ 52 ລ້ານໂດລາ ພາຍໃຕ້ການສະໜັບສະໜູນຂອງທະນາຄານໂລກ.

ພາບຂ່າວ:

  ທ່ານ ນິໂກລາ ປອນຕາຣາ ກ່າວວ່າ: ການຂາດສານອາຫານເປັນບັນຫາສຳຄັນທີ່ກົດໜ່ວງຖ່ວງດຶງການພັດທະນາຂອງລາວໃນທົ່ວປະເທດຫຼາຍກວ່າໜຶ່ງສ່ວນສາມ ຂອງຈຳນວນເດັກລຸ່ມ 5 ປີທັງໝົດໄດ້ຮັບຜົນກະທົບຈາກການຂາດສານອາຫານໂດຍສະເພາະຢູ່ບັນດາແຂວງທີ່ເປັນເປົ້າໝາຍຂອງໂຄງການ, ຕົວເລກດັ່ງກ່າວມີລະດັບສູງເຖິງ 54% ການຂາດສານອາຫານຢ່າງຮຸນແຮງສາມາດສ້າງຄວາມເສຍຫາຍຕໍ່ການພັດທະນາຂອງສະໝອງ, ຕໍ່ຜົນການຮຽນຢູ່ໂຮງຮຽນ ແລະຈະກະທົບຕໍ່ຄວາມສຳເລັດໃນການຊອກຫາວຽກເຮັດງານທຳ, ຊຶ່ງຈະເຮັດໃຫ້ຄອບຄົວບໍ່ສາມາດຫຼຸດພົ້ນອອກຈາກຄວາມທຸກຍາກໄດ້.

ສະໜັບສະໜຸນໂດຍ: ສ່ວນບຸກຄົນ

________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์