ໂຕໂຍຕ້າລາວ ຈຳກັດ ປະກອບສ່ວນຊ່ວຍຜູ້ປະສົບໄພນໍ້າຖ້ວມ

  ໃນວັນທີ 13 ພະຈິກ 2019 ບໍລິສັດ ໂຕໂຍຕ້າລາວ ຈໍາກັດ ໄດ້ນຳເງິນຈຳນວນ 200 ລ້ານກີບ ມາມອບໃຫ້ກັບກະຊວງແຮງງານ ແລະສະຫວັດດີການສັງຄົມເພື່ອນຳໄປຊ່ວຍຜູ້ປະສົບໄພນໍ້າຖ້ວນໃນ 6 ແຂວງພາກກາງ ແລະພາກໃຕ້ຂອງລາວ, ໂດຍການຮັບຂອງ ທ່ານ ຄຳແພງໄຊສົມແພງ ລັດຖະມົນຕີກະຊວງແຮງງານ ແລະສະຫວັດດີການສັງຄົມ ແລະກ່າວມອບຂອງ ທ່ານ ມາຊາອະກິ ຄາວາບາຕະ ຜູ້ອຳນວຍການບໍລິສັດໂຕໂຍຕ້າລາວ ຈຳກັດ ພ້ອມດ້ວຍພາກສ່ວນທີກ່ຽວຂ້ອງທັງສອງຝ່າຍເຂົ້າ ຮ່ວມ.

 ເນື່ອງໃນໂອກາດດັ່ງກ່າວທ່ານ ຄຳແພງ ໄຊສົມແພງ ກໍໄດ້ກ່າວສະແດງຄວາມຂອບໃຈຕໍ່ກັບທ່ານ ມາຊາອະກິ ຄາວາບາຕະ ຜູ້ອຳນວຍການບໍລິສັດໂຕໂຢຕ້າລາວ ຈຳກັດທີ່ໄດ້ປະກອບສ່ວນຊ່ວຍເຫຼືອໃຫ້ກັບປະຊາຊົນລາວ ແລະປະກອບສ່ວນໃນການແກ້ໄຂ,ຟື້ນຟູຊີວິດການເປັນຢູ່ຂອງຜູ້ປະສົບໄພນໍ້າຖ້ວມໃຫ້ກັບຄືນສູ່ສະພາບປົກກະຕິໂດຍໄວ.

ສະໜັບສະໜຸນໂດຍ: HONDA

  ການລະດົມການຊ່ວຍເຫຼືອຜູ້ປະສົບໄພນໍ້າຖ້ວນໃນຄັ້ງນີ້ແມ່ນໄດ້ເລີ່ມແຕ່ວັນທີ 7 ກັນຍາ ມາຮອດວັນທີ 13 ພະຈິກ 2019 ນີ້ ແມ່ນໄດ້ຮັບເງິນຊ່ວຍເຫຼືອຂອງແຕ່ ລະພາກສ່ວນມາມອບຢູ່ກະຊວງແຮງງານ ແລະ ສະຫວັດດີການສັງຄົມ, ທັງການໂອນເຂົ້າບັນຊີກອງທຶນບໍລິຈາກເພື່ອຊ່ວຍເຫຼືອຜູ້ເຄາະຮ້າຍຈາກໄພພິບັດທັງພາຍໃນ ແລະ ຕ່າງປະເທດປະຈຸບັນ ລວມເປັນເງິນທັງໝົດຈຳນວນ 13,2 ຕື້ກີບ, 545.125 ບາດ, 531.915 ໂດລາ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ:  ລຸນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

แชร์